Itre Hna Amekötiin

◼ Itre itus nyine troa tro fë ngöne la itre treu Mei: Troa tro fë la itre zonal La Tour de Garde me Réveillez-vous ! Ame ngöne la easa tro troa wange hmaca la itre atr, ene mina fe lo itre ka hane sine la Drai Ne Amekunën me itre ka nanazij, tre, loi e tro sa catre thele troa tro fë la itus Nemene La Nyipi Ini Hna Hamën Hnei Tusi Hmitrötr? Loi e troa ej e kuhu hni së la aja troa nyiqaane inine la Tusi Hmitrötr memine la itre atr, jëne la itusi cili. Juun: Tro fë jë la itus Atrehmekune, maine pena la itus Thili Jë Kowe La Akötresie. Julai Me Ogas: Troa tro fë la itre borochür Veillez ! me Hapeu Akötresie a Hane Kukehni Së? me Nemene La Pengö Së Ngöne La Easë a Mec?

◼ Maine epuni a troa tro kowe la ketre nöj, nge epuni a ajane troa sine la itre icasikeu, maine itre asabele, maine itre kovasio pena, haawe, loi e tro nyipunie a hnyingëne la itre ijin me hawa, me hna hnen la itre icasikeu cili, thene la Bethela ka elemekene la huliwa ne cainöj ngöne la nöje cili. Eje ngöne la götrane tixenuë ne la Annuaire ka hnyipixe la itre aderes ne la itre bethela asë.

◼ Maine jë troa saze la porogarame ne la itre icasikeu qëmekene la wiike ne la Kovasio ne Distrik, hna hape “Hmeke Jë!”, matre troa wange hmaca la itre eamo me itre nyine amekunëne göi troa sine la kovasio. Caas maine lue treu thupene la hna kovasio, tro hmaca a amexeje la itre mekun qa ngöne la kovasio, ka troa xatuane la itre trejin ngöne la huliwa ne cainöj.