Kola Sa La Itre Hnyinge i Nyipunie

◼ Hapeu, ijije kö tro la itre ekalesia maine easë isa ala caas, a xome la itre hatren ne la itre jia ne huliwa ne la Itretre Anyipicine i Iehova?

Ame la hatren, tre, ketre ëje maine ketre hnaewekë pena nyine troa canga atrehmekune la ketre organizasio. Ame la hatren ne la Watch Tower Bible and Tract Society of Pennsylvania memine la itre xaa asosiasio hna xome hnene la organizasio, tre kolo iatr ne Watch Tower, lo ita ne thup. Hna xome hnene la Ekalesia ne Keresiano ne la Itretre Anyipicine i Iehova, la iatr ka amamane la Tusi Hmitrötr hna fe, matre troa amë ngöne la itre hune tus. Ame la itre asosiasio ka ce huliwa memine la filial, tre, angatr a amë ngöne la itre hune tus i angatr lo iatr hna majemine xom hnei Sasaiatri, ene lo Tusi Hmitrötr hna fe angangan.

Thaa tro pi kö la itre ekalesia me easë isa ala caasi a xome la itre hatren maine itre ëje ne la itre asosiasio ne la organizasio me amë itre ej hune la itre Uma ne Baselaia, maine itre hune tusi së, maine ngöne itre sipu ewekë së, maine itre xaa ewekë pena. Maine kola xome la itre hatrene la organizasio, haawe, ijije hi troa imenune hnene la itre hene ne mus, memine la itretre cainöje fe me itre xane ju kö, göne la aqane ce huliwa ne la ekalesia memine la organizasio. Ketre ceitune mina fe, ijije troa mekune menune la itre ewekë hna kapa maine hna iupe fë hnene la iwahutine la Sasaiatri maine hnene la Bethela.

Thaa tro pi kö a xome la iatr ne Watch Tower, lo ita ne thup, maine ketre ka ceitu pena thatraqane la itre Uma Ne Baselaia hna mekune troa kuca elany, ngacama ame la Uma Ne Baselaia, tre, ewekë i Sasaiatri qëmekei mus. Maine hetrenyi la itre ekalesia me Uma Ne Baselaia ka trene hatren, tre, thaa nyipi ewekë kö troa canga sazene itre ej, ke, atraqatre catre la itre huliwa cili nge nyimu hawa me trenge catre me mani nyine hamën. Ngo ijije troa saze, e thaa ketre ewekë ka tru kö, maine thaa atraqatre menu kö la huliwa nyine troa kuca. Ngo maine ketre ewekë ka tru catre nyine saze, tre, loi e troa treqene la ijine hna sa troa ahnyipixene la uma maine hatrene pena.