Itre Hna Amekötiin

◼ Itre itus nyine troa tro fë ngöne la treu Januare: Atrehmekune Ka Eatrongë Nyipunie Kowe La Mele Ka Pë Pun maine Nemene La Nyipi Ini Hna Hamën Hnei Tusi Hmitrötr? Febuare: Jëne Madrine Kowe La Fami maine Trenge Edromë Qa Hnin La Tusi Hmitrötr. Maac: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötr. Eiperem: Troa tro fë la itre zonal La Tour de Garde me Réveillez-vous ! Ame ngöne la easa wange hmaca la itre atr, ene mina fe lo itre ka hane sine la Drai Ne Amekunën maine la itre ka nanazij, tre, loi e tro sa catre thele troa tro fë la itus Nemene La Nyipi Ini Hna Hamën Hnei Tusi Hmitrötr? Loi e tro mina fe a eje e kuhu hni së la ajan troa nyiqaane inine la Tusi Hmitrötr memine la itre atr, jëne la itusi cili.

◼ Ame ngöne la pane wiik ne la treu Maac, kola troa hamën la cainöj koi nöjei atr hnene la itretre thupën la sirkoskripsio, hna hape “Thipetrije Pi La Itre Ewekë Hna Tremeun Hnene La Fen, Nge Xötrethenge Jë La Itre Ewekë Ka Nyipici Göne La Baselaia.”

◼ Loi e troa canga hnëkë hnene la itre ekalesia matre troa atrune la Drai Ne Amekunën ne la macatre celë, e Drai Ka Co 9 Eiperem, thupene la hna lö la jö. Loi e tro la itre ekalesia a thele troa isa atrune la Drai Ne Amekunën. Maine nango ala nyimu la itre ekalesia ka ce thawa la caa Uma Ne Baselaia, maine jë tro pë hë itre xan a icasikeu hnine la ketre uma ngöne la heji cili. Maine ijij, loi e tro sa xom la 40 menetr akawan la itre ijine icasikeu matre tro asë hi së a kepe thangane hnyawa qa ngöne la icasikeu cili.

◼ Loi e troa xecie hnyawa kowe la itre seketere laka, isa hetrenyi angatr lo pepa Lettre de nomination de pionnier (S-202) göi itre pionie lapaa asë ne la ekalesia. Maine pëkö, cinyanyi ju kowe la filial.