Itre Hna Amekötiin

◼ Itre itus nyine troa tro fë ngöne la treu Diseba: Tro fë jë la itus Atr Ka Tru Ne La Fene Hnengödrai. Maine hetre ka trene nekönatr, tro fë jë la itus Écoute Le grand Enseignant. Januare: Atrehmekune Ka Eatrongë Nyipunie Kowe La Mele Ka Pë Pun maine Nemene La Nyipi Ini Hna Hamën Hnei Tusi Hmitrötr? Febuare: Jëne Madrine Kowe La Fami maine Trenge Edromë Qa Hnin La Tusi Hmitrötr. Maac: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötr.

◼ Kola troa ce wange ngöne la ijine Icasikeu Ne La Huliwa ne Maac, la video hna hape La Bible : le livre le plus ancien toujours d’actualité, (pane götrane la DVD La Bible : un livre historique et prophétique). Maine kola ajan, tre, loi e troa canga komadëne itre ej jëne la ekalesia.

◼ Loi e tro la qatre thup perezida a iëne la ketre atr matre troa pane wange la hna ithingë hnene la ekalesia thatraqane la itre treu Semitrepa me Okotropa, me Nofeba. Thaa tro kö a cile fë pala hi hnene la ala caas, loi e troa hane saze. E ase hë, thuemacane jë la ekalesia thupene la hna e la rapor ne hna ithingë ka troa xulu.—Wange ju la pepa Instructions pour la comptabilité des congrégations (S-27).

◼ Itre asabele hna kuca e cailo fen: Pine laka hna hnëkëne la itre asabele cili ngöne hi la itre xaa nöj me traon, tro hmekuje hi la itre hna könëne a sine itre ej. Maine tro sa ce huliwa ngöne la götrane cili, haawe, tro hë sa neëne troa tru menu pala ha hnei atr.—Kor. 14:40; Heb. 13:17.

◼ Itre asabele ne distrik ne la Itretre Anyipicine i Iehova 2009: Easa treqene hnyawa la itre asabele ne distrik 2009 memine la itre ijine troa atrunyi Iehova memine la itre trejine me easë ka “pë ewekë ngöne la U.” (Mat. 5:3) Pine laka kola calemi catre la drai Iehova, nyipi ewekë tro sa thele troa sine asë la köni drai, matre troa kepe thangane ka loi hnene la hna ce memine la itre trejine me easë itre Keresiano, memine la itre ithuecatre ngöne la götrane la ua troa cile huti ngöne la lapaun. (Zef. 1:14) Catre jë së troa qaja kowe la itre ka hamë ini me kowe la itre maseta së ka hape, ketre götrane ka sisitria la asabele ngöne la hmi së. Catre pi së troa canga hnëkë enehila me thele la manathith qaathei Iehova; loi e troa xecie hnyawa e kuhu hni së laka, tro Nyidrëti a xatua së.—Is. 50:10.

Hanawange la itre drai ne la itre asabele hna troa hnen ngöne la teritoare së:

Kaledonia: Qaan e drai 4 koi drai 6 Semitrepa, drai 11 koi 13 Semitrepa, nge drai 18 koi 20 Semitrepa 2009. Troa hetre asabele mina fe ngöne la qene Walis e 26 me 27 Semitrepa. Troa hnen la itre asabele cili ngöne la itre Iuma ne asabele ne Normandie; Ame la itre hawa ne la itre icasikeu ngöne la qene Faras, tre, kola nyiqaan e 9 h 20 koi 16 h 55 e Drai ka tru me Mecixen, nge e 9 h 20 koi 16 h e Sabath. Tro pë hë a thuemacanyi nyipunie e thupen, la itre hawa ne la itre icasikeu ngöne la qene Walis.

Walis me Futuna: 3 me 4 Okotropa 2009 ngöne la Uma ne Baselaia ne Walis; Tro pë hë a thuemacanyi nyipunie e thupen, la itre hawa.

Tas: Qaan e drai 9 koi 11 Okotropa e Port-Vila, me drai 16 koi 18 Okotropa 2009 e Luganville. Tro la itre icasikeu a nyiqaan e 9 h 20 koi 16 h 55 e Drai ka tru me Mecixen, nge e 9 h 20 koi 16 h e Sabath. Tro pë hë a thuemacanyi nyipunie e thupen, la itre hnë ne troa asabele.