Itre Hna Amekötiin
◼ Itre itus nyine troa tro fë ngöne la treu Juun: Trenge Edromë Qa Hnin La Tusi Hmitrötr maine Atr Ka Tru Ne La Fene Hnengödrai. Julai Me Ogas: Tro fë jë la itus, Nemene La Nyipi Ini Hna Hamën Hnei Tusi Hmitrötr? Nge thele jë troa nyiqaane ini tus memine la itre atr. Semitrepa: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane ini tus memine la itre atr ngöne la kola xötrei cainöj. Maine hetrenyi hë la itre atr la itusi celë, amamane jë la aqane tro angatr a kepe thangane qa ngön ej, hnene la hna pane iamacanyine la ketre aqane troa ini Tusi Hmitrötr.
◼ Pine laka faifi lao mecixeni me sabath e Ogas, haawe, ketre treu ka lolo catre troa pionie ka ixatua.
◼ Loi e tro la ketre atr hna iëne hnene la qatre thup perezida a pane wange la hna ithingë hnene la ekalesia thatraqane la itre treu Maac, me Eiperem, me Mei. E ase hë, thuemacane jë la ekalesia thupene la hna e la rapor ne hna ithingë ka troa xulu. Wange ju la pepa Instructions pour la comptabilité des congrégations (S-27).
◼ Loi e troa iupi fë la itre pepa ne sipo göi troa pionie lapaa, kowe la filial 30 lao drai qëmekene la drai ne troa nyiqaane ej. Tro la seketere ne la ekalesia a wange hmaca lai itre pepa, (maine voir)hna nyi aliene asë itre ej. Maine thëthëhmine hë hnene la itre ka mekune troa pionie lapaa la ijine kola bapataiso angatr, haawe, loi e troa waiemekötine la ijine xome angatre la bapataiso, nge cinyanyine ju ej. Loi e tro la seketere a cinyihane lai drai cili hune la pepa ne huliwa së (S-21).
◼ Qaane lo Januare 2008, hetrenyi hë la itre zonal La Tour de Garde me Réveillez-vous ! nyine dreng qene Papale me qene Sepania; ijije hi troa xome itre ej e hnine lo hune tusi Sasaiatri, hna hape, www.jw.org (Ame qene Faras, tre, qaane lo treu Eiperem.) Nyimutre la itre ka ajane troa canga xome itre ej qëmekene troa kapa ngöne la itre ekalesia la itre CD maine MP3. Maine hna xome hë jëne internet la itre zonal nyine dreng, drei pë hë elanyi la ka troa xome la itre CD me MP3 e traqa pi hnine la itre ekalesia. Ngo ame pe, tre, ka co thupene kö la troa xome itre ej qa hnine internet hune la troa kuca la itre CD me troa iupi fë itre ej. Qa ngöne lai, kola ithuecatre kowe la itretre cainöj ka xome hnine internet la itre zonal nyine dreng, troa köletrije la itre komaad ne CD maine MP3 thene la atrekë hnëqane lai itre zonale e hnine la ekalesia. Tro pë hë a kapa jëne la www.jw.org la itre porogarame nyine dreng ngöne la itre xaa qene hlapa.