Itre Hna Amekötiin

◼ Itre itus nyine troa tro fë ngöne la treu Mei: Troa tro fë la itre zonal La Tour de Garde me Réveillez-vous ! Thele jë troa wange hmaca la itre atr ka drei së, tune lo itre ka sine la Drai Ne Amekunën me cainöj ka ketre pengöne koi nöjei atr, ngo thaa ka catre sine kö la ekalesia. Ame la aliene la itre iwai hmaca cili, tre, göi troa nyiqaane etid memine la itre atr. Juun: Trenge Edromë Qa Hnin La Tusi Hmitrötr maine Atr Ka Tru Ne La Fene Hnengödrai. Julai Me Ogas: Tro fë jë la itus, Nemene La Nyipi Ini Hna Hamën Hnei Tusi Hmitrötr? Nge thele jë troa nyiqaane ini tus memine la itre atr.

◼ Loi e tro la itre lapa ne itre qatre thup a ce wange hmaca la tusi hna kapa lo 6 Julai 2006, göne la aqane troa hnëkë hnyawa e traqa ju la itre hulö elany, nge troa xecie hnyawa koi angatr laka, thaa ka hekö catre kö la itre ithuemacanyi göne la nöjei ka cainöj asë. Ame ngöne la itre götrane hna ketr hnene la itre hulö, tre, hetrenyi la nyine troa canga kuca hnene la itretre cainöj matre troa kapa nyimenyimën la itre ithuemacany. Ketre ka loi mina fe tro la itretre cainöj a isa ithuemacanyi kowe la itretre thupëne la itre Ini Tusi ne la ekalesia i angatr, maine ketre qatre thupe pena, maine angatr a troa tro gaa nanyi ngöne la ketre ijin ka nango qea, tune la troa ngenu me mano maine göi huliwa pena, maine ngöne la ijine kola cipane hnine pital me ketre ewekë ju kö.

◼ Pëkö pepa ne ihë göi kovasio ne distrik macatre 2008. Ngo hna hnëkëne ngöne la itre drai ka calemi la huliwa ka tru e cailo fen. Tro pë hë a ithuemacanyi thupen, göne la hna amekötine cili