Itre Hna Amekötiin

◼ Maac: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötr memine la itre atr. Eiperem Me Mei: Troa tro fë la itre zonal La Tour de Garde me Réveillez-vous ! Thele jë troa wange hmaca la itre atr ka drei së, tune lo itre ka sine la Drai Ne Amekunën me cainöj ka ketre pengöne koi nöjei atr, ngo thaa ka catre sine kö la ekalesia. Ame la aliene la itre iwai hmaca cili, tre, göi troa nyiqaane etid memine la itre atr. Juun: Trenge Edromë Qa Hnin La Tusi Hmitrötr maine Atr Ka Tru Ne La Fene Hnengödrai.

◼ Loi e tro la itre ekalesia a canga hamëne kowe la itre trejine la itre zonale hna xötrei kapa, ene La Tour de Garde me Reveillez-vous ! ngöne la kola ase kapa. Kolo lai a aijijën la itretre cainöj troa atre hnyawa la itre aliene itre ej qëmekene troa tro fë itre ej ngöne la hna cainöj trootro.

◼ Loi e tro la qatre thup perezida maine ketre atr pena hnei angeic hna iën a pane wange la hna ithingë hnene la ekalesia thatraqane la itre treu Diseba, me Januare, me Febuare. E ase hë, thuemacane jë la ekalesia thupene la hna e la rapor ne hna ithingë ka troa xulu.—Wange ju la pepa Instructions pour la comptabilité des congrégations (S-27).

◼ Ame la taan ne la itre kovasio ne distrik göi macatre 2008, tre hna hape, “Hna Eatrongën Hnei Ua i Akötresie.” Tro la Huliwa Ne Baselaia ne Eiperem a hamëne la itre xaa ithuemacanyi matre troa isa hnëkë hnyawa göi troa sine la nöjei drai, ene la köni drai ne kovasio. Maine nyipi ewekë tro epuni a sipo mano koi maseta matre troa sine la köni drai asë, the xou kö troa sipon.