Itre Hna Amekötiin

◼ Itre itusi nyine troa tro fë e Nofeba: Troa tro fë la itus Atrehmekune, maine pena hamëne ju la boroshür, Veillez ! Diseba: Atr Ka Tru Ne La Fene Hnengödrai. Maine pena tro fë jë la itus Jëne Madrine Kowe La Fami. Januare: Itus Atrehmekune maine borochür, Veillez ! Febuare: Itus Jëne Madrine Kowe La Fami maine Trenge Edomë Qa Hnine La Tusi Hmitrötr.

◼ Pine laka faifi lao mecixeni me sabath e treu Diseba, troa ketre treu lai ka lolo catr troa hane pionie ka ixatua.

◼ Tru catre hnei itus hna hnëkëne me kuca matre troa cainöje kowe la itre atr ka isa qene nöje kö me isa hmi. Tro la ka cilëne la itre itusi a sija wengëne la itre itusi cili.

◼ Ame la itre ahnahna hna hamëne jëne chek, thatraqane la huliwa ne cainöj e cailo fen, nge hna iupi fë kowe la filial, tre, troa saene koi “ASTJ.” Ame la hune tusi ne la biero ne la filial ka cilëne la itre ahnahna, tre, B.P. 1741, 98874 Pont des Français.

◼ Maine thaa ase petre kö la itretre cainöje nyialiene asë la pepa hna hape (DPA), loi e tro angatr a canga nyimenyim. Kola thupë së hnene la pepa DPA, me amamane la itre emeköti së e traqa ju upe iele së troa xomi madra. Tro la itre qatre thup a hamë ixatua kowe la itre trejin, angatr isa ala caas.—Wange ju la sine cetrone la Huliwa Ne Baselaia ne Nofeba 2006.

◼ Thaa nyipi ewekë kö tro la itretre cainöj a kuca la ketre rapor ne etid, Rapport d’étude (S-3) thatraqane la nöjei etid hna kuca ngöne la treu. Ngo, loi e tro pala hi angatr a hamëne la etrune la itre etid hna kuca ka ihmeku memine la hna cinyihane ngöne la pepa hna hape Rapport de service (S-4). Troa xome hmekuje la pepa (S-3) matre troa cinyihane la etrune la itre atr ngöne la nöjei icasikeu ne la ekalesia.