Revizio Ne La Ini Ne Cainöj Qaathei Akötresie
Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 25 Juun me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 7 Mei koi 25 Juun 2007. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Nemene la nyine tro sa kuca matre troa nango co la xou së, ene pe tro ha lolo la hne nyinawa së troa ithanata? [be g. 184 par. 3-g. 185 par. 2]
2. Tune kaa la aqane tro sa “xome la nöjei pengön’ asë thatraqane la nöjei ate asë” ngöne la hna cainöje së? (1 Kor. 9:20-23) [be g. 186 par. 2-4]
3. Tune kaa la aqane tro sa xome la tulu i Iehova, ene la troa drenge la itre xaa atr? (Gen. 18:23-33; 1 Ite jo. 22:19-22) [be g. 187 par. 1-2, 5]
4. Nemene la itre jëne tro sa xatuane la itre xaa atr troa kökötre ngöne la ua? [be g. 187 par. 6–g. 188 par. 3]
5. Pine nemene matre loi e eje pala hi the së la ajan troa hane wanga atrune la itre xaa atr? [be g. 190 par. 3, itre mekune hna eköhagen]
HNËQA NABA 1
6. Pine nemene matre nyipi ewekë tro sa catr troa ketr la hni ne la itre hne së hna ini tusi memin? [be g. 59 par. 1]
7. Nemene la thangane la tulu hne së hna hamën kowe la itre hne së hna ini tusi kow? [be g. 60 par. 4]
8. Tro sa aloine tune kaa la aqane tro sa ithanata e hnine la fami? [be g. 62 par. 3]
9. Nemene la tulu ne catre cainöj hna amë hnei Ieremia? [si g. 129 par. 36]
10. Nemene la mejiune hna qaja amamane hnene la Ite Teije i Ieremia, ngo pine nemene matre hetre eloine la troa amamane la ecatrene la itre iameköti i Akötresie kowe la itre atr ka ngazo? [si g. 132 par. 13]
E TUSI HMITRÖTR NGÖNE LA WIIK
11. Tune la hna melëne hnei Ieremia hna qejepengöne ngöne Ieremia 37:21, nemene la ewekë ka xecie koi së?
12. Pine nemene matre qaja jë Baruka ka hape hnei Iehova ‘hna nyihleuhleu kowe la aköte i angeic,’ me ‘akucakucanyi angeic,’ nge nemene la pane aqane ujë i angeic? (Iere. 45:1-5)
13. Eue la kola pë atren me thaa lapane hë e Babulona, nge traqa kowe la hna hape, “tro ej’ a nyipi pë wen”? (Iere. 50:13)
14. Nemene la ketre trepene meköt göi thith ka mama ngöne la Ite Teije i Ieremia 3:8, 9, 42-45?
15. Nemene la hna nyihatrene hnene la ikariota ngöne Ezekiela mekene 1?