Itre Hna Amekötiin

◼ Itre itusi nyine troa tro fë e Mei: Troa tro fë la itre zonal, La Tour de Garde me Réveillez-vous ! Ame ngöne la easa a bëeke troa wange hmaca la itre atr ka drei së, tune lo itre ka sine la Drai Ne Amekunën maine itre xaa icasikeu pena ngöne la ua, ngo thaa ka catre sine kö la ekalesia; thele jë troa nyiqaane etid me angatr jëne la itus Ini Tusi Hmitrötr. Juun: Y a-t-il un Créateur qui se soucie de vous ? maine Jëne Madrine Kowe La Fami. Julai Me Ogas: Ijije Fe Tro Nyipunie a Ce Sinee Me Akötresie! maine itre xaa boroshür ka 32 lao götran: Hapeu, Akötresie a Hane Kukehni Së?, Doit-on croire à la Trinité ?, E Meci Hë La Atr Hne Së Hna Hnim, Epi thatraqai nyipunie la mel ka tha ase palua kö e celë fene hnengödrai!, Le nom divin qui demeure à jamais, Musi ka troa hamëne hmaca la paradraiso, Nemene La Pengö Së Ngöne La Easë a Mec?, Quel est le but de la vie ? Comment le découvrir ?, me “ Voici, je fais toutes choses nouvelles. ”

◼ Loi e tro la itre lapa ne la itre qatre thup a ce wange hmaca la tusi hna kapa lo 6 Julai 2006, göne la aqane troa hnëkë hnyawa e traqa ju la itre hulö elany, nge troa xecie hnyawa koi angatr laka, thaa ka hekö catre kö la itre ithuemacanyi göne la nöjei ka cainöj asë. Ame ngöne la itre götrane hna ketr hnene la itre hulö, tre, hetrenyi la nyine troa canga kuca hnene la itretre cainöj matre troa kapa nyimenyimën la itre ithuemacany. Ketre ka loi mina fe tro la itretre cainöj a isa ithuemacanyi kowe la itretre thupëne la itre Ini Tusi ne la ekalesia i angatr, maine ketre qatre thupe pena, maine angatr a troa tro gaa nanyi ngöne la ketre ijin ka nango qea, tune la troa ngenu me mano maine göi huliwa pena, maine ngöne la ijine kola cipane hnine pital me ketre ewekë ju kö.