Revizio Ne La Ini Ne Cainöj Qaathei Akötresie
Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 30 Eiperem me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 5 Maac koi 30 Eiperem 2007. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Nemene la aqane troa hnëkëne la ketre tulu ne cainöj ka hmaloi? [be g. 168 par. 3]
2. Qaja jë la foa lao aqane troa tro fë la itre mekun ne la ketre cainöj, matre nualai itre eje ngöne la kola qaja wengëne itre ej. [be g. 170 par. 3–g. 172 par. 4]
3. Nemene la itre ewekë nyine tro sa wanga atrune ngöne la easa axeciëne la itre mekune nyine troa qaja ngöne la cainöj? [be g. 173 par. 1-2]
4. Nemene la itre thangane ka loi hna kapa qa ngöne la hna tro fë la ketre cainöj, nge thaa hna e apexejene kö la ketre ipepa? [be g. 175 par. 2-4]
5. Pine nemene matre nyipi ewekë catre troa tuluthe la hnenyinawa së, nge tune kaa la aqane troa akökötrene la götrane cili? [be g. 179 par. 4, itre mekune hna eköhagen; g. 180, itre mekune hna eköhagen]
HNËQA NABA 1
6. Tune kaa la aqane troa hnëkëne hnene la ketre trejine trahmanyi matre troa cile fë la itre mekune ka tru ne la e Tusi Hmitrötr ngöne la wiik? [be g. 47 par. 3-4]
7. Nemene la ewekë ka sisitria ka xulu qa ngöne la thupene mele i Keriso hune la itre manathith hne së hna kapa jëne ej? [w05 1/11 g. 14 par. 1]
8. Tune kaa la aqane troa xome hnene la ka cile fë cainöj la itre xötr ne la Tusi Hmitrötr hna hamën hnine la ketre cainöj kowe la ka ala nyim? [be g. 53 par. 1-2]
9. Nemene la mekune hna ajane troa traqa kow hnei Iesu ngöne la nyidrëti a hamë ini, nge nemene la aqane tro sa nyitipu nyidrë? [be g. 57 par. 1]
10. Pine nemene matre ka hetre eloine la troa amamane la eisapengönene la itre ewekë ngöne la kola hamë ini? [be g. 57 par. 3-4]
E TUSI HMITRÖTR NGÖNE LA WIIK
11. Tune kaa la aqane tro sa catr troa melëne la eamo ngöne Ieremia 6:16, ene la troa trongëne “la ite gojenyi ka hekö, eka la gojenyi ka loi”?
12. Pine nemene matre hnei Iehova hna xome la kasida nyine hamë ini kowe la angetre Iudra ka pë lapaun, nge nemene la ini hne së hna kapa qa ngöne lai? (Iere. 8:7)
13. Tune kaa la aqane tro sa trongëne la eamo ngöne Ieremia 15:17 ngöne la götrane la itre nyine madrine enehila?
14. Pine nemene matre kola aceitunëne la itre atr me dro ka fedr ngöne la lue ihnatrapaime ne la Atre xupi inege ka draië, ene Iehova? (Iere. 18:5-11)
15. Nemene la aliene koi së enehila la aqane amë wengëne la itre nöje ngöne Ieremia 25:17-26?