Revizio Ne La Ini Ne Cainöj Qaathei Akötresie
Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 26 Febuare me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 1 Januare koi 26 Febuare 2007. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Eue la ijine tro sa hamë ini qa ngöne la itre mekune hne së hna eköth, nge tune kaa la aqane troa kuca lai? [be g. 158 par. 1-3]
2. Pine nemene matre nyipi ewekë tro sa xatuane la itre trejine troa trotrohnine la eloine e troa trongëne la itre mekune hne së hna hamën, nge tune kaa la aqane tro sa kuca lai? [be g. 159 par. 2-3]
3. Pine nemene matre nyipi ewekë catre la troa iëne hnyawa la itre hnepe hnëewekë? [be g. 160]
4. Nemene la ka troa xatua së troa xome hnyawa la itre hnepe hnëewekë ka nyimutre? [be g. 161 par. 5-6; g. 162 par. 1, 4]
5. Nemene la itre xaa eloine la troa xome la ketre tulu ne cainöj, hune la troa e la hna cinyihane hë? [be g. 166 par. 1-3]
HNËQA NABA 1
6. Kola hapeue la troa hnëkëne la ketre hnëqa göi troa e tus? [be g. 43 par. 2, 4]
7. Nemene la ka sisitria e troa akökötrene the së la ihnimi ne la meköt, me methinëne la ngazo? (Heb. 5:14) [w05 1/1 g. 9 par. 11]
8. Nemene la nyine tro sa mekune hnyawa maine easa e hnine la Tusi Hmitrötr la ketre ewekë ka upi së troa isa thele ka hape ka meköti kö la aqane ujë i Akötresie? [w05 1/2 g. 24 par. 7]
9. Tune kaa la aqane tro sa ujë maine thaa ihmeku kö la hna amekötine hnei atr memine la itre wathebo i Akötresie? [w05 15/4 g. 12 par. 9]
10. Tune kaa la aqane amamane atrune Isaia la Baselaia jëne la Mesia, memine la ka tro pa, ene Ioane Bapataiso? [si g. 123 par. 35]
E TUSI HMITRÖTR NGÖNE LA WIIK
11. Nemene la aliene la kola hape “nyine hetën” me “nyine he” hna qaja ngone Isaia 25:7?
12. Tro la itre atr a “öhne” me ‘drei’ Iehova tune kaa? (Is. 30:20, 21)
13. Nyipici Maine Thoi: Ame la thithi jë Hezekia ngöne Isaia 38:3, tre, hnene laka, atraqatre la aja i angeice troa mele aqeany.
14. Kola anyipici Iehova tune kaa ekö hnene la itretre Isaraela, nge tune kaa la aqane tro sa xome la tulu qaathei angatr? (Is. 43:10)
15. Thenge la tulu hna amë hë ekö ngöne Isaia 52:11, 12 kowe la hneijine së, nemene la hna amekötine koi angetre Isaraela matre tro angatre a ‘kapa trongëne la itre inege i Iehova’?