Itre Hna Amekötiin

◼ Itre itus hna troa tro fë e Januare: Itus Atrehmekune maine boroshür Veillez ! Febuare: Approchez-vous de Jéhovah. Maac: Troa tro fë la itus, Ini Tusi Hmitrötr nge thele jë troa nyiqaane etid memine la itre atr. Eiperem: Troa tro fë la itre zonal, La Tour de Garde me Réveillez-vous ! Ame ngöne la easa a bëeke troa wange hmaca la itre atr ka drei së, tune lo itre ka sine la Drai Ne Amekunën maine itre xaa icasikeu pena ngöne la ua, ngo thaa ka catre sine kö la ekalesia; thele jë troa nyiqaane etid me angatr jëne la itus Ini Tusi Hmitrötr.

◼ Qaane e Febuare uti hë e 4 Maac, tre, kola troa hamën la cainöj koi nöjei atr hnene la itretre thupën la sirkoskripsio, hna hape, “Drei La Ka Troa Lö Kowe La Fene Ka Hnyipixe i Akötresie?”

◼ Troa ce wang ngöne la ketre huliwa ne icasikeu ne Eiperem, la DVD hna hape, Les jeunes s’interrogent... Que vais-je faire de ma vie ? Maine ijij, loi e troa canga sipone itre ej jëne la ekalesia.

◼ Lue aqane cinyihane la itre itus qene Sinoa. Ame itre atr ne Hong Kong me Taiwan, tre, angatr a e la itre aqane cinyihan ka hekö, laka hna hëne ka hape “Chinois” (CH). Ame pë hë la itre xan, tre, hnei angatr hna majemine e la itre aqane cinyihan hna ahmaloeën hna hape, “Chinois Simplifié” (CHS). Pine laka ame aqane cinyihan hna atreine e hnene la ketre atr, tre, thenge laka ka qene Cantonese, Mandarin, maine ketre qene hlapa pena; celë hi matre nyipi ewekë troa atrehmekune la aqane cinyihan hnei angeic hna ajan. Maine jë troa xome lo sine tus hna hape Une bonne nouvelle pour des gens de toutes nations, götrane 19-20. Haawe, loi e troa sipone la itus ka ihmeku memine la hna cinyihan hna atreine troa e hnene la ketre atr.

◼ Loi e troa canga hnëkë hnene la itre ekalesia matre troa atrun la Drai ne Amekunën ne la macatre celë, e thupene hmi 2 Eiperem, thupene la hna lö la jö. Maine troa canga kuca la cainöj, ngo ame koi itre areto, thaa tro kö a tro fë itre eje nge thaa lö petre kö la jö. Wange ju la meteo matre troa atre la hawa ne lö la jö ngöne la götran hnei epuni hna lapa ngön. Maine nyipici laka ka loi kö e troa isa atrun hnene la isa ekalesia la Drai Ne Amekunën, ngo maine jë thaa tro pë hë a ijije koi itre xan pine laka tru la itre ekalesia. Haawe, maine nango ala nyimu la itre ekalesia ka ce thawa la caa Uma Ne Baselaia, maine jë tro pë hë itre xan a icasikeu hnine la ketre uma ngöne la heji cili. Maine ijij, loi e tro sa xom la 40 menetr akawan la itre ijine icasikeu matre tro asë hi së a kepe thangane hnyawa la icasikeu cili. Loi e tro mina fe a canga wang la itre ejolen göi troa acili loto, ketre troa thupëne fe la aqane troa itrothei me iautiny ngöne la ijine cili, matre loi e troa hnëkë hnyawa thatraqane lai. Loi e troa xecie hnyawa kowe la lapa ne la itre qatre thup laka, lolo hnyawa ha la itre ewekë hna hnëkën ngöne la nöj.

◼ Loi e troa xecie hnyawa kowe la itre seketere laka isa hetrenyi angatr lo pepa (S-202) göi itre pionie lapa asë ne la ekalesia. Maine pëkö, cinyanyi ju kowe la filial.