Itre Hna Amekötiin

◼ Itre itus hna troa tro fë e Diseba: Maine jë troa tro fë la itus, Atr Ka Tru Ne La Fene Hnengödrai. Itre itus, La Bible : Parole de Dieu ou des hommes ? me Trenge Edromë Qa Hnin La Tusi Hmitrötr. Januare: Itus Atrehmekune maine boroshür Veillez ! Febuare: Approchez-vous de Jéhovah. Maac: Troa tro fë la itus, Ini Tusi Hmitrötr nge thele jë troa nyiqaane etid memine la itre atr.

◼ Easenyi hë matre iupi fë jë la itre pepa ne ihë göi Drai Ne Amekunën thatraqane la macatre 2007 ngöne la pane qene hlapa hna ithanatan. Maine hna ithanatan la itre xaa qene hlapa ngöne la götran hnei epuni hna cainöje ngön, nge epuni a ajan troa hetre pepa ne ihë ngöne la itre qene hlapa cili, haawe, loi e troa canga hane sipon itre ej jëne la pepa hna hape, Demande de publications (S-14). Troa iupi fë kowe la itre ekalesia asë ngöne la nöjei treu la ketre tus hna hape “Itre Ithuemacanyi Kowe La Itre Ekalesia Asë,” kola hamën la itre qene hlapa hna troa ujëne ngön la itre pepa ne ihë thatraqai Drai Ne Amekunën. Tro hi a sipon la itre qene hlapa hna ithanatan ngöne la teritoare i epun.

◼ Pine laka nyipi ewekë catr la Drai Ne Amekunën, loi e tro la lapa ne la itre qatre thup a iën la caas qa ngöne la itre qatre thup ka maca troa cainöj, ngo thaa tro kö a ithöeën maine caasi pala hi e nöjei macatre la ka kuca la cainöj. Maine hetre qatre thup hna iën nge ka maca angeic troa cainöj, haawe, loi e troa ië angeic.