Ketre Tulu Thatraqane La Nöjei Atr Asë, Itre Ka Tru Me Itre Ka Co
Madrine nyidrë nge keukawa la aqane imelekeu i nyidrëti me Akötresie. Hnei nyidrëti hna nue la mele i nyidrë matre eatrëne la aja i Iehova. Hnei nyidrëti hna ce “trotro me Akötresie” nge hna amanathithi nyidrë pine lai. Noa la ëje i nyidrë, nge ketre tulu nyine troa xötrethenge hnene la itre thöth memine la itre qatr. (Gen. 6:9) Tro la video Noé : il marchait avec Dieu, a xatua nyipunie troa pane goeëne la mele i Noa ekö, me kepine matre kola amanathithi angeic hnei Iehova; kolo mina fe a xatua epuni troa hane nyitipune la itre thiina ka meköti angeic.
Hna hnëkëne hnine la DVD Noe la ketre nyine tupath hna hape “Video Quiz.” Pane wange jë la video, nge thupene lai isa hnyinge jë ka hape: (1) Nemene la itre ewekë ka thaa loi kö hna kuca hnene la itre angela, nge drei lo itre Nefilim? (Gen. 6:1, 2, 4) (2) Pine nemene matre kola ngazo menu la itre atr, nge nemene la mekune i Akötresie kowe la aqane ujë cili? (Gen. 6:4-6) (3) Pine nemene laka isapengöi Noa kö memine la itre xaa atr? (Gen. 6:22) (4) Hna apaatrene tune kaa la itre ka thaa idrei? (Gen. 6:17) (5) Tune kaa la etrune lo Aka ekö? (Gen. 6:15) (6) Nemene la ketre ewekë hna kuca hnei Noa, nge nemene la aqane kapa hnene la itre atr? (Mat. 24:38, 39; 2 Pet. 2:5) (7) Isa ala ije lao öni ka lö hnine la Aka? (Gen. 7:2, 3, 8, 9) (8) Ije drai ne hlupi la manie, nge ije treu ne di la fen? (Gen. 7:11, 12; 8:3, 4) (9) Pine nemene matre mele pi pe hi Noa me lapa i nyidrë? (Gen. 6:18, 22; 7:5) (10) Hna të ekaa la Aka? (Gen. 8:4) (11) Nemene la ka aijijë Noa troa atrehmekune laka ijine tro ha lö qa hnine la Aka? (Gen. 8:6-12) (12) Nemene la hnei Noa hna pane kuca e kuhu trön? (Gen. 8:20-22) (13) Nemene la aliene la lewen? (Gen. 9:8-16) (14) Nemene la aliene la hna hape troa ce ‘tro me Akötresie’? (Gen. 6:9, 22; 7:5) (15) Nemene la hna thele the së e hetre aja së troa iöhnyi me Noa ngöne la Paradraiso? (Mat. 28:19, 20; 1 Pet. 2:21)
Nemene la aqane amamane hnei Tusi Hmitrötr göne la lapaune i Noa me aqane idrei nyidrë göi troa hamë ini koi së fe ngöne la aqane tro sa ce ‘tro me Akötresie’; me mejiune kowe la atreine i Iehova troa amelen la itre hlue i Nyidrë ngöne la itre hnedrai enehila?—Gen. 7:1; Ite edomë 10:16; Heb. 11:7; 2 Pet. 2:9.