Itre Hna Amekötiin
Itre itus hna troa tro fë e Januare: Trenge Edromë Qa Hnin La Tusi Hmitrötr maine pena Atr Ka Tru Ne La Fene Hnengödrai. Febuare: Approchez-vous de Jéhovah. Maac: Tro fë jë la itusi ka hnyipixe, Nemene La Nyipi Ini Hna Hamën Hnei Tusi Hmitrötr? Thele jë troa nyiqaane etid memine la itre atr. Eiperem: Loi e troa isa amamane hnyawa la lue zonal, La Tour de Garde me Réveillez-vous ! Ame ngöne la kola wange hmaca la itre atr ka ajan, cememine lo itre ka hane sin la Drai Ne Amekunën maine itre xaa icasikeu së pena, ngo thaa ce huliwa kö memine la ekalesia, thele jë troa hamëne koi angatr la itusi ka hnyipixe, Nemene La Nyipi Ini Hna Hamën Hnei Tusi Hmitrötr? Ame la aja së tre, ene la troa nyiqaane etid ngöne la itusi celë.
◼ Pine laka, faifi lao mecixeni me sabath ngöne la treu Eiperem, troa ketre treu lai ka lolo catr troa pionie ka ixatua.
◼ Qaane e Febuare uti hë e 5 Maac, tre, kola troa hamën la cainöj koi nöjei atr hnene la itretre thupën la sirkoskripsio, hna hape, “Ijije Hi Tro Epuni a Hane mele Tingeting Enehila Me Epine Palua!”
◼ Loi e troa canga hnëkë hnene la itre ekalesia matre troa atrun la Drai ne Amekunën ne la macatre celë, e drai ka co 24 Maac, thupene la hna lö la jö. Maine troa canga kuca la cainöj, ngo ame koi itre areto, thaa tro kö a tro fë itre eje nge thaa lö petre kö la jö. Wange ju la meteo matre troa atre la hawa ne lö la jö ngöne la götran hnei epuni hna lapa ngön. Maine nyipici laka ka loi kö e troa isa atrun hnene la isa ekalesia la Drai Ne Amekunën, ngo maine jë thaa tro pë hë a ijije koi itre xan pine laka tru la itre ekalesia. Haawe, maine nango ala nyimu la itre ekalesia ka ce thawa la caa Uma Ne Baselaia, maine jë tro pë hë itre xan a icasikeu hnine la ketre uma ngöne la heji cili. Maine ijij, loi e tro sa xom la 40 menetr akawan la itre ijine icasikeu matre tro asë hi së a kepe thangane hnyawa la icasikeu cili. Loi e tro mina fe a canga wang la itre ejolen göi troa acili loto, ketre troa thupëne fe la aqane troa itrothei me iautiny ngöne la ijine cili, matre loi e troa hnëkë hnyawa thatraqane lai. Loi e troa xecie hnyawa kowe la collège ne la itre qatre thup laka, lolo hnyawa ha la itre ewekë hna hnëkën ngöne la nöj.
◼ Ame ngöne la nöjei ijine easa mekune troa ngenu ngöne la ketre nöj, nyipi ewekë pala hi tro sa pane hnyingën la itre drai me hawa me hnë icasikeu ne la ekalesia, maine asabele, maine kovasio ne distrik. Troa hnyingëne lai kowe la biero ne la filial ka elemekene la huliwa ngöne la nöje cili. Eje ngöne la pune la annuaire la itre hune tus ne la itre filial e cailo fen.