Revizio Ne La Ini Ne Cainöj Qaathei Akötresie
Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 26 Diseba 2005 me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 7 Nofeba koi 26 Diseba 2005. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Troa xecie tune kaa koi së laka, hna ketr la hni ne la itre atr hnene la ini qa hnine la Wesi Ula i Akötresie? (Mat. 13:19) [be g. 258 par. 1-2, itre mekune hna eköhagen]
2. Nemene la ka troa xatua së troa atrehmekune la aliene la hni ne la ketre atr, ngo nemene la nyine tro sa thupën? [be g. 259 par. 2-3]
3. Ame la easa hamë ini, pine nemene matre nyipi ewekë tro sa qaja atrune la itre thiina ka lolo i Iehova? [be g. 260 par. 1]
4. Tro sa xatuane tune kaa la atr hne së hna etidi kow, troa atrehmekune la itre götran ne la mele i angeic nyine troa amekötin? [be g. 260 par. 4–g. 261 par. 1]
5. Nemene la nyine tro sa kuca matre troa xatuane la itre hnainin maine itre ka drei së, troa waipengöne la itre kepine la angatre a kuca la itre ewekë? [be g. 262 par. 2-3]
HNËQA NABA 1
6. Kola hapeu la kola hape troa “thele catë” Iehova, nge tune kaa la aqane tro sa amamane laka easë a trongëne lai? [w03 15/8 g. 25 par. 2; g. 26 par. 1-2; g. 27 par. 1]
7. Nemene la aliene la “tulu ne tenge ewekë ne mele,” nge tune kaa la aqane amamane hnene la itre qatre thup laka angatr a fedre kowe ej? (2 Tim. 1:13, 14) [w03 1/1 g. 29 par. 2–g. 30 par. 1]
8. Nemene la itre ewekë ka anyipicine laka qaathei Akötresie la itre tus hnine la Tusi Hmitrötr? [si g. 299 par. 5-6]
9. Pine nemene matre kola anyipicine la Itre Hna Cinyihane Qene Heleni, hnene la ketre hnepe hna cinyihan ka hekö lo hnaaluene hadredre lao macatre thupe i Keriso hna öhne hnei Muratori? [si g. 302 par. 19]
10. Tune kaa la aqane amamane hnene la Tusi Hmitrötr laka eje a nue troa ujën ej, nge nemene la thangane hna ujëne la Tusi Hmitrötre ngöne la itre qene hlapa? [si g. 307 par. 9]
E TUSI HMITRÖTR NGÖNE LA WIIK
11. Hapeu, hna sajuëne kö hnei 2 Ite Joxu 13:21 la ini göi troa thili kowe la itre ewekë?
12. Hapeu hnei Hezekia kö hna isisinyikeu memine la nöje i Aigupito? (2 Ite jo. 18:19-21, 25)
13. Ngacama thaa hna qaja kö ngöne la itre itusi itretre Asuria la kola ngaa Saneribi, nemene pe la eloine la hna qaja hnene itre ej? (2 Ite jo. 19:35, 36)
14. Drei lo keme i Sealetiela? (1 A. l. ite jo. 3:16-18)
15. Ngöne la hneijine i Saulo Joxu, tune kaa la aqane amamai tulu ka lolo hnene la itretre Reubena, me itretre Gada memine la sine la tribu i Manase, kowe la nöjei hlue i Akötresie enehila? (1 A. l. ite jo. 5:18-22)