Itre Hna Amekötiin

◼ Itre itus hna troa tro fë e Ogas: Ijije Fe Tro Nyipunie a Ce Sinee Me Akötresie! maine itre xaa boroshür ka 32 lao götran: Doit-on croire à la Trinité?, E Meci Hë La Atr Hne Së Hna Hnim, Epi thatraqai nyipunie la mel ka tha ase palua kö e celë fene hnengödrai!; Hapeu, Akötresie a Hane Kukehni Së?, Le nom divin qui demeure à jamais, Musi ka troa hamëne hmaca la paradraiso, Nemene La Pengö Së Ngöne La Easë a Mec?, Quel est le but de la vie? Comment le découvrir?, me “ Voici, je fais toutes choses nouvelles ”. Semitrepa: Y a-t-il un Créateur qui se soucie de vous ? maine La vie : Comment est-elle apparue ? Évolution ou création ? Okotropa: Troa tro fë la itre zonal La Tour de Garde me Réveillez-vous ! Maine hetre hni ne ajane lai atr, hamëne jë fe la boroshür Thele. Nofeba: Écoute le grand Enseignant. Maine tro la itre atr a qaja ka hape pë fe kö nekö i angatr, haawe, hamëne ju la itus Atrehmekune maine lo tarak hna hape, Ajane Kö Nyipunie Troa Atre Hnyawa La Tusi Hmitrötr?

◼ Pine laka faifi lao mecixeni me sabath e Okotropa, ketre treu ka sisitria lai troa pionie ka ixatua.

◼ Loi e troa thupëne hnyawa la götrane 5 me 6 ne la Huliwa Ne Baselaia celë, matre troa xome hmekune lo asabele ne sirkoskripsio me asabele ka caa drain 2006.

◼ Loi e tro la qatre thup perezida maine ketre trejine pena hnei nyidrë hna iën, a goeën la hna ithingë hnene la ekalesia, e 1 Semitrepa maine itre hnepe drai thupen. Maine hetre ketre keesi kö tune la nyihnyawa uma maine xupi uma, haawe, loi troa hane thel troa cile fë fe lai manie cili. Maine ase hë ce wange hnyawa lai hna ithingë, haawe, kolo ha ithuemacanyi kowe la ekalesia cememine fe la rapor ne hna ithingë ka troa xulu.

◼ Tune lo hna amexeje hë, thaa tro pi kö a hamën la hune tusi ne la biero ne la filial ngöne la easë a cinyany. Maine hnine la itre tus me itre hna cinyihan hne së hna iupi fë troa cainöj kowe la itre atr ka hetre hni ne ajan, koi itre ka paatr ngöne hnalapa, maine kowe la itre ka mel ngöne la itre götran ka jol troa tro kow. Loi e tro sa isa sija la hune tusi së, pine laka isa easë kö lai a huliwa i Akötresie. (Mat. 28⁠:​19, 20; Rom. 10⁠:​14, 15) Ngo maine easë a drenge laka thaa ka loi kö tro sa xome la hune tusi së ngöne la easë a cainöj jëne tus, ma tro pe së a hamën la ëje së me hune tusi ne la Uma ne Baselaia.​—Wange ju la Huliwa Ne Baselaia ne Mei 2002, Kola Sa La Itre Hnyinge i Nyipunie.

◼ Loi e troa canga kuca la inventaire ne la itre itus, me itre zonal thatraqane la macatre qëmeken la 31 Ogas 2005. Ketre tune mina fe troa e la itre etrune la itre itus ngöne la nöjei treu hnene la atrekë hnëqane lai, nge troa amë me cinyihan la etrun asë ngöne la pepa ne inventaire (S-18). Troa ce xawan la itre zonal asë munëne pe, hnene la itre trejin atrekë hnëqane lai ngöne la itre ekalesia. Tro la nöjei ekalesia atrekë hnëqan la itre itus a isa kapa la köni pepa ne inventaire ne itre itus (S-18). Kola sipon matre troa canga iupi fë koi Sasaiatri la hnapan, qëmeken e 6 Semitrepa. Ame la hnaaluen, troa xeen hnine la itre pepa ne la ekalesia. Ame la hnaakönin, ke nyine iafitren. Tro la seketere ne la ekalesia hna iën a elemeken lai inventaire. Tro la itre qatre thup, ene la seketere me perezida ne la ekalesia ka ce huliwa a ce siji hatren la pepa.

◼ Troa nyiqaan sipon hnene la itre ekalesia la itre Calendrier des Témoins de Jéhovah 2006, memine la itre topik ne la drai, Examinons les Écritures chaque jour​—2006, memine la itre Annuaire des Témoins de Jéhovah​—2006; troa sipone lai memine la itre itus hna ajan hnene la ekalesia. Ame ngöne la tus “Hna Amekötin Kowe La Nöjei Ekalesia Asë,” hna iupi fë ngöne la nöjei treu kowe la itre ekalesia asë, loi e troa hamën la lisi ne la itre itusi cili hna ujën ngöne la itre xaa qene hlapa.