Troa Qeje Nemen Gön La Itre Zonal

La Tour de Garde 15 Juun

“Ala nyimu së itre ka huliwa meci koi maseta. Ame koi itre xan, tre manathith, nge itre xan, tre hnëjin. Hapeue la mekune i nyipunie? Nue pi troa sa. E jë la Ate Cainöj 2:​24.] Kola amamane hnene la zonale celë la aqane xatua së hnene la Tusi Hmitrötre troa tuluthe hnyawa la aqane goeëne së la huliwa i maseta. Eje fe a qejepengöne la aqane troa cile kowe la itre ejolene la huliwa.”

Réveillez-vous! 22 Juun

“Tune kaa la mekuna i nyipunie, tro kö la nöje së a ketre göhnë ka lolo e hna mele thenge hne së isa ala caasi la itre trenge ewekë celë? [E jë la Efeso 4:​28. Thupene lai, nue pi troa sa.] Kola qejepengöne hnene la zonale celë la itre ethanyine koi së isa ala caas hnene la hna ënö ngöne la itre setroa. Kolo fe amamane laka easenyi hë matre paatre pi la thiina cili, ene la ënö ngöne la itre setroa, me nöjei ewekë ka ngazo asë hna kuca.”

La Tour de Garde 1 Julai

“Hetrenyi la itre atr hne së hna isa atre laka kösë hetre manathith ngöne la mele i angatr, ngo drenge pe angatre laka hetre ewekë ka pë thei angatr. Hapeue la mekuna i epun, nemene la hnei angatre thel? [Nue pi troa sa. Thupene lai e jë la Mataio 5⁠:⁠3.] Kola qejepengöne hnene la zonale celë la ketre jëne ka nyipi ewekë catre matre troa hetrenyi la nyipi tingeting​—ene la troa aejëne hnyawa la itre hne së hna ajan ngöne la götrane la ua.”

Réveillez-vous! 8 Julai

“Ame ngöne la hnedrai së enehila, jole catre la pë huliwa. Kola qaja atrune hnene la zonale celë la faifi lao jëne troa öhnyi huliwa. [Amamane jë la taan ka co hna cinyihane atrun ngöne la hna cinyihane ka hape “Faifi Lao Jëne Troa Öhnyi Huliwa.”] Eje fe a hamëne la itre mekune nyine ixatua göne la aqane troa thupëne la ketre huliwa.” E jë la Ite Edomë 22⁠:​29, hna fejane ngöne la götrane 10.