Itre Hna Amekötiin

◼ Itre itus hna troa tro fë e Diseba: Atr Ka Tru Ne La Fene Hnengödrai. Maine pena, troa tro fë la itus La Bible : Parole de Dieu ou des hommes ? maine Trenge Edromë Qa Hnin La Tusi Hmitrötr. Januare: L’humanité à la recherche de Dieu. Febuare: Approchez-vous de Jéhovah. Maine pena tre hamëne jë la itus Création (mataitus ka tru maine ka co) maine itus Révélation : le grand dénouement est proche ! Maac: Veillez ! Maine kola ajan troa drei së hnene la ketre atr, xome jë la itus Atrehmekune matre troa thele troa nyiqaane inine la Tusi Hmitrötr me angeic.

◼ Hna amamane ngöne Réveillez-vous ! 22 Januare 2005 la ketre hna cinyihan hna hape “ Mieux comprendre son médecin ” ; hna hnëkëne ej matre troa xatuan la itre atr troa itrotrohni hnyawa memine la droketre i angatr. Nyipici laka tro lai a ahlën la ajan la itre droketre, pine laka kola amamane hnyawa koi angatr la kepin matre hna ketr la itre xan e angatr hnene la maca ne la Tusi Hmitrötr göi mejiune ka catr. Maine jë troa xome la itre xaa zonal me thele troa hamën itre eje kowe la droketre i epun, nge kowe mina fe la itre ka nyinyin la meci nyipunie. Loi e tro la itre Ekalesia a ithuemacanyi kowe la filial matre troa nango komaadën atrun la itre zonale cili.

◼ Easenyi hë matre iupi fë jë la itre pepa ne ihë göi Drai Ne Amekunën thatraqane la macatre 2005 ngöne la pane qene hlapa hna ithanatan hnene la ekalesia i epun. Maine hna ithanatan la itre xaa qene hlapa ngöne la götran hnei epuni hna cainöje ngön, nge epuni a ajan troa hetre pepa ne ihë ngöne la itre qene hlapa cili, haawe, loi e troa canga hane sipon itre ej jëne la pepa hna hape, Demande de publications (S-14). Troa iupi fë kowe la itre ekalesia asë ngöne la nöjei treu la ketre tus hna hape “Itre Ithuemacanyi Kowe La Itre Ekalesia Asë,” kola hamën la itre qene hlapa hna troa ujëne ngön la itre pepa ne ihë thatraqai Drai Ne Amekunën. Tro hi a sipon la itre qene hlapa hna ithanatan ngöne la teritoare i epun.

◼ Pine la enyipiewekën la Drai ne Amekunën, loi e tro la collège ne la itre qatre thup a iën la ketre e angatr ka maca hnyawa troa hamën la cainöj, ngo thaa tro kö a xome thöeën ketre matre ketre, maine tro pena a caasi pala hi la ka xome la hnëqa cili. Maine hetrenyi la ketre qatre thup hna iën, a kola mama laka ka atreine angeic troa cile fë la cainöj, haawe xomi angeice jë.