Tusi Bethela

Drei La Tusi Hun Koi Nyipunie Itretre Cainöj:

Ase hë afenesin enehila lo ketre iuma ka tru ka nyixan lo itre hnë feja itusi së e Wallkill, nge kolo ha huliwane ej. Lue imasin ka tru nyine feja itus ka hnyipixe; ijije hi tro lue ej a isa fejan la 90 000 lao zonal ngöne la caa hawa. Hetrenyi mina fe la itre xaa imasin ka hnyipixe ka kuca la itre icetröne itus ka catr, 120 la etrun e caa menetr. Kola saze göhnen la itre imasin a tro Wallkill, ke kolo ha troa salemën la itre iuma e Brooklyn, 360 Furman Street. Tru catre la jole ne la itre trejin enehila, ke kola ahnyipixene hmaca la itre iuma, 117 Adams Street, matre troa nyi göhnene la itre biero ka traqa qa ngöne lo itre iuma 360 Furman Street.

Kola e la 300 lao trejine trahmanyi me föe ka traqa qaa Brooklyn, nge ka troa huliwa ngöne la hnë feja itus e wallkill. Ketre, 100 lao voloter ka huliwa thatraqane la nöjei ejolene la itre ordinatör, angatre hmaca pena ha a tro qaa Wallkill a tro Brooklyn, ke e cili pena ha la hnen lo biero göi itre ordinatör.

Ame lo hneijine ne la Drai Ne Amekunën, tre celë hi ijine hna catre cainöj ngöne la itre teritoar ne la filial, ene Kaledonia, me Vanuatu me Walis me Futuna. Hna e la 274 lao ka pionie ka ixatua ngöne lo treu Maac, nge kola elë la etrune la itre ka sin la Pui Ne Xeni Ne La Joxu, 7 905 la etrun.

Eahuni a ceme nyipunie, nge easë a thele troa “cate huliwa i Joxu” ngöne la easë a nyiqaane la macatre ne huliwa 2005.​—1 Kor. 15⁠:⁠58.