Revizio Ne La Ini Ne Cainöje Trootro Qaathei Akötresie
Troa ce ithanatane cahu itre hnying ngöne la ijine Ini ne Cainöje Trootro Qa thei Akötresie, e 30 Ogas 2004 me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 5 Julai uti hë e 30 Ogas 2004. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying. —Wange ju la itus, École du ministère g. 36-7.]
ATREINE CAINÖJ
1. Tune kaa la aqane tro së a qeje pengöne la aliene la mejiune së “fë la menyike me qou”? (1 Pet. 3:15) [be g. 192 par. 2-4]
2. Pine nemen matre nyipi ewekë catr troa mejiune hnyawa la itre hne së hna troa qaja? (Rom. 8:38, 39; 1 Thes. 1:5; 1 Pet. 5:12) [be g. 194]
3. Tune kaa la aqane troa mama la mejiune ka eje the së? [be g. 195 par. 3–g. 196 par. 4]
4. Nemene la aliene la hna hape, troa maca troa ithanata, pine nemen matre nyipi ewekë lai, nge tune kaa la aqane tro sa maca troa ithanata me thaa xoue troa qaja la trenge nyipici? (Rom. 12:18) [be g. 197]
5. Qëmekene troa ithanata, nemene la hna troa pane wang atrun hnene la ketre atr ka maca troa ithanata? (Ite edomë 25:11; Ioane 16:12) [be g. 199]
HNËQA NABA 1
6. Tune kaa la aqane amamane hnene la itre hne së hna qaja memine la aqane majemine së inine la Tusi Hmitrötr, laka, easa kökötre ngöne la nyipici? [be g. 74 par. 3–g. 75 par. 2]
7. Nemene la aliene la hna hape, troa “anyipi ewekëne la nöjei ijin,” nge nemene la aqane tro sa ujë tune lai? (Efe. 5:16) [w02 15/11 g. 23]
8. Tune kaa la aqane amamane hnyawa hnene la Tusi Hmitrötr laka ka ceitune asë hi la itre atr xajawa i Akötresie, nge nemene la thangane lai kowe la huliwa ne cainöje së hnene la mekune cili? [w02 1/1 g. 5, 7]
9. Nemene la aliene la ëjene lo Atre Ixupi ka caas, ene Iehova? [w02 15/1 g. 5]
10. Nemene la hna kuca hnei Abela matre qaja jë ka hape ame la huuje i angeic, tre, “ka sisitia hune la” huuje i Kaina, nge nemene la ini hne së hna kapa qa ngöne la aqane tro hamëne la “huje ne atrunyi” Akötresie? (Heb. 11:4; 13:15) [w02 15/1 g. 21 par. 6-8]
E TUSI HMITRÖTR NGÖNE LA WIIK
11. Tune kaa la aqane xatua së hnei Levitiko 18:3 matre tro sa neën wanga troa qali la aqane troa atrehmekune la loi memine la ngazo? (Efe. 4:17-19) (w02 1/2 g. 29)
12. Nemene la hna nyi hatren hnene la “lue areto” hna tro fë hnene la atre huuj nyine “simesim” ngöne la Feet ne la itre Wiik (Penetekos)? (Lev. 23:15-17) [w98 1/3 g. 13 par. 21]
13. Tune la hna qaja ngöne Numera mekene 5 göi nyixetë, nemene la aliene la kola qaja ka hape troa ‘hnyeqete la inaea’ ne la föe ka nyixetë? (Num. 5:27) [w84 15/7 g. 29]
14. Pine nemen matre hna xöjetriji Mose hnei Miriama me Arona pine la föe i nyidrë atre Aithiope? (Num. 12:1)
15. Nemene la “tusi ne ishi Iehova”? (Num. 21:14)