Revizio Ne La Ini Ne Cainöje Trootro Qaathei Akötresie
Troa ce ithanatane cahu itre hnying ngöne la ijine Ini Ne Cainöje Trootro Qaathei Akötresie, e 29 Diseba 2003 me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 3 Nofeba koi 29 Diseba 2003. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Pine nemene laka nyipi ewekë catr troa amamane la Tusi Hmitrötre ngöne la easë a cainöj? [be g. 145 par. 2, itre mekune hna eköhagen]
2. Nemene la thangane la itre xötr ne la Tusi Hmitrötr ka lapa xötreithe la ketre xötr hne së hna mekune troa ithanata? [be g. 149]
3. Pine nemen matre nyipi ewekë troa mama hnyawa la itre trenge ewekë nyine qaja atrun, ngöne la easë a e la ketre xötre ne la Tusi Hmitrötr, nge nemene la aqane troa traqa kowe lai? [be g. 151 par. 2, itre mekune hna eköhagen]
4. Nemene la aqane troa xötrethenge la ithuecatr hna hamën hnei Paulo, ene la troa ‘thawa hnyawa la wesi ula ka nyipici’ ngöne la easë a inine la itre xan, nge pine nemen matre nyipi ewekë lai? (2 Tim. 2:15) [be g. 153 par. 2, itre mekun hna eköhagen]
5. Tune kaa la aqane thele ewekë Paulo me ‘ithanatane angeic la itre hna cinyihan’? (Ite Huliwa 17:2, 3) [be g. 155 par. 5–g. 156 par. 1]
HNËQA NABA 1
6. Ame ngöne la easë a hnëkëne la ketre hnëqa nge easë a xome la Tusi Hmitrötr ene la jiane huliwa së ka sisitria, pine nemen matre hetre thangane ka loi e troa (1) pane xome la itre mekun hnapan me hnapin matre troa trotrohnin la itre xötr hne së hna e, (2) goeën la itre xaa xötr hna hamën e cili ezin matre troa thel troa trotrohnin, me (3) thele mekun jëne lo itus hna hape Concordance complète ? [be g. 34 par. 3–g. 35 par. 2]
7. Tune kaa la aqane tro sa mele nyipici, nge koi drei? [w01 1/10 g. 22-3]
8. Nemene la ka amamane ka hape Iehova la maseta ne la traem? (Dan. 11:35-40; Luka 21:24) [si g. 284 par. 1]
9. Nemene la nyine tro sa lapa mekune hnyawa ngöne la ijine easë a troa iëne la itre mekun hne së hna xom thatraqane la ketre cainöj? [be g. 38]
10. Pine nemen matre kola eatr ngöne la hneijine së la itre trenge ewekë i Iesu göne lo “hneijine i Noa”? (Mat. 24:37) [w01 15/11 g. 31 par. 3-4]
E TUSI HMITRÖTR NGÖNE LA WIIK
11. Tune kaa la aqane amaman hnene la tusi Paulo koi Filemona laka ame la hnëqa ne la Keresiano tre ene la troa xatuan la itre xaa atr tro fe angatr a hane itre Keresiano, ngo thaa ene kö la troa ithuecatr koi angatr troa lö hnine la itre hna thel troa kuca hnei atr matre troa saze la mel? (Filem. 12)
12. Nemene la eisapengönene la troa ‘uthi së,’ memine la troa “ananyi së,” me ‘troa kei’? (Heb. 2:1; 3:12; 6:6) [w99 15/7 g. 19 par. 12; w86 1/6 g. 14 par. 16-17; w81 1/3 g. 23 par. 8]
13. Tune kaa la aqane troa neëne matre thaa tro kö a wangacone la xötrehnëewekë hna hape “maine aja i [Iehova]”? (Iako. 4:15) [cj g. 170 par. 3-171 par. 1]
14. Nemene la aliene la hna hape troa ‘treqene me ajane troa traqa la drai Iehova,’ nge tune kaa la aqane tro sa traqa kowe lai? (2 Pet. 3:12) [w97 1/9 g. 19-20]
15. Nemene la itre eamo ka nyipi ewekë thatraqane la itre Keresiano enehila, hna hamën jëne la itre maca hna kapa hnene la sevene lao ekalesia hna qaja ngöne la itusi Hna Amamane ngöne itre mekene 2 me 3? (Hna ama. 2:4, 5, 10, 14, 20; 3:3, 10, 11, 17, 19)