Itre Hna Amekötiin

◼ Itre itus hna troa tro fë e treu Okotropa: Troa tro fë la itre zonal La Tour de Garde me Réveillez-vous ! Maine kola kepe së hnene la itre atr, xome jë la boroshür Thele, me tupath troa nyiqaane inine la Tusi Hmitrötr me angatr. Nofeba: Troa tro fë la itus Atrehmekune maine boroshür Thele. Maine hetrenyi hë la itre atr la itre itusi cili, hamëne ju fe la itus Adorez Dieu maine ketre itusi pena. Diseba: Atr Ka Tru Ne La Fene Hnengödrai. Maine pena troa hamën la itus, Recueil d’histoires bibliques , maine La Bible : Parole de Dieu ou des hommes ? Januare: Itre itus hna fejan qëmekene lo macatre 1988 ka hetrenyi ngöne la ekalesia. Maine pëkö ke wange ju thene la itre ekalesia ka easeny maine hetrenyi thei angatr. Ame koi itre ekalesia ka pëkö lo lai itre itusi cili, maine tro pë hë angatr a tro fë la itus L’humanité à la recherche de Dieu.

◼ Ame la sine trongene la Huliwa Ne Baselaia celë, tre, kolo “Porogaram Ne Ini Ne Cainöj Qaathei Akötresie Göi Macatre 2004,” thaa tro kö a apaatren, ke easë a troa huliwane ej ngöne la macatre 2004.

◼ Maine kola troa saze drai me hawa ne icasikeu ngöne 1 Januare hnene la ekalesia i epun, loi e troa thuemacanyi sasaiatri me kuca la itre komaad me sipon la itre pepa ne ihë göi itre icasikeu, a cememin pena ha la itre drai me itre hawa ka hnyipixe (S-5). Maine kola aja pepa ne ithuemacany ka hnyipixe thatraqane lai, haawe, loi e troa komaadën itre ej. Loi e troa sipon ngöne la eitr lao wiik qëmeken troa kapa itre ej.