Itre Hna Amekötiin

◼ Itre itus hna troa tro fë e treu Diseba: Le plus grand homme de tous les temps. Maine pena troa hane hamën la itus, Recueil d’histoires bibliques maine La Bible : Parole de Dieu ou des hommes ? Januare: Itre itusi ka 192 lao götran hna fejane qëmekene lo macatre 1988, nge hetrenyi pala kö e hnine la ekalesia. Maine hetrenyi pala kö e hnine la ekalesia i epun la itus L’humanité à la recherche de Dieu, tre, hamëne ju ej. Febuare: Approchez-vous de Jéhovah. Maac: Atrehmekune Ka Eatrongë Nyipunie Kowe La Mele Ka Pë Pun. Thele jë troa nyiqaane etid memine la itre atr.

◼ Easenyi hë matre iupi fë jë la itre pepa ne ihë göi Drai Ne Amekunën thatraqane la macatre 2003, ngöne la pane qene hlapa hna ithanatan hnene la ekalesia i epun. Maine hna ithanatan la itre xaa qene hlapa ngöne la götran hnei epuni hna cainöje ngön, nge epuni a ajan troa hetre pepa ne ihë ngöne la itre qene hlapa cili, haawe, loi e troa canga hane sipon itre ej jëne la pepa hna hape, Demande de publications (S-14). Hetrenyi la itre pepa ne ihë qene Qene Tas, Papale, Faras, me Wallis. Tro hi a sipon la itre qene hlapa hna ithanatan ngöne la teritoare i epun.

◼ Troa atrune la Drai Ne Amekunën e drai hnacian 16 Eiperem ne la macatre 2004, thupene la hna lö la jö. Kola canga ithuemacanyi tune la, matre tro la itre trejine a canga wange la nyine troa kuca göi hnë troa icasikeu, e maine nyimutre la itre ekalesia ka ce icasikeu ngöne la caa Uma Ne Baselaia, haawe loi e troa canga ithanatane la aqane troa atrune lai Drai Ne Amekunën. Loi e tro la itre qatre thup a caas ngöne la aqane troa amekötine göi iuma, nge loi e troa xecie hnyawa laka, pëkö itre xaa hna hnëkën ngöne lai uma; ketre, matre tingeting nge caasi ngöne la ijine atrune la Drai Ne Amekunën. Pine la enyipi ewekën la drai cili, loi e tro la collège ne la itre qatre thupe a iën la caasi e angatr ka maca, matre troa cile fë la cainöj; ngo thaa tro hmekuje kö a xome la hnëqa cili hnene la caa trejin ngöne la nöjei macatre, maine tro pena ithöeën. Ngo maine hetre hna iën, nge ketre qatre thupe ka maca, ke, loi e troa nue koi nyidrë troa cainöj.

◼ Hna nango saze la aqane trongen la icasikeu göi Ini Ne Cainöj Qathei Akötresie, ngöne la ijine kola wang la ekalesia hnene la qatre thup ka iwai trootro. Troa nyiqaan la hna amekötine cili ngöne la Januare 2003; thupene la nyima me thith nyine nyitrepen la icasikeu, troa 25 lao menetr ne ini. Troa xom la faif lao menetr thatraqan lo hnëqa hna hape, göi troa atreine cainöj, tren lao menetr göi cainöj nyine ini, nge treen lao menetr göi itre mekun ka sisitria qa ngön la itre meken la Tusi Hmitrötr. Thaa tro pë hë a kuca la itre hnëqa Na. 2, 3, me 4. Troa sisedrën la ini hnene la Icasikeu Ne La Huliwa, thötre menetr. Thupene la nyima, troa xom la thötre lao menetr hnene la qatre thup thatraqane la porogarame i angeic, thupene lai troa nyipun hnene la nyima me thith.

◼ Loi e troa hamën kowe la itre ka cainöje asë hna bapataison, ngöne la ijine Icasikeu Ne La Huliwa ne la 6 Januare me wiike cili, lo itre kart, Instructions médicales prévisionnelles/Décharge me Document d’identité médical thatraqane la itre nekö i angatr.