Revizio Ne La Ini Ne Cainöj

Kola troa ce wange hmaca la itre ini hna goeëne hë ngöne la Ini ne Cainöje ne la 6 Maj uti hë 19 Ogas 2002. Xome jë la ketre pepa matre troa isa cinyihane la itre mekune ka sa lai itre hnying, nge troa metrötrëne la traeme hna sa.

[Hna Amekötin: Ame ngöne la ijine revizio, troa xome hmekuje hi la Tusi Hmitrötr. Hna hamëne la itre jëne mekune thupene la itre hnying, matre hmaloe troa sa itre ej. Thaa hna cinyihane asë kö la itre götrane me itre paragarafe ne la itre zonal, La Tour de Garde, hna hamëne nyine ixatua troa sa la itre hnying.]

Troa sa la itre hnying hnei Nyipici maine Thoi:

1. Ieremia 18: 1-6 a amaman laka, Iehova la ka kuca matre tro la itre atr a kuca la itre ewekë, Ngacama thaa ajane kö angatr troa kuca itre ej. [Wiik ne e Tusi Hmitrötr; wange ju la w99 1/4 g. 22 § 3-4.]

2. Hnene la itre perofeta thoi hna apën la men, me thangan la itre trenge ewekë i Akötresie, ngöne laka, hnei angatr hna ukun la nöj, troa dreng la itre trenga thoi, ngo thaa kapa pe la sipu ithuemacany qaathei Akötresie. (Iere. 23:30) [Wiik ne e Tusi Hmitrötr; wange ju la w92 1/2 g. 4 § 3.]

3. Ame ngöne Ieremia 25:15, 16, kola qaja la “tepe waina ne elëhni” hna ij hnene la “nöjei nöj’ asë” matre angatr a “hmo,” tre kolo lai a amaman la aqane axetin la mekunen la itre atr hnene la hmi ka thoi. [Wiik ne e Tusi Hmitrötr; wange ju la w94 1/3 g. 20 § 13.]

4. Ame la hna perofetan hnei Ieremia göne “la nöje ne la ithupëjia,” tre, Mataio a qaja ka hape kolo nöje ne la mec, ke, hna humuth la itre thöth hnei Heroda, nge tro hmaca angatr a bëek jën la melehmaca. (Iere. 31:15, 16; Mat. 2: 17, 18) [Wiik ne e Tusi Hmitrötr; wange ju la w79 1/10 g. 19 § 13.]

5. Kola acatren la lapaune së ngöne Ieremia 37:21, laka atreine hi tro Iehova a xatuan la itre nyipi hlue i Nyidrë ngöne la itre ijine pë mani uti hë la pun ne la fen, memine fe la ijine hleuhleu atraqatr. [Wiik ne e Tusi Hmitrötr; wange ju la w97 15/9 g. 3 § 4–​g. 4 § 2.]

6. Kola qaja hnene la tusi Ite Teije i Ieremia la ejuin la hleuhleu, ka traqa kowe la nöje Isaraela ngöne la kola apaatrenyi Ierusalema lo macatre 607 M.P.K. hnei Nebukaneza, joxu ne Babulona. [si g. 130 § 1]

7. Kola amaman hnyawa ngöne la tusi Ite Teije i Ieremia 5:7 laka, Iehova a tran mekötin la itre nekönatr pine la itre ngazo hna kuca hnene la itre kem me thine i angatr. [Wiik ne e Tusi Hmitrötr; wange ju la w88 1/9 g. 27 itre mekun hna eköhagen.]

8. Ame la hatren ngöne la göpadri hna qaja ngöne Ezekiela 9:4, tre, kola hape atrehmekun hmekuj la ka troa amelen la ketre atr. [Wiik ne e Tusi Hmitrötr; wange ju la w88 15/9 g. 14 § 18.]

9. Ame la “Itre atr nyine ahnahna,” (MN) hna qaja ngöne Efeso 4:8, tre, kola qaja la itre qatre thup keresiano, hna iën hnei uati hmitrötr, nge hna acilë angatr troa thupën la mele ne la itre trejin ngöne la götrane la ua. (Ite Huliwa 20:28) [w00 1/8 g. 6 § 3]

10. Ame ngöne la hneijine së, kola amaman hnei Ezekiela mekene 23, laka hna nyihatrenyi Aholiba hnene la hmi Porotesta, nge ame Ohola mama i angeic, tre, hmi Katolik. [Wiik ne e Tusi Hmitrötr; wange ju la w88 15/9 g. 21 § 22.]

Sa jë la itre hnyinge celë:

11. Drei la köni perofeta ka hlemu ka mel ngöne la itre macatre ka hleuhleu, qa ngöne lo macatre 617 koi 607 M.P.K., ijine lep apaatrenyi Ierusalema? [si g. 133 § 2]

12. Tune kaa la aqane amamane së la ole së kowe la mel hna hujën hnei Keriso, ngöne la easa dreng la ihë hna e ngöne Luka 9: 23? [w00 15/3 g. 8 § 1]

13. Ngöne nemene götran la Iehova a ‘iele’ Ieremia? (Iere. 20:7) [Wiik ne e Tusi Hmitrötr; wange ju la w89 1/5 g. 31 § 6.]

14. Nemen la alien la trenge ewekë i Iesu ngöne la nyidrëti a qaja ka hape, tro la uati hmitrötr a “ini nyipunie la nöjei ewekë asë, me amekunë nyipunie la nöjei ewekë asë hnenge hna qaja koi nyipunie”? (Ioane 14:26) [w00 4/1 g. 8 § 7-8]

15. Nemene la mejiun hna hamën kowe la lapa i angetre Rekaba ne la hnedrai së enehila? [Wiik ne e Tusi Hmitrötr; wange ju la su g. 131 § 7.]

16. Ngöne nemene götran la kola hën la itre hmae ka hoea, ka hape “itete cate” me itre “ate ka hlemu”? (Gen. 6:4) [w00 15/4 g. 27 § 9]

17. Hna tune kaa matre kola nanazij hnei Baruka, ngöne la götrane la ua, nge nemen la ini koi së? (Iere. 45: 1-5) [Wiik ne e Tusi Hmitrötr; wange ju la w97 15/8 g. 21 § 14- 16.]

18. Eue, nge tune kaa la aqane eatr la hna perofetan hnei Ieremia 50:38? [Wiik ne e Tusi Hmitrötr; wange ju la dp g. 150 § 2-3.]

19. Ame ngöne Ite Teije i Ieremia 1: 15, kola qaja la hleuhleu ka traqa koi Ierusalema, “nekö jajiny ne Iuda,” nemen la aliene lai kowe la itre atr ka uun ka hape, itre keresiano angatr? [Wiik ne e Tusi Hmitrötr; wange ju la w88 1/9 g. 27, itre mekun hna eköhagen.]

20. Nemen la alien la hna hape “Xomejë la itrapet, xomejë fe la korona,” hna qaja ngöne Ezekiela 21:26? [Wiik ne e Tusi Hmitrötr; wange ju la w88 15/9 g. 19 § 16.]

Nyialiene jë la itre götran hna amë pe:

21. Ame la atre qahmihmi, tre angeic a mel thenge la ․․․․․․․․ hna eköth matre troa hetrenyi la ․․․․․․․․ ka loi, nge angeic a atrehmekun laka, hetrenyi la ․․․․․․․․ ngöne la itre ewekë hnei angeic hna atrein troa kuca, memin la itre ewekë ka ijij tro angeic a kuca ngo angeic a xomehnöth itre ej matre troa iloi me itre xan. (Mika 6:8) [w00 15/3 g. 21 § 1-2]

22. Ngacama thaa kolo kö a troa apaatren hnene la uati hmitrötr la itre ․․․․․․․․ maine itre ․․․․․․․․ ngo atreine hi tro ej a xatua së troa ․․․․․․․․ itre ej. (1 Kor. 10:13; 2 Kor. 4:7) [w00 1/4 g. 11 § 6]

23. Jëne la itre hna perofetan hnei Ieremia, hna wangatrehmekun hnei Daniela perofeta, laka troa ․․․․․․․․ la eqean la hleuhleu i Ierusalema; hnene la aqane eatre hnyawa lai, matre kola acatren la lapaune së kowe la ․․․․․․․․ hnei Akötresie. (Iere. 25:12; Dan. 9:2) [si g. 129 § 37]

24. Kola troa upi së hnene la tusi Ite Teije i Ieremia troa ․․․․․․․․ me ․․․․․․․․ thene asë la itre nyipi hlue i Akötresie, nge tro eje fe a ketre ithuemacanyi ․․․․․․․․ hnene la itre ka pëkö metrötr koi Iehova Akötresie. [si g. 132 § 13]

25. Ketre ithuecatr koi së la tulu hna amë hnei Aberahama e kola traqa la itre isazikeu, matre thaa tro kö së a nue la itre ․․․․․․․․ maine ․․․․․․․․ pena troa angazon la aqane imelekeu hnyawa së me itre trejine me easë. (Gen. 13: 5- 12) [w00 15/8 g. 24 § 2-3]

Agöne pi la itre mekun ka nyipici:

26. Hnei Iobu hna wangatrun la (atrehmekun; ihnimi ipitö; iameköti), nge hnei angeic hna ujë kowe la itre hlue i angeic, cememin la (inamacan; ihnimi ipitö; meköt). (Iobu 31:13, 14) [w00 15/3 g. 26 § 1]

27. Hna ahnith kowe la perofeta Ieremia 16: 2-4, ka hape, thaa tro kö a faipoipo matre (troa mekun la aqane hujën angeic la mele i angeic; troa nyihatren la mele ne la Mesia, laka thaa ka faipoipo kö; troa anyipicin laka troa eatrën la trenge ewekë i Iehova, laka troa apaatrenyi Ierusalema). [Wiik ne e Tusi Hmitrötr; wange ju la w78 15/7 g. 31 § 2.]

28. Ame ngöne Ite Edomë 4:7, tre kola hape (troa atre hnyawa la itre mekun; troa goeën la aqane iothekeun la itre mekun me itre xan; troa melën la atrehmekun me trotrohnin). [w00 15/5 g. 21 § 1]

29. Pëkö atr ka atrein troa axeciën la aqane qaja hnyawa ekö ngöne la qene Heberu la ëje i Akötresie, pine laka, ame la Tusi Hmitrötr qene Heberu, hna cinyihan hmekuje hi ekö me (itre mataitusi föe; itre mataitusi trahmany). [rs p. 198 § 1]

30. Ame la ikariota hna qejepengön ngöne Ezekiela mekene 1, tre kola nyihatren la (Baselaia ne la Mesia i Akötresie; organizasio ne la itre angela i Iehova; aqane ithanakeu Iehova memin la thelen, ene la itre hna iën). [Wiik ne e Tusi Hmitrötr; wange ju la w88 15/9 g. 11 § 5.]

Iacaasinekeune jë la itre mekun ka ihmeku memin la itre mekene tus:

Deu. 7: 25, 26; Ite edomë 4: 18; 5: 21; Iere. 46:28; Rom. 15:4

31. Ketre wathebo la hna hamën nyine troa amaman kowe la nöje i Iehova, la aqane troa wang enehila la itre iatr hnei angatr hna majemin thili kow ekö. [rs g. 189 § 5]

32. Ame la ketre jëne akeukawanyi së hnei Iehova, tre, Wesi Ula i Nyidrë hna cinyihan, laka ej a qatreng la ketre mejiun ka mingöming kowe la itre drai ka troa xulu. [w00 15/4 g. 5 § 4]

33. Thaa tro kö a sasaithi tulu la aqane ihaji ne la itre kem me thin, nge thaa hna qeje pengöne hnyawa kö la alien ej, memin la ini hna troa xomi tulu qa ngön. [Wiike ne Tusi Hmitrötr; wange ju la kl g. 148 § 20.]

34. Pine laka Iehova a aijijën la itre hlue i Nyidrë troa trotrohnin trongën la trepene mekune i nyidrë, haawe, kola thele the së troa saze la aqane mekune së, ngöne la kola kökötr la atrehmekun. [rs g. 400 § 1]

35. Maine ketre atr a kuci ngazo, nge hna kuca juetrën, eje hi laka, thaa ka sihngödre kö lai xajawai Akötresie. [w00 15/7 g. 31 § 3]