Revizio Ne La Ini Ne Cainöj
Kola troa ce wange hmaca la itre ini hna goeëne hë ngöne la Ini ne Cainöje ne la 7 Januare uti hë 22 Eiperem 2002. Xome jë la ketre pepa matre troa isa cinyihane la itre mekune ka sa lai itre hnying, nge troa metrötrëne la traeme hna sa.
[Hna Amekötin: Ame ngöne la ijine revizio, troa xome hmekuje hi la Tusi Hmitrötr. Hna hamëne la itre jëne mekune thupene la itre hnying, matre hmaloe troa sa itre ej. Thaa hna cinyihane asë kö la itre götrane me itre paragarafe ne la itre zonal, La Tour de Garde, hna hamëne nyine ixatua troa sa la itre hnying.]
Troa sa la itre hnying hnei Nyipici maine Thoi:
1. Ame ngöne Ate Cainöj 2:2, kola qaja hnei Solomona ka hape, troa neën la hnyima me madrin. [Wiik ne e Tusi Hmitrötr; wange ju la w87 15/9 g. 24 § 5.]
2. Ate Cainöj la ketre itus ka hamë mejiun, nge ka qatreng la itre trenge nyipici ka mingöming qa ngöne la inamacane i Akötresie, nge ej a amamane fe laka, ame la itre huliwa ka gufa, tre, hatrene hi laka, kola wangaconyi Akötresie. [si g. 114 § 15]
3. Ame ngöne Isaia 1:7, tre, kola qaja hnene la perofeta la kola lep apaatrenyi Iudra ngöne la ijine musi Ahaza. [Wiik ne e Tusi Hmitrötr; wange ju la ip-1 g. 17 § 16.]
4. Ame la xötrehnëewekë ngöne la Hna amamane 7:9, hna hape, “kola cile qëmekene la theron, me qëmekene la Arenio, tre, nyine tro lai a amaman ka hape, ketre götran e koho hnengödrai. [rs g. 67 § 3]
5. Maine tro sa ‘atrunyi Iehova’ hnene la itre hne së hna hetreny—ene la trame së, me itre atreine së, me trenge catre së, me itre ewekë së,—tre, tro sa kapa la itre manathith ngöne la ua qaathei Nyidrë. (Ite edomë 3:9, 10) [w00 15/1 g. 25 § 1]
6. Ame enehila, ame la ‘huliwa i Nyidrë ka ketre pengön kö me thiina i Nyidrë ka trehnyiwa’ hna perofetan ngöne Isaia 28:21, tre, kola qaja la troa apaatren la itre mus e Amagedo. [Wiik ne e Tusi Hmitrötr; wange ju la ip-1 g. 295 § 16; g. 301 § 28.]
7. Hna apaatren la itre atr ngöne la hneijine i Noa, pine laka, hna xen, me ij me kuca la itre xaa huliwa hna majemin kuca hnene la itre atr tune la hna amaman ngöne Mataio 24:38, 39. [w00 15/2 g. 6 § 6]
8. Iehova pala hi a eatrën la itre sipo ne la itre hlue i Nyidrë, ka isa thel troa kuca e kuhu itre hni angatr la aja i Nyidrë. [w00 1/3 g. 4 § 3]
9. Ame la itre “nöj” hna qaja ngöne Isaia 60:3, tre, itre nöj ka kuci politik hna xome isa ala caas, nge angatr a nyenyape nyimenyim kowe la lai i Akötresie. [Wiik ne e Tusi Hmitrötr; wange ju la w00 1/1 g. 12 § 4.]
10. Hnei Iehova hna “ahmitötë” Ieremia qëmeken troa hnaho angeic, ngöne laka, ase hë Nyidrëti nyi trepen la mele i angeic, ene laka, ka tro angeic a mel epine palua. (Iere. 1:5) [Wiik ne e Tusi Hmitrötr; wange ju la w88 1/4 g. 10 § 2.]
Sa jë la itre hnyinge celë:
11. Ame ngöne Ate Cainöj 11:1, hna cinyihan ka hape, ‘kuiënejë la areto i ‘ö’, nemen la alien la hnaewekë celë? [Wiik ne e Tusi Hmitrötr; wange ju la w87 15/9 g. 25 § 12.]
12. Ame ngöne Isaia 6:8, drei la hnei Iehova hna ithanata kow, ngöne la Nyidrëti a qaja ka hape, “shë”? [Wiik ne e Tusi Hmitrötr; wange ju la ip-1 gg. 93-4 § 13.]
13. Hna hudrume tune kaa la “lai atraqat” e Galilaia, a kola eatrën la hna perofetan ngöne Isaia 9:2? [Wiik ne e Tusi Hmitrötr; wange ju la ip-1 g. 126 § 17.]
14. Nemen la ka traqa ngöne la hnedrai së enehila a hna nyi hatren hnene la kola kei hnei Babulona, lo macatre 539 M.P.K. memine la kola lep apaatren ej ekö. (Is. 13:19, 20; 14:22, 23) [Wiik ne e Tusi Hmitrötr; wange ju la ip-1 g. 188 §§ 30-1.]
15. Hnene “la hlue ka nyipici me ka inamacan” hna amaman tune kaa laka, angeic a xom la hnëqa ne “ate hmek”, tun lo hna qejepengön ngöne Isaia 21:6? (Mat. 24:45) [Wiik ne e Tusi Hmitrötr; wange ju la ip-1 gg. 221-2 § 11.]
16. Nemen la eamo ka lolo hna hamën hnei Ite Edomë 31:10 kowe la nekö trahmany ka thele föe? [w00 1/2 g. 31 § 1]
17. Ame ngöne Isaia 43:9, nemen la aqane tupath Iehova la itre haze ne fen? [Wiik ne e Tusi Hmitrötr; wange ju la w88 1/2 g. 16 § 3.]
18. Ngöne nemen götran la kola qaja ka hape “lolo pi hë” la lue ca ne la itre ka tro fë la maca ka loi? (Is. 52:7) [Wiik ne e Tusi Hmitrötr; wange ju la w97 15/4 g. 27 § 6.]
19. Nemen la nyine tro sa kuca matre thaa tro kö a amenu së hnene la itre hni së? (Iere. 17:9) [w00 1/3 g. 30 § 4]
20. Nemen la nyine troa kuca hnene la itre ka ‘trongëne la jë i Iehova’? (Iere. 7:23) [Wiik ne e Tusi Hmitrötr; wange ju la w99 15/8 g. 29 § 6.]
Nyialiene jë la itre götran hna amë pe:
21. “Eje la hni ne la ate ka inamacane ngöne la götrane maca i angeic,” ngöne laka, ame la “götrane maca,” tre kola qaja laka, ․․․․․․․․ haawe, kolo lai a amaman ka hape, hna upi angeic hnene la ․․․․․․․․ angeic troa kuca la thiina ka loi, ka troa hetre thangan ka loi kowe la mele i angeic, nge hna kapa hnei Akötresie. (Ate Cai. 10:2; Mat. 25:33) [Wiik ne e Tusi Hmitrötr; wange ju la w87 15/9 g. 25 § 9.]
22. Hetre thangan ka loi hne së hna kapa qa ngöne la nyima i Solomona, ngöne laka, kola hamë së la itre ini ka sisitria, tune la troa ․․․․․․․․ kowe la itre trepene meköti Akötresie. [si g. 117 § 16]
23. ․․․․․․․․ la nöje ka thöeën la itre traon e Iudra, lo hna qejepengön ngöne Isaia 33:1, nge hna lepe apaatren ej pena ha lo 632 M.P.K., matre hna nuetrije pë hë la itre mo i angatr koi angetre ․․․․․․․․ ene pe troa ‘tune la hna icasikeun la itre kafar.’ (Is. 33:4) [Wiik ne e Tusi Hmitrötr; wange ju la ip-1 g. 343 § 4; g. 345 § 6.]
24. Ame la ceitun hna hamën ngöne Isaia 54:1 me Galatia 4:26, 27, kola qaja laka, ame la “föe safëj,” tre, ej a nyihatren la ․․․․․․․․ nge ame la “tene fö,” tre, ene la ․․․․․․․․ [Wiik ne e Tusi Hmitrötr; wange ju la w95 8/1 g. 11 § 8.]
25. Maine kola hnyimasai së me thipetrij la maca hne së hna tro fë ngöne la easë a cainöje trootro, nyipi ewekë tro sa lapa mekun laka thaa ․․․․․․․․ la hna icilekeu memin, ngo ․․․․․․․․ atrekë ewekën la maca hne së hna tro fë. (2 Kor. 4:1, 7) [w00 15/1 g. 21 § 2]
Agöne pi la itre mekun ka nyipici:
26. Ame la Paulo a cinyihan la hnei angeic hna meköle goeën, ene la elolo i Iesu e koho hnengödrai, tre, angeic a sipu qeje angeic, tune la ketre atr ka “traqa ija,” kola hape (hna hnyipi ië angeic hnei uati hmitrötr; hna acili angeic troa aposetolo i angetre ethen; hna atrunyi angeic ngöne laka, kösë hna hnaho angeic, maine hna amele angeice hmaca kowe la mele ne la ua, nge thaa ijin petre kö). (1 Kor. 9:1; 15:8) [w00 15/1 g. 29 § 6]
27. Ame la hna ati ëj hna hape “Keme ka epine palua,” tre, kola qaja la men memin la musi ne la mesia Joxu, hnei nyidrëti hna troa hamën kowe la itre atr, ene la (egöcatr ngöne la ua; la mele ka pë pun e koho hnengödrai; la mejiun kowe la mel ka epin palua e celë fen). (Is. 9:6; Ioane 11:25, 26) [Wiik ne e Tusi Hmitrötre; wange ju la ip-1 g. 131 § 26.]
28. Ame la kola eatr la hna perofetan hnei Isaia 66:7 ngöne la hneijine së, hna nyihatren la “nekö trahmany” (hnei Iesu Keriso; hnene la Baselaia ne la Mesia; hnene la nöj ka hnyipixe ngöne la ua lo macatre 1919). [Wiik ne e Tusi Hmitrötr; wange ju la w95 1/1 g. 11 § 3.]
29. Kola xatua së ngöne la easa e la Mataio 10:28 troa trotrohnin laka, ame la eë ne la Geena, tre (ketre hnë troa iakötrë; kola nyihatren la mec epine palua; kola qaja la iananyi me Akötresie). [rs g. 128 § 1]
30. Ame la hna nyihatren enehila hnene “la nöje ka tha denge kö la aqane ewekë i Iehova,” hna qaja ngöne Ieremia 7:28, tre, kola qeje (Babulona Atraqat; Itre atr ka uune ka hape itre keresiano angtr; hnaasevenene mus ngöne la fene hnengödrai asë). [Wiik ne e Tusi Hmitrötr; wange ju la w88 1/4 g. 18 § 10.]
Iacaasinekeune jë la itre mekun ka ihmeku memin la itre mekene tus:
Ite edomë 24:16; Ate Cai. 3:11; Is. 40:8; Rom. 10:15; 1 Pet. 4:6
31. Ngöne la ijin ka ijij, tro Akötresie a fe amaman koi së la pengön la nöjei huliwa hnei Nyidrëti hna kuca thatraqan la trepene mekune i Nyidrë. [Wiik ne e Tusi Hmitrötr; wange ju la w87 15/9 g. 24 § 8.]
32. Kola thuejën kowe la itre ka mec ngöne la ua, troa hane ietra, jën la huliwa ne cainöjën la maca ka loi. [rs g. 63 § 2]
33. Ame ngöne la mel, tru la itre jol hna thatrein troa neën hnene la atr, ngo ame la atre fedre catr koi Iehova, thaa tro kö angeic a cil troa kuca la ewekë ka loi. [w00 1/2 g. 5 § 1]
34. Pëkö ka atrein troa sewe Akötresie maine thungijë i Nyidrë, troa eatrën la wesi ula i Nyidrë, maine trenge ewekë hnei Nyidrëti hna ahnithe hë. [Wiik ne e Tusi Hmitrötr; wange ju la ip-1 gg. 401-2 § 10.]
35. Hnene la itre aposetolo i Iesu hna huliwan hnyawa la hna perofetan hnei Isaia, ngöne laka, hnei angatr hna xötrethenge ej ngöne la hnei angatr hna cainöj trootro. [si g. 123 § 37]