Anyipicine Jë—Uti Hë La Can La Fene Hnengödrai
Drei la ka pi troa anyimua wange pala hi la video hna hape Jusqu’aux extrémités de la terre ? Angatre hi lo itre ka ajan troa mesinare. Pine nemen? Nyine troa aimajemikeu angatr memine lo Ini Ne Gileada. Hna nyi hatren hnene la video la hna 50 ne macatre qaane lo kola eköth la ini cili, matre troa haöth la huliwa ne cainöj uti hë la “can la fene hnengödrai.” (Sal. 22:27) Eje a troa xatua së troa wangatrun hnyawa la huliwa ka nyipi ewekë catr, ene la troa cainöjën la maca ka loi me troa hane enijë së troa akökötren la huliwa së. Pane wange ju së la: (1) Ame ngöne la macatre 1940, nemen la hna hnehengazon catrën hnene la organizasio i Iehova? (Ite Huliwa 1:8) (2) Ame lo 1942, Nemen la hna perofetan hnei Tusi Hmitrötr nyine hain, ka eatr ngöne la macatre cili, nge nemen la aqane eisapengönen la aqane waiewekë së memin la itre atr e cailo fen? (Hna ama. 17:8; w89 15/4 g. 14 § 12) (3) Nemen la itre hna hnëkën matre troa kepe thangan la itre hneijin ne tingeting thupen lo Hnaaluene Isi Ka Tru? (jv g. 522 §§ 1-2) (4) Nemen la itre thiina ne la itre hnainin ne la pane ini ne Gileada, hnei nyipunie hna wangatrun? (5) Ame ngöne la pane 50 lao macatre ne la Ini Ne Gileada, tune kaa la aqane hetreny la itre hnainin la itre pepa, nge ije nöj hna upi angatr kow? (6) Nemene la etrune la ini hnene la itre hnainin hna kapa qa hnine la Tusi Hmitrötr? (7) Nemen la hna kuca matre troa maca hnyawa la mesinare me atre inin la Wesi Ula i Akötresie ka atrein? (8) Ka tune kaa la mele ne la mesinare, nge nemen la itre itupath hnei angeic hna troa qëmeke kow? (9) Nemene la mekune ne la itre mesinare göne la aqane mele i angatr, nge nemen la madrin ka tru hna troa kapa qa ngöne la hna hujën la mele i angatr? (10) Nemen la hna kuca ha ngöne la itre nöj gaa nany hnene la itre mesinare ka ala nyim? Hamëne jë la itre ceitun. (11) Nemen la mekuna i epun göne la itre trejin trahmany me föe ka tro hë kowe la “cane la fene hnengödrai” matre troa cainöj? (12) Kola xatua së troa kuci nemen hnene la tulu ne la itre mesinare, nge pine nemen?