Hnëkë Jë Troa Inin La Hna Perofetan Hnei Isaia!
1 “ Ka xecie kowe la itre hlue i Akötresie ka mele nyipici laka, thaa tro kö Iehova . . . a nue la fene i Satana troa nango mele pe kö caa drai, nge ijine tro hë Nyidrëti a apaatrene ej.” Drei la ketre mekun ka ithuecatr! Hna xome qaa kaa la hna cinyihane celë? Qa hnine la itus, La prophétie d’Isaïe, lumière pour tous les humains I. Hapeue la hna perofetane hnei Isaia, eje kö a aijijë së troa kapa la ketre ixatua ka tru? Eje hi! Kola amamane hnyawa jëne la tusi ne la Tusi Hmitrötre celë, lo taan ka qaja la iamele. (Is. 25:9) Celë hi matre troa ketre ithuecatre ka tru koi së, troa inine la hnepe götran celë ne la Tusi Hmitrötr ngöne la itre Ini Tus Ne la Ekalesia. Hapeu, tro kö së a hane traqa e nöjei wiik, matre troa ce kapa madrine ej? Pine nemene matre loi e tro së a nyipi ewekëne lai?
2 Ame ngöne Isaia 30:20, ke, hna hë Iehova ka hape “[“Ate,” MN] Ini” së. Loi e tro së isa ala caas, itre keresiano a drenge hnyawa la Iehova a ithahnata koi së jëne la Wesi Ula i Nyidrë, me jëne la itre itus ka qeje pengöne la Tusi Hmitrötre hna hamëne hnene “la hlue ka nyipici me ka inamacan.” (Mat. 24:45; Is. 48:17, 18) Ka nyipici mina fe lai göne la itus Prophétie d’Isaïe I. Tune kaa la aqane tro nyipunie a kepe thangane atrune la hna inine hnene ej?
3 Loi e Troa Hnëkë Matre Troa Hane Qeje Mekun: Loi e troa ami ijine e nöjei wiik, troa hnëkëne la ini tus. E jë la nöjei paragarafe nyine troa ce wang. Nge mekune ju fe la nöjei hnyinge hna fejan. Nyihatrene ju me sija hnine la itusi nyipunie la itre mekune ka sa la hnying. Hna fejane atrune la itre xötre hna xome qa hnine la tusi Isaia. E hnyawane jë itre ej. Tune la itre xaa xötre hna cinyihane fe, hane jë xome itre ej, me thele troa ieakeune itre ej, memine la taane la hna cinyihan. Pane lapa mekune ju la hnei nyipunieti hna inin. Nge thupene lai, hane jë ce thawa la itre mekune hnei nyipunie hna hnëkën, memine la itre atren la ini tusi nyipunie.
4 Loi e troa xatuane hnene la trejine ka elemekene la ini tusi la itre atrene ej, troa huliwane hnyawane la Tusi Hmitrötr, me kapa madrine la ini hna xome qa ngöne la taane hna ce wang. Maine hna pane könë nyipunie troa sa, ke, qaja jë la mekune ka sa mekötine la hnying, nge thaa tro kö eje a qea. Maine caa ka sa ha tune lai, ke, ijije tro nyipunieti a sisedrëne la mekun me akökötrene ej. Maine jë, ijije tro nyipunie a amamane la aqane sajuëne la taane la hna cinyihan, hnene la ketre xötre kii. The e kö la hna cinyihan, ngo tupathe jë troa sa thenge la hnei nyipunie hna atreine troa qaja, me madrine troa hane qeje mekune ngöne la ijine cili.
5 Loi e tro sa catre ce wange la maca ka tru alien, hnine la tusi Isaia. Tro eje a ithuecatre koi së troa mele o drai, me treqene madrine la iamele i Iehova!—Is. 30:18.