Revizio Ne La Ini Ne Cainöj
Kola troa ce wange hmaca la itre ini hna goeëne hë ngöne la Ini ne Cainöje ne la 1 Mei uti hë e 21 Ogas 2000. Xome jë la ketre pepa matre troa isa cinyihane la itre mekune ka sa lai itre hnying, nge troa metrötrëne la traeme hna sa.
[Hna Amekötin: Ame ngöne la ijine revizio, troa xome hmekuje hi la Tusi Hmitrötr. Hna hamëne la itre jëne mekune thupene la itre hnying, matre hmaloe troa sa itre ej. Thaa hna cinyihane asë kö la itre götrane me itre paragarafe ne la itre zonal, La Tour de Garde, hna hamëne nyine ixatua troa sa la itre hnying.]
Troa sa la itre hnyinge hnei nyipici maine thoi:
1. Kola mama la hni ka menyik, me hni ka ipië thei Gideona ngöne la aqane sa i angeice kowe la angetre Eferaima ka thele iwesitrë me angeic, nge kolo mina fe a lepe athaupu angatre me thele troa ce mele tingeting. (A. ame. 8:1-3) [Wiike ne e Tusi Hmitrötr]
2. Ngacama hnei Manoa hna qaja ka hape “ase hë nyisho goeë Akötesie,” ngo eje hi laka, hna mama koi angeice me föe i angeice la ketre angela ka xomi ngönetrei ne atr matre troa nyi ukeineqë i Akötresie, ngo thaa Iehova kö. (A. ame. 13:22) [Wiike ne e Tusi Hmitrötr; wange ju la w88 15/5 g. 23 par. 4.]
3. Ame ngöne Angete Amekötin 5:31, kola nyi hatrene la hna ewekë hna hape “itete hni nyidë” hnene la itre matrane la Baselaia ka 144000. [si g. 51 par. 28]
4. Paatre fe kö la itre sine dröne ne la tusi Rutha ngöne la itre dröne itusi hna ewath, hna öhne ngöne la hnagejë hna hape, Hnagegë Ka Palulu. [si g. 51 par. 3]
5. Kola edromëne ngöne tusi Angete Amekötin 21:25 lo hneijine Iehova a nuetrije la nöje i Isaraela, nge pëkö caa ixatua qaathei Nyidrë. [Wiike ne e Tusi Hmitrötr; wange ju la w95 15/6 g. 22 par. 16.]
6. Kola amamane hnene la itre kerubi hna acile hune la pua ne isisinyikeu laka, Iehova hi a Joxu e nyipi angatr, kola qeje Nyidrë ka hape “ate munëti akawane la lue kerubi.” (1 Sam. 4:4, Ith. e cahu fen.) [Wiike ne e Tusi Hmitrötr; wange ju la w81 1/2 g. 29 par. 2.]
7. Hna öni la madra hnene la itre sooce i Saulo ngöne la ketre ijine angatre a meci hnei pi xen, nge pëkö pune ka ngazo koi angatr, haawe, kola amamane ka hape, ijije hi tro sa ena e itre xaa ijine la wathebo i Akötresie, e easë a thele loi kowe kowe la mele së. (1 Sam. 14:24-35) [Wiike ne e Tusi Hmitrötr; wange ju la w94 15/4 g. 31 par. 7-9.]
8. Ngacama hna majemine xome la hnaewekë “una ielen” göi troa iukane la ketre atr, ngo ame la ketre götran, ke, nyine tro eje fe a amamane la aja ka tru thene la ketre atr matre troa xatuane la ketre matre troa hetrenyi la aqane waiewekë ka lolo me ka meköt, ene pe saze ju la mekun. (2 Tim. 3:14, 15) [w98 15/5 g. 21 par. 4]
9. Ame la hnaewekë “atu mel” ke, kola qaja la aqane tro Iehova a thupë Davita me amele angeic, e hnei angeice hna thipetrije la ihumuth, ewekë ka sis xajawai Akötresie. (1 Sam. 25:29) [Wiike ne e Tusi Hmitrötr; wange ju la w91 15/6 g. 14 par. 3.]
10. Ame la isisinyikeu i Iehova me Davita göi Baselaia hna qaja ngöne 2 Samuela 7:16, ke, kola amamane la hnepe lapa hna troa fetra qa ngön hnene la Matran, ene la Mesia, nge celë hi nyine anyipicine lai laka troa fetra qaathene la lapa i Davita la atre troa musi “epine palua.” [Wiike ne e Tusi Hmitrötr; wange ju la w89 1/2 g. 14 par. 21–g. 15 par. 22.]
Sa jë la itre hnyinge celë:
11. Nemene la hna thingehnaeane koi së ngöne Salamo 34:18? [w98 1/4 g. 31 par. 2]
12. Pine nemene matre hna lapaa hë Iosefa fe ka hape Banaba? (Ite Huliwa 4:36) [w98 15/4 g. 20 par. 3, Ith. e cahu fen.]
13. Pine nemene matre kola qaja hnei Tusi Hmitrötre ka hape, tru catre kö la hnei Eli hna atrune la lue nekö i angeice trahmany, hui Iehova? (1 Sam. 2:12, 22-24, 29) [Wiike ne e Tusi Hmitrötr; wange ju la w96 15/9 g. 13 par. 14.]
14. Pine nemene matre tro la tusi Rutha a acatrene la mejiune së kowe la itre hna thingehnaeane thatraqane la Baselaia? [si g. 53 par. 10]
15. Ngöne la itre xötre ne 1 Samuela 1:1-7, nemene la tulu ka nyipi ewekë hna hamëne hnene la fami Samuela? [Wiike ne e Tusi Hmitrötr; wange ju la w98 1/3 g. 16 par. 12.]
16. Troa trotrohnine tune kaa la kola hape ‘ka iaö la tenga mo’? (Mat. 13:22) [w98 15/5 g. 5 par. 1]
17. Nemene la aqane amamane Ionathana qatr, la metrötre i nyidrë koi Davita, atr hna iëne hnei Iehova, nge nemene la ka nyihatrene lai enehila? (1 Sam. 18:1, 3, 4) [Wiike ne e Tusi Hmitrötr; wange ju la w89 1/1 g. 24, 26 par. 4, 13.]
18. Ngacama “ka nyipi loi thina me meköt,” Iobu, ngo nemene la aqane amamane hnene la tusi angeic, ka hape, ketre atr ka thaa pexeje angeic? (Iobu 1:8) [w98 1/5 g. 30 par. 7]
19. Kola hapeue la hnaewekë “catejë nyipunie”? (Luka 13:24) [w98 15/6 g. 31 par. 1, 4]
20. Ngöne la easë a ce huliwa memine la itre xan, nemene la ini ka sisitria nyine tro së a xome thatraqai së, hna cinyihane ngöne 2 Samuela 12:26-28? [Wiike ne e Tusi Hmitrötr; wange ju la w93 1/12 g. 19 par. 19.]
Nyialiene jë la itre götrane hna amë pe:
21. Kola upi së hnene la aqane lepe trije Iehova la hmi Baala, troa ananyine la itre ewekë ka tune lai ngöne la hneijine së, ene la ․․․․․․․․ , ․․․․․․․․ , me ․․․․․․․․ . (A. ame. 2:11-18) [si g. 50 par. 26]
22. Kolo hneijine i Samuela la kola nyipune la hneijine i ․․․․․․․․ me nyiqaane la hneijine i ․․․․․․․․ angatre la ka troa öhnyi Isaraela a hna nuetrije hnei Iehova. [si g. 53 par. 1]
23. Ame la ëje i Akötresie, Iehova, ke, kola hape “ ․․․․․․․․ ” nge kola hape, atreine hi tro Iehova a kuca la nöjei pengöne ewekë matre troa aeatrëne la ․․․․․․․․ . [w98 1/5 g. 5 par. 3]
24. Hnei Eli me Saulo hna tria ekö; hnei Eli hna ․․․․․․․․ la itre trepene meköti Akötresie, nge hnei Saulo hna ․․․․․․․․ . [si g. 58 par. 27]
25. Kola amamane hnene la ceitune ne la ate Samaria laka, ame la ate ka nyipici me meköt, ke, thaa ene kö la atr ka xötrethenge hmekuje la itre ․․․․․․․․ i Akötresie, ngo ka melëne fe la itre ․․․․․․․․ i Nyidrë. (Luka 10:29-37) [w98 1/7 g. 31 par. 2]
Agöne pi la itre mekune ka nyipici:
26. Hna öhne la thiina i Iehova ka sisitria, ene la (inamacan; mus; ihnim) thene la atre Moaba, ene (Rutha; Naomi; Orepa), ketre atre thili koi (Baala; Kemosa; Dagona) ekö a ujë hë kowe la nyipi hmi, nyidroti fe la ketre e angatre itre xötrapane i Iesu Keriso. (Mat. 1:3, 5, 16) [si g. 51 par. 1]
27. Hna nyipune la musi angetre amekötine hune la nöje Isaraela, ngöne lo kola sië (Samuela; Davita; Saulo) troa joxu, nge thupene lo kola ngaa angetre (Amona; Moaba; Filisiti) hnene la ixatua i Iehova. (1 Sam. 11:6, 11) [Wiike ne e Tusi Hmitrötr; wange ju la w95 15/12 g. 9 par. 3–g. 10 par. 1.]
28. Hnei (Paulo aposetolo; keme i Timoteo; thine me qaaqa Timoteo) hna hamëne koi angeice la ini ka sisitria qa hnine “la ite hna cinyihane ka hmitöt” matre tro fe angeice a mesinare ka lolo, me atre thup. (2 Tim. 3:14, 15; Fil. 2:19-22) [w98 15/5 g. 8 par. 3–g. 9 par. 5]
29. Tro la tulu i (Davita; Samuela; Ionathana) laka hna canga huliwa i Akötresie nge co petre kö, a xatuane la itre thöthi tro fe angatre a hane xome la huliwa ne cainöje enehila, nge ketre nyine ixatua fe kowe la itre qatre ngöne la kola ipië trootro, la aqane lapa xome angeice la huliwa uti hë la pun. [si g. 58 par. 30]
30. Hna cinyihane la tusi Samuela qaane la macatre (1077 koi 1040; 1077 koi 1037; 1070 koi 1040) M.P.K. [si g. 60 par. 3]
Iacasinekeune jë la itre mekune ka ihmeku memine la itre mekene tus:
A. ame. 11:30, 31; 1 Sam. 15:22; 30:24, 25; 2 Ite jo. 6:15-17; Iako. 5:11
31. Iehova a anyipicine koi së laka, tro Nyidrëti a nyijëne la itre isi Nyidrë qaa koho hnengödrai troa cilëgöline la nöje i Nyidrë thenge la aja i Nyidrë. [w98 15/4 g. 29 par. 5]
32. Nyipi ewekë troa metrötrëne hnene la itre qatre thupe ne la ekalesia la itre mekune hnei angatre hna ce axeciën, ngacama troa akötr, me hace troa thue itre ej. [w99 15/9 g. 10 par. 3-4]
33. Troa atraqatre la manathithi qaathei Iehova Akötresie, e hna cile catre kowe la itre itupath. [w98 1/5 g. 31 par. 4]
34. Ame la troa hnimi Akötresie cememine la hni ka nyipici, ke, ene la troa trongëne la itre hna amekötine hnei Nyidrë, ngo thaa ene kö la troa kuca la itre huje ka nyimutre koi Nyidrë. [Wiike ne e Tusi Hmitrötr; wange ju la w96 15/6 g. 5 par. 1.]
35. Iehova a amamane la etrune la madrine i Nyidrë kowe la itre hlue i Nyidrë, angetre catre sajuëne la organizasio i Nyidrë enehila. [Wiike ne e Tusi Hmitrötr; wange ju la w86 1/9 g. 28 par. 4.]