“Tha Gufa Kö La Huliwa i Nyipunie”
1 Drei la ketre ithuecatre ka tru! Thaa ka gufa kö la huliwa hne së hna kuca koi Iehova. (1 Kor. 15:58) Pane mekune ju së la aqane huliwa meci ne la itre atr ka thele troa hlemu, me isine troa traqa kowe la itre göhnë ka tru, maine thele manie pena. Angatre a melëne la itre macatre ka nyimutre ne sisedrëne la itre hna ini ka tru, nge ame fe göi aqane thele mo, sasaithe menune hë la tulu. Ngo pine laka, “ame la ijine memine la ewekë ka xulu, te kola traqa,” ene pe thaa eatrëne ju kö lo itre mekune hna thele troa traqa kow, nge maine jë thaa ijije ju kö troa kapa lo itre mo hna meciun. Kösë kola “xeni la eny,” gufa kö la trenge catre i angatr. (Ate Cai. 1:14; 9:11) Drei la enyipi ewekëne la tro sa catre xome lo huliwa ka tru alameken, pine laka, ka cile huti la itre eloine ej!
2 Huliwa Ka Sisitria Catr: Ame la huliwa ka sisitria catre enehila e celë fen, ke ene la troa cainöjëne la maca ka loi ne la Baselaia i Akötresie. Celë hi huliwa hna troa kuca, ngacama troa kapa maine thaa tro pena kö a kapa pena hnene la itre atr. Hetre ajane së troa qaja tui Paulo, ka hape: “Gufa kö ni ene la madra ne la nöjei atr asë. Ke pëkö hnenge hna juetëne la nöjei hna mekuatin’ asë hnei Akötesie.”—Ite Huliwa 20:26, 27.
3 Drei kö la madrine së, ngöne la kola drenge hnene la itre atr, me kapa la maca ne baselaia! Celë ewekë lai ka traqa kowe la ketre föe hmae, thupene la hna meci la tresi nyiidro. Kola thele troa atre la pengöi eahlo—hnengödrai jë hë maine hnine ifereno pena ha? Haawe, hnei eahlo hna sipo ixatua koi Akötresie jëne la thith, me hëne la ëje i Iehova tune la aqane upi eahlo troa kuca, hnene la trejine me eahlo. Qane ju hi lai hane ju fe hi eahlo inine la Tusi Hmitrötr, me sine la itre icasikeu. Saze pi hi la aqane mele i eahlo, nge nuetrije pi hi eahlo lo itronge i itre thöth ka majemine caa lapa troa kuci ngazo. Pë hë ufi sixa, me xomi dorog, me atrekënö. Öni eahlo ka hape: “Hnene hmekuje hi la ihniminge koi Iehova hna aijijë ni troa nuetrije la aqane melenge ekö ka ngazo. Maine paatre ju Iehova memine la etrune la ihnimi Nyidrë, thatreine jë kö tro ni a hane mejiune kowe la mele ka thaa ase palua kö.” Thaa itre ewekë ka gufa hmaca kö la itre hnei eahlo hna thele ngöne la mel.
4 Qa ngöne lai, maine thaa ajane kö la itre atr troa drenge la maca ka loi, ngo troa hetre thangane catre pala hi la hnei nyipunieti hna kuca. Atre hi angatre laka, hna wai angatre hë hnene la Itretre Anyipici Iehova. Mama hnyawa ha thei nyipunie la thiina ka loi, me aqane mele nyipici, me ihnimi nyipunie. Haawe, eje kö laka troa gufa la huliwa i nyipunie koi Joxu? Ohea, thatreine jë kö troa gufa!