Itre Hna Amekötiin

◼ Itusi nyine troa tro fë e treu Maac: Atrehmekune Ka Eatrongë Nyipunie Kowe La Mele Ka Pë Pun. Troa thele troa etid memine la itre atr. Eiperem me Mei: Troa tro fë la itre zonale La Tour de Garde me Réveillez-vous ! matre troa abone la itre atr. Troa hamëne la boroshür, Nemene La Hnei Akötresieti Hna Thele The Së? kowe la itre atr ka ajan, nge troa etid me angatr. Juun: Nemene La Hnei Akötresieti Hna Thele The Së? Loi e troa hetrenyi la ajane the së troa nyiqaane inine la Tusi Hmitrötre kowe la itre atr.

◼ Ame koi itre trejine ka ajane troa pionie ka ixatua, e eiperem me mei, loi e tro angatre a hnëkë enehila me canga nyialiene la itre pepa ne sipo. Kola troa aijijëne la itre qatre thupe troa hnëkëne la itre nyine kuca göi cainöje trootro, nge matre troa canga wange la etrune la itre zonale me itus nyine troa sipon. Loi e troa thuemacane kowe la ekalesia, ngöne la nöjei treu la ëje ne la itre trejine ka pionie ka ixatua.

◼ Eje e hnine la Huliwa Ne Baselaia celë la porogarame göi Ini Tus, Prêtons attention à la prophétie de Daniel ! Fejane ju ej, me amë e hnine la itusi epun, matre troa lapa goeëne la itre mekene nyine troa ini tusi ngön.

◼ Loi e troa goeëne e treu Maaci drai 1 maine itre hnepe drai pena thupene lai, hnene la atre thupe perezida maine ketre trejine pena hnei nyidrë hna iën, lo hna ithingë hnei ekalesia. E ase hë kuca lai, thuemacane ju la ekalesia.

◼ Troa atrune la Drai ne Amekunën e drai ka co 19 eiperem 2000. Maine hetre itre icasikeu ne la ekalesia i epuni ngöne la ijine cili, haawe, loi e troa uthe itre eje kowe la ketre ijine pena ha. Maine thaa ijije pena kö, pine laka ijine icasikeu ne huliwa , haawe, tro pë hë a ce wange la itre götrane ka ijije kowe la ekalesia i epun, ngöne la ketre ijine icasikeu ne huliwa.

◼ Ijije hë tro la itre ekalesia a nyiqaane sipone enehila la CDROM La Tour de Garde Edition—1999. Atreine hi troa xome la CDROM celë, ngöne la naene lao qene hlapa, ene la qene Danemark, Hollande, Papale, Faras, Alema, Italie, Zapo (Sipone jë la qene Zapo, ngöne Windows), Portugal, me Sepania. Tro la itre ekalesia a nyiqaane komaad, ngo loi e troa mekune hnyawa laka, itre komaad hna troa kuca jëne la pepa ne sipo ka ketre pengöne kö.

◼ Itre Itusi Hna Xötrei Kapa:

CDROM La Tour de Garde, Index 1999—Qene Papale

◼ Itre Kaset:

Atrehmekune Ka Eatrongë Nyipunie Kowe La Mele Ka Pë Pun (Faifi lao kaset hnine album)—Qene Faras