Itre Hna Amekötiin

◼ Itusi nyine tro fë e treu Diseba: Atrehmekune Ka Eatrongë Nyipunie Kowe La Mele Ka Pë Pun, memine la Tusi Hmitrötr, Traduction du monde nouveau koi 750 F. Januare: Itre itus ka 192 lao götran, a ka hetrenyi kö nge hna xeene ngöne la ekalesia; 150 F la thupen. Troa ce hamëne memine la itre itus, Jëne Madrine Kowe la Fami me Atrehmekune ka eatrongë nyipunie kowe la mele ka pë pun. Febuare: Jëne Madrine Kowe La Fami koi 150 F. Maac: Atrehmekune Ka Eatrongë Nyipunie Kowe La Mele Ka Pë pun koi 150 F. Catre pi së troa nyiqaane inine la Tusi Hmitrötre kowe la itre atr.

◼ Loi e tro la itre ekalesia a nyiqaane komadëne la itre zonale hna iacasinekeun, La Tour de Garde me Réveillez-vous! ne macatre 1998 cememine fe la itre itusi hna ajane göi diseba. Troa kapa la itre zonale hna iacasinekeune qene Papale me qene Faras. Maine atreine troa kapa la itre zonale hna iacasinekeun, nge hna kuca hë la itre komaad, ngo troa mama ngöne la pepa ne iupifë ne la ekalesia ka hape, “En attente.” Nyine troa komadëne la itre zonale hna iacasinekeun.

◼ Loi e tro la atre thupe perezida maine ketre trejine pena hnei angeice hna iën, a wange e diseba drai 1 maine itre drai ju kö thupen, la hna ithingë hnei ekalesia. Thuemacane jë la ekalesia e ase hë kuca lai.

◼ Ame ngöne la macatre 1999, troa atrune la Drai ne Amekunëne ngöne la drai kaco, 1 eiperem, thupene la hna lö la jö. Ame ngöne la macatre 2 000, troa atrune la Drai ne Amekunëne e drai hna acian (drai ange dic), 19 eiperem, thupene la hna lö la jö. Loi e troa ce axeciëne hnene la itre qatre thupe memine la itre hene mus matre thaa tro kö a hetre itre xaa huliwa hna kuca ngöne la itre uma cili, ngöne la ijine kola troa atrune la Drai ne Amekunën, ngo troa tingetinge me lolo la aqane troa nyitrepene ej. Qa ngöne la enyipiewekëne la drai cili, haawe, loi e troa iëne hnene la Collège ne la itre qatre thup, la caasi ngöne la itre qatre thupe ka maca troa cile fë cainöj, ngo thaa tro kö a xome pala hi la trejine ka caas ngöne la nöjei macatre. Ngo maine hetrenyi la ketre qatre thupe hna iën, nge ka maca troa cile fë cainöj, haawe, ma loi e tro nyidrëti a kuca la cainöj.

◼ Thaa ceitune kö la boroshür, The Guidance of God—Our Way to Paradise (Gojenyi Akötresie​—⁠Jëne tro kowe la Paradraiso) memine lo itre xan, ngöne laka, hna hnëkëne hi eje thatraqane la itre Mizilima ka mele ngöne la itre götran, ijije tro angatre a hane inine la Tusi Hmitrötr. Hna ujëne la boroshüre cili kowe la nyimu qene hlapa, 20 nge hetre munën. Ngo tro hi a pane sipone jëne la ekalesia la boroshüre qene Papale. Tro pë hë a ithuemacanyine göi ijine troa kapa la boroshüre cili ngöne la itre xaa qene hlapa.

◼ Lolo catre la treu januare kowe la itre trejine ka mekune troa pionie ka ixatua, pine laka, faifi lao mecixeni me sabathi ngöne la treu cili.

◼ Itre itusi hna xötrei kapa:

Qaane e treu Januare-Maac 1999, kola troa nyiqaane fejane la zonal, Réveillez-vous qene Vietnamien; troa kapa thupene la isa köni treu.