Loi e Troa Tro Fë La Traduction du Monde Nouveau
1 “Sisitria catre troa hetrenyi the së la Tusi Hmitrötr, hna hape, Traduction du monde nouveau. Hetre mene ne ej, nge kola upe la itre atr ka e eje troa thele mekune me thele ini ngön. Thaa huliwane kö la itre ka icilekeu, ngo wene ne la itre ka ini ka atrunyi Akötresie memine la Wesi Ula i Nyidrë.” Celë hi itre hna qaja hnene la itre ka qeje mekune qene Heberu me qene Heleni. Easë a kapa la itre mekune cili. Haawe, nemene la aqane tro së a xatuane la itre xaa atr, troa hane kapa hnyawa fe la Traduction du monde nouveau, ngöne la easë a troa tro fë trongëne eje e treu diseba cememine la itus, Atrehmekune?
2 Maine jë tro la itre xaa atr a sa ka hape, “Hetre Tusi Hmitrötre i eni hë. Thaa ajange kö troa xome hmaca la ketre.” Ame la jole ka tru, ke ene la troa xatua angatre troa öhne ka hape, thaa ketre Tusi Hmitrötre kö la Traduction du monde nouveau. Ngo hna ujëne ngöne la itre qene hlapa ne la hnedrai së, nge kola fejane me xötrethenge hnyawa lo itre mekun, tune lo aqane cinyihane ekö ngöne la qaan. Kola mama hnyawa la esisitriane la hna ujë tusi ka hnyipixe, ngöne la easë a goeëne la hnaewekë hna hape, “nöj” (Tusi Hmitöt qene Dehu) hna ujëne pena ha ngöne (Traduction du monde nouveau), ka hape, “fen” ngöne Salamo 37:11.
3 Ngo xalaithe hi la itre atr ka e la Tusi Hmitrötr, nge ketre thaa ala nyimu kö la angetre trotrohnine la itre trepene meköti e hnin, ka troa eatrongëne la mele i angatre ngöne la nöjei drai. Nyipi ewekë koi angatre troa atre laka, tro la Wesi Ula i Akötresieti a hetre thangane ka loi kowe la mele i angatr, nge maine tro angatre a xötrethenge la itre eamo ne ej, göi mele nyipici, me thiina ka loi, me hnine la hnepe lapa, haawe, tro ha xatua angatre troa cile kowe la itre jole ne la hneijine së. Tune ka la aqane troa eatrëne la mekune cili?
4 Hanawange La Ketre Aqane Nyiqaane Ithahnata: “Hapeu, nyipi ewekë kö tro sa hetrenyi la ketre ewekë nyine troa eatrongëne la mele së, ngöne la easë a goeëne enehila la aqane saze nyimenyimene la itre thiina ka loi kowe la ngazo, ketre tune mina fe la aqane hnenhegazone la itre atr la pengöne elanyi la mel? [Nue pi troa sa.] Maine nyipici laka, ka hekö catre hë la Tusi Hmitrötr, nge hetrenyi kö enehila la itre itusi hna xötrei kuca, ngo sisitria kö ej, pine laka, eje a hamëne la itre ixatua thatraqane la mele ngöne la hnedrai së, me kowe la hnepe lapa matre troa mele madrin.” Thupene lai, fe jë la itus Atrehmekune kowe la mekene 2, nge e jë la paragarafe 10 memine la pane xötre hnëewekë ne la paragarafe 11, memine fe la 2 Timoteo 3:16, 17. Maine kola drei së hnene lai atr, hamëne ju la itus, Atrehmekune, qeje pengöne jë la aqane trongene la etid, nge hamëne ju fe la Traduction du monde nouveau. Maine epuni a mekune ka hape, ma loi e troa pane nyiqaane la etid ngöne la boroshüre Thele, thaa ka ngazo kö. Tro epuni a öhne la eloine e troa hane xome la itre xaa aqane nyiqaane ithahnata ka eje ngöne la itre götrane 9-15 ne la itus, Comment raisonner.
5 Loi e tro së a amamane pala hi la madrine së kowe la tusi ka sisitria celë, ene la Traduction du monde nouveau. Troa mama ngöne la aqane catre tro fë së e treu diseba.