Revisio Ne Lo Ini Ne Cainöj
Thaa tro kö a fe la itre itusi hna huliwane göne lo ini ne cainöje ngöne la reinio ne lo wiike ne drai 4 Mei uti hë lo 24 Ogas, 1998. Ngöne la ketre dröne pepa, ke, amë ju la itre hnei epuni hna atreine troa sa, ngöne la traeme hna amekötin.
[Thuemacany: Tusi Hmitrötre hmekuje hi la nyine troa goeëne me huliwan. Hna cinyihane la itre nyine troa wange thupene la itre hnyinge matre hmaloi la huliwa së isa ala caas. Ame göi La Tour de Garde, ke, thaa hna pune amë asë kö la itre götran, ketre tune fe la itre paragaraf.]
Troa sa la itre hnyinge hnei nyipici maine thoi:
1. Tune la hna qaja hnei Tusi Hmitrötr, akönia vizitëne Paulo la ekalesia ne Korinito. [si g. 202 par. 3]
2. Qëmekene troa xome la bapataiso, nyipi ewekë tro së a pane kapa e kuhu itre hni së, la atrehmekune i Akötresie me Iesu Keriso. [kl g. 173 par. 7]
3. Ame la mekune ka mama qa ngöne la efeso 5:13, ke, ame ngöne la kola goeëne jëne la lai ne la wesi ula i Akötresie, haawe, mama hnyawa pi hi la itre huliwa ka ngazo hna majemine kuca hnene la atr, nge kola wangatrehmekune ka hape, ka ngazo catre itre ej. [Wiike ne e Tusi Hmitrötr; wange ju la ad g. 941 par. 4.]
4. Atreine hi tro së a hetrenyi la mel, e hne së hna nyihluei Iehova Akötresie. [kl g. 182 par. 4]
5. Kola wathebone ngöne Galatia 5:26 la nöjei elo asë, me itre nyine madrine hna pi hune fë, kowe la itre nyipi keresiano. [Wiike ne e Tusi Hmitrötr; wange ju la g95 8/12 g. 15 par. 8.]
6. Maine nyipici laka, hetre trengecatre thei Iosefa arimatea troa sipone la ngönetrei i Iesu matre troa keleme ej, ngo hnei angeice hna pane lepe trije la xou thei angeic, ene la xoue ne la itretre Iudra ka thaa lapaune kö. [ad g. 849 par. 7]
7. Hna cinyihane la tusi koi angetre filipi hnei Paulo, itre hnepe treu thupene la hna acile la ekalesia ne filipi; hnei angeice hna cinyihane la tusi cili, pine laka, hna ketri angatre hnene la itre jole ka tru. [si g. 211 par. 3]
8. Tune la hna cinyihane ngöne 1 Timoteo 3:16, kola qeje Iesu, laka, “hna qaja amekötine hnene la ua,” ngöne laka, hna amele nyidrëti hmaca kowe la mele ngöne la götrane la ua; haawe, Akötresieti hi la a qaja ka hape, meköti nge ijije tro Iesu a cilëne la itre götraneqa ka draië catr. [Wiike ne e Tusi Hmitrötr; wange ju la w90 15/1 g. 13 par. 12.]
9. Ame la hnaewekë hna hape “tro” ngöne la filipi 1:23, ke kola qaja la aja ka eje thei Paulo troa canga ce me Iesu thupene la hna meci hnei angeic. [Wiike ne e Tusi Hmitrötr; wange ju la w95 1/3 g. 30 par. 4.]
10. Hnei Paulo hna nyiqaane cinyihane la tusi angeice koi Timoteo ngöne lo kola nue angeice qa ngöne la hna xötrei akalabusi angeice e Roma, nge hna afenesine pë hë ngöne la hna tixenuëne akalabusi angeice ngöne la traone cili. [si g. 220 par. 2]
Sa jë la itre hnyinge celë:
11. Nemene la aqane xome menune hnene la itretre koinito la itre areto, nge thaa “ijije” pe, ngöne la angatre a icasikeu troa atrune la Drai ne Amekunëne la ijine meci Keriso? (1 Kor. 11:27) [Wiike ne e Tusi Hmitrötr; wange ju la w90 15/2 g. 19 par. 17.]
12. Drei la angetre ajojezine la mele ne la ekalesia ne Korinito, matre upi Paulo jë troa cinyihane la hnaluene tusi nyidrë koi angetre Korinito? [si g. 202 par. 2]
13. Nemene la aqane tro Iehova a nyijune koi së la aqane hujëne së la mele së thatraqane la hmi i Nyidrë? [kl g. 169 par. 20]
14. Nemene la thangane la hna hë kowe la itre hna kootre ka tru, pine la itre ka ajolëne la nyipi hmi? [jv g. 683 par. 3]
15. Ame ngöne la Paulo a huliwane la wesi ula i Akötresie, nemene la aqane hamëne nyidrëti la ketre tulu ka lolo kowe la itre Keresiano ne la hneijine së? [si g. 204 par. 19]
16. Nemene la mekune i Paulo aposetolo ngöne la nyidrëti a qaja ka hape, ame la wathebo, ke, hna “xome nyine xane lai qa ngöne la ite hna shashaith”? (Gal. 3:19) [Wiike ne e Tusi Hmitrötr; wange ju la uw g. 147 par. 3-4.]
17. Ame ngöne filipi 1:3-7, Nemene la itre kepine matre Paulo a qaja aloine la itre trejin, nge nemene la aqane tro së a hane kepe thangane la tulu hnei angatre hna amë pe koi së? [si g. 212 par. 12]
18. Pine nemene matre, loi e tro la itre hlue Keresiano a xötrethenge la eamo hna hamëne ngöne Kolose 4:6? [si g. 214 par. 13]
19. Nemene la mekune i Paulo aposetolo, ngöne la angeice a qaja ka hape, loi e tro la itre föe a “thaipine . . . la qahmihmi”? (1 Tim. 2:9) [Wiike ne e Tusi Hmitrötr; wange ju la g90 22/6 g. 19 par. 2.]
20. Pine nemene matre, loi e troa wangatrune hnene la itre Keresiano la itre ihaji hna hamëne hnei Paulo ngöne 1 Timoteo 6:4 göne la aqane “iwatratra ne la nöjei tenge ewekë”? [si g. 222 par. 15]
Nyialiene jë la itre götrane hna amë pe:
21. Hna sija ngöne la macatre ․․․․․․․․ la pepa nyine hatrene la mekune ka caas thei ․․․․․․․․ me Nazi ne Alema, nge hnei Hitler hna iupi troa apatrene la ․․․․․․․․ e Alema. [jv g. 659 par. 2]
22. Nyipi ewekë catre la pane tusi Paulo koi angetre Korinito, pine laka, eje a xatua së troa trotrohnine hnyawa la ․․․․․․․․ a hna lapaa xome fe troa ce ithahnatan. [si g. 201 par. 23]
23. Ame ngöne la tusi Paulo koi angetre galatia, hnei angeice hna anyipicine ka hape, hna jele meköti së hnene la ․․․․․․․․ jëne Iesu, ngo thaa qa ngöne kö la itre huliwa ne la ․․․․․․․․ qa ngöne lai, thaa nyipi ewekë hmaca kö la ․․․․․․․․ kowe la itre Keresiano. [si g. 205 par. 6]
24. Ame ngöne la pane tusi Paulo koi angetre thesalonika, a foa lao qaja angeice la ․․․․․․․․ i Iesu Keriso, maine jë hnene la aja ka eje thene la ekalesia troa drenge la ini cili. [si g. 217 par. 15]
25. Hna cinyihane hnei ․․․․․․․․ la hnaluene tusi angeice koi angetre Thesalonika, nge angeice e ․․․․․․․․ ngöne la macatre ․․․․․․․․ [si g. 218 par. 4]
Agöne pi la itre mekune ka nyipici:
26. Ame la Paulo a qaja ka hape meköti tro angeice a mele jëne la huliwa ne cainöj, angeice lai a e la hna qaja ngöne (Talmud; Mishnah; Wathebo i Mose), ka amekötine ka hape, thaa tro kö a hnöthe la qe ne la itre öni hna huliwan, nge tune mina fe la itre (Levi; Nethini; lapa ne la itretre huje i Arona) ka huliwa hnine la ēnē, laka, hetre hnei angatre fe hna kapa qa ngöne la ita ne huj. [si g. 201 par. 24]
27. Ame ngöne la tusi Paulo koi angetre galatia, angeice a qaja la föe i Iehova ngöne Isaia 54:1-6, laka, celë hi (Ierusalema ne e celë fen; Ierusalema ne hnengödrai; Ierusalema ka hnyipixe). (Gal. 4:21-26) [si g. 207 par. 16]
28. Ame la hnaewekë ngöne efeso 1:10, hna hape, “hna hnëkën” ke, kolo lai a qaja la (Baselaia ne la Mesia; koleji sataral; aqane elemekene Akötresie la itre ewekë ne la uma i Nyidrë). [si g. 208 par. 8]
29. Atreine hi troa atrehmekune la “ate ne la ngazo” hna qaja ngöne 2 Thesalonika 2:3, kola qaja la (itre ka uti kowe la hmi Iudra; itre hene hmi ne chrétienté; Babulona atraqatr). [Wiike ne e Tusi Hmitrötr; wange ju la w90 15/1 g. 18 par. 11.]
30. Maine luelue catre epuni troa faipoipo memine la atr hnei epuni hna iöhnyi hë memin, haawe, loi e tro epuni a (nue la ihnim, memine la aja i epuni troa faipoipo, troa thahe la ewekë hnei epuni hna lueluën; hmaca me qeje fenesi troa iöhny; thunge la lue meke i epuni ngöne la itre ngazo ka tru, me mekune troa senge pë hë la itre jole cili thupene la hna faipoipo). [fy g. 24 par. 19]
Iacaasinekeune jë la itre mekune ka ihmeku memine la itre mekene tus:
Num. 16:3; 1 Kor. 10:11, 12; 2 Kor. 4:7; 2 Kor. 8:14; Iuda 1
31. Maine tro la ketre atr a amë panëne ngöne la mele i angeice la huliwa ne cainöje ne la Keresiano, eje hi laka, tro angeice a kapa la mene qa thei Akötresie. [Wiike ne e Tusi Hmitrötr; wange ju la w90 1/3 g. 29 par. 5.]
32. Loi e tro së a hmekëne la ewekë ka traqa koi angetre Isaraela ngöne lo kola eatrongë angatre hnei Mose, nge thaa loi kö e tro së a ketre thele inamacan. [si g. 201 par. 23]
33. Ame la itre ahnahna hna hamëne hnene la itre Keresiano, ke, nyine ixatua kowe lo itre ka pë ewekë, nge kolo mina fe a hamë madrine me ithuecatre hnene la itre trejine celë kowe lai itre trejine ka ham. [Wiike ne e Tusi Hmitrötr; wange ju la w93 15/12 g. 21 par. 20.]
34. Loi e tro la itre hlue i Iehova a hetrenyi la ajane troa xome la aqane ujë ka ihnim, me ce huliwa; Kola angazone la aqane ce mele së hnene la itre ka nyihneulil. [ad g. 330 par. 9]
35. Loi e tro së a thupën, matre thaa tro kö së a thele loi qa thene pena ha la ketre sine la lapa së. [ad g. 870 par. 9]