Revisio Ne Lo Ini Ne Cainöj
Thaa tro kö a fe la itre itusi hna huliwane göne lo ini ne cainöje ngöne la reinio ne lo wiike ne drai 5 Januare uti hë lo 20 Eiperem, 1998. Ngöne la ketre dröne pepa, ke, amë ju la itre hnei epuni hna atreine troa sa, ngöne la traeme hna amekötin.
[Thuemacany: Tusi Hmitrötre hmekuje hi la nyine troa goeëne me huliwan. Hna cinyihane la itre nyine troa wange thupene la itre hnyinge matre hmaloi la huliwa së isa ala caas. Ame göi La Tour de Garde, ke, thaa hna pune amë asë kö la itre götran, ketre tune fe la itre paragaraf.]
Troa sa la itre hnyinge hnei nyipici maine thoi:
1. Ame la trenge ewekë hna hamëne ngöne Ite Huliwa 15:29, hna hape, “Epinë hë”, ke, kolo lai a qaja ka hape, ‘loi hë së, e hne së hna iananyi memine la madra me kuci ngazo.’ [Wiike ne e Tusi Hmitrötr; wange ju la w91 6/15 g. 9 par. 7 ith. e cahu fen]
2. Hnene laka, Paulo a hnehengazone catrëne la mele ne la itre keresiano ne korinito, haawe, nyidrëti a cinyihane ju la pane tusi nyidrë koi angatr, ngöne lo nyidrë a nyi hnaaluene trongene la huliwa ne mesinare. [si g. 211 par. 3]
3. Ngacama hnei Iehosafata hna amamane ka hape, nyidrëti la ketre joxu ka lapaune koi Iehova, ngo pëkö inamacane i nyidrë, ke kolo hmaca pena ha a nyi sine xöle me Ahaba. [ad-g. 843 par. 11]
4. Ame la hnaewekë hna hape “simony,” hna xome qa ngöne la ketre ewekë hna cinyihane ngöne Ite huliwa 8:9-24, kola qaja la kuci haze. [Wiike ne e Tusi Hmitrötr; wange ju la w90 6/1 g. 17 par. 8.]
5. Ame la “ijön” ngöne Roma 8:6, 7, ke kola qaja la mele së itre atr ka ngazo, laka, eje hë the së la itre thiina ka ngazo. [Wiike ne e Tusi Hmitrötr; wange ju la w91 3/1 g. 21 par. 4.]
6. Ame ngöne Efeso 5:33, kola qaja ka hape, loi e tro la föe a metrötrëne la fö i nyidro; thaa kolo kö lai a hape, thaa tro hë nyidroti a hane fe la itre mekune i nyidro, ngo hetre nyine tro pe a hane qaja. [kl g. 144 par. 12-13]
7. Hnei Iethero, atre huje ne Midiana, hna upi Mose troa hane ce thawa me itre xane la musi ka eje thei angeic. [ad-g. 820 par. 8]
8. Thaa hna canga trotrohnine hnyawa kö hnene la itre aposetolo la mekuana i Akötresie, ene laka, kola hane sine hnene la itre wanaithihlë la ekalesia, uti hë la öhne angatre laka, kola eatrëne hnyawa la itre hna perofetane hë ekö; haawe, kola atrehmekune hnyawa hnene la itre Temoë i Iehova laka, nyimutre la itre ewekë ka saze ngöne la aqane trotrohnine la itre xaa ewekë, pine laka, hnei Akötresieti hna amamane trongëne la lai. [jv g. 629 par. 4-5]
9. Ngöne Ite Huliwa 20:20, ame la xötre hnaewekë hna hape “kete uma me kete uma” ke, kola qaja hmekuje la iwai ne la itre qatre thupe ngöne la itre hnalapa ne la itre atr ka lapaun; atreine troa mekune tune lai, pine laka, nyimutre la itre mekune ka amamane ka hape, hnei Paulo hna ithahnata kowe la itre qatre ne la ekalesia. [Wiike ne e Tusi Hmitrötr; wange ju la w91 1/15 g. 11 par. 5.]
10. Maine tro së a kuca matre hmala la itre hni së troa ajane la itre ewekë ne la ua, me sipone la uati hmitrötre i Akötresie, matre troa xatua së troa traqa kowe lai, haawe, tro hë së a atreine neëne troa “hnine la ngönetrei.” (Rom. 8:6, 7) [Wiike ne e Tusi Hmitrötr; wange ju la w91 3/1 g. 21 par. 5.]
Sa jë la itre hnyinge celë:
11. Nemene la hna qaja ngöne la Ite Huliwa, ka amamane ka hape, maine easë a ajane troa hetrenyi la nyipi atrehmekune ka troa ee së ngöne la gojenyi ne tro kowe la mel, ke, thaa hnene hmekuje kö la troa hetrenyi ju hi la Tusi Hmitrötr, me troa isa e ej? [Wiike ne e Tusi Hmitrötr; wange ju la w91 9/1 g. 19 par. 16.]
12. Nemene la mekune hna amamane hnei Paulo ngöne la nyidrëti a cinyihane ka hape: “ame la ite musi enehila, te, hna acile hnei Akötesie”? (Rom. 13:1) [kl g. 131 par. 7]
13. Ame ngöne Ite Huliwa 11:26, kola xome hnene la Traduction du monde nouveau, la xötre hnaewekë hna hape, “hna xötrei ati ëjen’e Anetioka la angete deng, [hnene la Akötresie ka pucatine asë NW] ka hape, ite Keresiano;” pine nemene matre paatre fe kö la mekune cili hna hape, “hnene la Akötresie ka pucatine asë”, ngöne la itre xaa Tusi Hmitrötr? [Wiike ne e Tusi Hmitrötr; wange ju la w90 6/1 g. 19 par. 19.]
14. Nemene la ewekë hna mejiune kowe hnene la itre Temoë i Iehova, ka upi angatre troa itretre cainöje me itretre tro fë la Tusi Hmitrötr? [jv g. 603 par. 3]
15. Nemene pengöne ini tusi hna isa xatua së troa xom, ngöne Ite Huliwa 17:11? [si g. 193 par. 38]
16. Nemene la hnei Paulo hna qaja mekötine hnine la tusi nyidrë kowe la itre keresiano ne Roma, göi angetre Iudra me koi itre atr ne la itre xaa nöje kö? [si g. 194 par. 2]
17. Tune la mekune ka eje ngöne Roma 12:2, nemene la aqane saze la thiina ne la itre keresiano, hnene la mene ne la wesi ula i Akötresie, ? [Wiike ne e Tusi Hmitrötr; wange ju la w90 4/1 g. 16 par. 3.]
18. Nemene la “ewekë ka sihngöd” hna qaja hnei Paulo ngöne Roma 11:25? [Wiike ne e Tusi Hmitrötr; wange ju la w83 8/15 g. 16 par. 16.]
19. Pine nemene matre hna amekötine hnene la ekalesia i keresiano troa helëne la ate kuca la ngazo e thaa ka ietra kö? (1 Kor. 5:11, 13) [Wiike ne e Tusi Hmitrötr; wange ju la g96 9/8 g. 27 par. 2-3.]
20. Tune ka la aqane troa xawane la itre wanalepe ka mele hune la he ne la ithupëjia, matre troa ngane la ngazo? (Rom. 12:20, 21) [Wiike ne e Tusi Hmitrötr; wange ju la g86 1/22 g. 6 par. 5.]
Nyialiene jë la itre götrane hna amë pe:
21. Hnei Filipo hna qeje pengöne kowe la eunuka ne Aithiope, la aqane eatre la hna perofetane ngöne atrehmekune hë la ixatua hna hamëne koi angeic, ene pe sipone ju hi angeice cememine la metrötr, troa Xome la ․․․․․․․․ (Ite Huliwa 8:28-35) [si g. 192 par. 33]
22. Ame ngöne la kola ce ithahnatane la ․․․․․․․․ hnei Iakobo hna acatrene la mekune i nyidrë, me qaja ka hape: “Nge casi hi lai memine la tenge ewekë i ange perofeta; tune lo hna cinyihan.” (Ite Huliwa 15:15-18) [Wiike ne e Tusi Hmitrötr; wange ju la si g. 192 par. 33.]
23. Hna eatre hui ․․․․․․․․ la hna perofetane hnei Isaia, göi “wane i Iese” laka, tro ha cile nyine “hatene kowe la ite nöj” nge tro la itre nöj’a “thele” nyidrë. (Isa. 11:10) [ad-g. 810 par. 6]
24. Kola aceitunëne hnei Paulo ngöne la tusi Roma, la itre tribu ne Isaraela memine la elaio, laka, ka fetra la 12 lao tribu ne isaraela, qa thei Aberahama jëne Isaka; ketre tune mina fe, ame la 12 lao tribu ne ․․․․․․․․ ke ka xulu qa thei ․․․․․․․․ jëne ․․․․․․․․ [Wiike ne e Tusi Hmitrötr; wange ju la w83 15/11 g. 16 par. 15.]
25. Hna amamane hnei Watch Tower Society ngöne la treu julai 1917, thupene la meci Russell, la itus ․․․․․․․․ itre mekune hna xome qa ngöne la tusi ․․․․․․․․ me ․․․․․․․․ me ․․․․․․․․ [jv g. 647 par. 2]
Agöne pi la itre mekune ka nyipici:
26. Ame ngöne la cainöje i nyidrë ngöne Ite huliwa mekene 17, Paulo a acile hnyawa la (musi cile; meköt; ihnim) ne la mele koi Akötresie. [Wiike ne e Tusi Hmitrötr; wange ju la si g. 193 par. 37.]
27. Hnei (Paulo; Peteru; Luka) hna qaja aloine la itre atr ne (Berea; Makedonia; Ierusalema), me qaja ka hape, “sisitria la thina ka loi angat.” (Ite Huliwa 17:11) [Wiike ne e Tusi Hmitrötr; wange ju la w95 5/1 g. 14 par. 3.]
28. Ame ngöne Roma 1:25, hetrenyi la hnaewekë hna hape, thoi maine trengathoi; kolo la a qaja la (kuci idrola; itre thiina ka sis; qeje trengathoi). [Wiike ne e Tusi Hmitrötr; wange ju la ad-g. 998 par. 1.]
29. Hetrenyi la ketre itupathi ka tru ka traqa koi C. T. Russell me itre sine huliwa i nyidrë, ngöne la macatre 1878; kola tupathe la lapaune me aqane mele nyipici angatre kowe la wesi ula i Akötresie. Hna isenyine pine la (pengöne la “hlue ka nyipici me ka inamacan”; esihngödrine la traqa i Iesu; esisitriane la aqane hujëne Iesu la ngönetrei nyidrë memine la madra). [jv g. 619 par. 3]
30. Hnei Paulo hna cinyihane la pane tusi nyidrë koi angetre korinito ngöne la nyidrëti e (Roma; Efeso; Korinito) macatre (52; 55; 56) M.K. [si g. 198 par. 3]
Iacaasinekeune jë la itre mekune ka ihmeku memine la itre mekene tus:
Sal. 73:28; Ite edomë 24:3; Isa. 65:13; Ite Huliwa 10:34, 35; 2 Kor. 12:7-9
31. Loi e tro së itre hlue i Iehova a xome la aqane wai ewekë i Nyidrë, ngöne la easë a ce mele memine la itre xaa atr ne la nöjei nöje asë. [Wiike ne e Tusi Hmitrötr; wange ju la w88 5/15 g. 16 par. 6.]
32. Ceitune la itre trepene meköti hna hamëne hnei Tusi Hmitrötr, memine la itre jiane huliwa ka aijijëne la ketre atr troa nyine trepene la mele ne la fami, matre hetrenyi la manathithi kowe la itre atren. [kl g. 140 par. 3]
33. Nyipi manathithi nge tingetinge la mekune ne la itre atr ka lapa qale koi Iehova. [kl g. 150 par. 3]
34. Hnei Iehova pala hi hna hamëne kowe la itre atr ka nyihluei Nyidrë, la göxeni ngöne la ua, hna jëne la ketre gurup. [kl g. 162 par. 6]
35. Maine hnei Iehova hna pane nango nue aqeane koi së la ketre itupathi ka tru, thaa hnene kö laka, Nyidrëti a drei simine la thithi së, caasi hi, atre hnyawa kö Nyidrëti la ijine troa eatrëne itre ej. [kl g. 156 par. 15]