Qeje Iehova Jë o Drai Asë
1 Hetre madrine ne la itre atr troa porotrikëne la itre ewekë hnei angatre hna piin, qa ngöne lai, kola ewekë la që qa kuhu hni ka tiqa. (Luka 6:45b) Nemene la ka sisitria kowe la hni së? Hna cinyihane hnei Davita ka hape: “Tro la sesepeneqeng’a ulatine la thina ka meköti cilie, memine la nyine atrunyi cilie o drai.” (Sal. 35:28) Atraqatre la ole i nyidrë koi Iehova, nge nyidrëti a trotrohnine hnyawa laka, ketre hnëqa ka sisitria catre la troa qeje Akötresie me atrunyi Nyidrë ngöne la nöjei ijin. Nyimutre catre la itre ewekë ka lolo hna kapa madrine hnene la atre cinyihane la salamo, pine laka, atre Iehova hnyawa hnei nyidrë. (Sal. 35:9) Nemene la aqane tro së a xötrethenge la tulu i nyidrë ka lolo?
2 Qeje Iehova Jë Ngöne La Hnalapa Së: Loi e qeje Iehova pala hi o drai hne së, e hnine la fami së. Maine tro la itre keme me thine a acatrene la ihnimi angatre koi Iehova, haawe, tro ha thaa jole koi angatre troa qeje Nyidrëti ngöne la nöjei huliwa asë hnei angatre hna kuca. (Deu. 6:5-7) Maine aqane ujë i angatre hi lai, haawe, tro hë la itre nekönatre a öhne laka, keme me thine a tro thenge la hnei angatre hna lapaune kow, nge nyidroti fe a hni kowe la trenge wathebo i Akötresie. Nge tro fe hë la itre nekönatre a öhne laka, ame la ini tusi ne la fami, ke, celë hi nyipi hatrene la ajane la keme me thine i angatr, troa nyihluei Akötresie.—2 Pet. 3:11.
3 Qeje Iehova Jë Kowe La Itre Trejine Ngöne La Lapaun: Ngöne la nöjei kola ini së hnei Akötresie, itre ijine lai ka nyimutre hna hnëkëne hnei Nyidrë matre troa akökötrene la itre mekune së me itre hni së jëne la xeni ne ua. Thatreine kö troa gufa la itre ewekë ka lolo nyine troa ithahnatan. (Luka 6:45a) Hapeu, hetrenyi kö la ketre mekune ka tru hnei epuni hna kapa me xome ngöne la epuni a inine la Tusi Hmitrötr, maine qa ngöne pena la itre mekene Tusi Hmitrötre hnei epuni hna e ngöne la nöjei wiik? Ce thawa ju la itre mekune cili memine la itre trejine me epun, matre xatua angatre troa hane akökötrene la ihnimi angatre koi Iehova.—Sal. 35:18; Heb. 10:24.
4 Qeje Iehova Jë Kowe La Itre Xaa Atr: Loi e troa mama hnyawa ngöne la nöjei drai, easë a iöhnyi memine la itre atr—ngöne hna huliwa, maine ngöne hna ini, maine ngöne la easë me itre xaa atrene la lapa së pena ka thaa ce thawa kö me easë la lapaune së—laka, ame la hne së hna thele ngöne la mele së, ke, ene la troa anyipici Iehova. Loi e tro së a ahmitrötrë Akötresie hnene la aqane ithahnata së, thaa tro kö a adrone hnene la itre trenge ewekë ka pëkö hni ne metrötre ngön, me itre trenge ka sis. O drai asë, me ngöne la nöjei ijin, catre pi së troa qaja kowe la itre xaa atr la maca ka loi ne la baselaia hna upi së hnei Nyidrëti troa cainöjëne trongën.—Ite Huliwa 5:42; Kol. 4:6.
5 Epi catre pala hi së itretre nyihluei Iehova ngöne la nyipici, troa xome la nöjei ijine asë, troa qaja la Akötresi së ka pucatine asë, ene Iehova.—Sal. 106:47.