Aqane Ujë Ne La Itre Keresiano Ngöne Hna Ini

¹ Maine epuni la ketre keresiano thöthi ka ini pala kö, ke, nyipi ewekë koi epuni troa catre ngöne la lapaune matre atreine tro epuni a lapa nyipici. Epuni a mele hnine la ilapanyine la itre thöthi ka ngazo thiina, nge hetrenyi la itre ewekë ngöne la hna ini ka troa tupathe la lapaune i epun. Qa ngöne lai, nyipi ewekë catre tro epuni a trongëne la eamo i Peteru, ene la troa “thiina ka loi qëmekene la nöjei ethen . . . loi e tro angat a atrunyi Akötesie ngöne la drai ne xöji e tro angat a goeëne la nöjei huliwa ka loi.” (1 Pet. 2:12) Nyipi ewekë tro epuni a catre me cile huti matre atreine tro epuni a cile kowe la itre jole hnei epuni hna troa qëmeke kow.

² E hnine maine e tröne la uma ne ini, ke, kola ajojezi epuni hnene la itre ethanyine la fen, ene la kuci ngazo qëmekene la troa faipoipo, me qeje ka sis, me ufi sixa, me ufi haö. Ngöne la nöjei drai, epuni a cile kowe la itre itupathe ka troa apuingazone la thiina ka loi ka eje thei epun. Tune la itre thupëtresij, nyipi ewekë tro fe epuni a hane “cat kowe la lapaun” maine epuni a ajane troa cile huti ngöne la itre itupathi celë.​—Juda 3; goeëne ju La Tour de Garde ne 15 julai, 1991, götrane 23-6.

³ Ame fe ngöne la itre uma ne ini, ke, kola iupi troa nyi hluene la nöje ene la troa atrune eje jëne nyima maine jëne itre xaa pengöne huliwa pena, ketre hetrenyi la itre feete a atrune hnei fen. Hapeu, atre kö epuni la itre drai me itre feete hna majemine wangatrune me hnëkëne ngöne la itre uma ne ini, matre atrune la nöje maine hmi pena? Maine upi epuni jë elanyi troa hane atrune la itre drai me itre feete cili, hapeu atreine kö epuni troa “hetenyi la mekuthethewe ka loi . . . mate hmahmaju angete jele ngazone la thina ka loi nyipunie”?​—1 Pet. 3:16.

⁴ Maine jë troa huli epuni hnene la itre elo matre fetra pi hi la itre xaa aja ka ngazo ngöne la itre hni epun, maine tro pena hane tupathi epuni hnene la itre elo e tröne a ka itretrengekeu memine la uma ne ini. Nyipi ewekë tro epuni a hmeke me canga wangatrehmekune la itre elo cili, pine laka pë kö ethanyine itre eje e tro së a goeën, ngo atreine hi itre eje troa ajolëne me ananazijëne la lapaune i epun. Nyipi ewekë fe troa iëne hnyawa la itre hnei epuni hna nyi sinene matre madrine epuni troa “ce akeukawanyi epuni me angatr,” hnene la troa akökötrene la lapaune i ketre hnei ketre.​—Rom. 1:12.

⁵ Atreine Tro Epuni a Cile Hut, Jëne La Ixatua Qa Thei Iehova: Satana pala hi a tupathe la lapaune i epun. Nyipici laka tro së a akötre pine la itre itupathi ka troa traqa koi së, ngo atraqatre catre kö la itre thangane ka loi hne së hna troa kapa e hne së hna catr. (1 Pet. 1:6, 7) Thatreine kö tro epuni a cile huti hnene la sipu trenge catre i epuni kö; nyipi ewekë tro epuni a thele me mejiune kowe la ixatua qa thei Iehova. Hnei Iesu hna ithuecatre kowe la itretre drei i nyidrë, önii nyidrë: “Hmekëneju nyipunie me thith, mate thaa lö kö kowe la itupath.” (Mata. 26:41) Ka sisitria e la troa hetre ajane troa hun, me atreine troa isa sipu xomehnöthe la itre aja .​—1 Kor. 9:27.

⁶ Loi e tro pala hi epuni a mekune laka, tro Iehova a hnyingë kepine la thiina i epun. (Ate Cai. 11:9) Ngacama thaa tro kö a öhne hnei itre xane la hnei epuni hna kuca, ngo Iehova a lapa goeëne la huliwa i epun, nge tro hë Nyidrëti a ameköti epuni ngöne la itre thiina hna kuca hnei epun. (Heb. 4:13) Maine hetrenyi la aja ka tru thei epuni troa amadrinë Nyidrë, ke, tro lai a upi epuni troa ‘huliwane la mele i nyipunie ngöne la qou me hmengöhmengön.’ (Fil. 2:12) Ketre ixatua ka tru la troa e la Wesiula i Akötresie o drai. Hetrenyi la itre eamo ka tru aliene memine la itre ini ka loi nyine tulu koi së.—Heb. 12:1-3.

⁷ Ange keme me thine fe, ka tru la hnëqa i epun. Nyipi ewekë tro epuni a eatrongëne la mele ne la itre nekö i epun, me waipengöne la itre jole hnei angatre hna qëmeke kow, me hamëne la eamo ka ijije koi angatr. Hapeu la aqane imelekeu i epuni memine la itre nekö i epun, ka loi kö? Hnei epuni kö hna hane sija e kuhu hni angatre la aja kowe la inamacane ne la itre wathebo i Akötresie me itre trepene meköt i Nyidrë? Ngöne la angatre a qemeke kowe la itre jole maine itupath, hapeue ngöne la angatre a qëmeke kowe la itre jole maine itre itupathi, angatre kö a cile catr maine canga nanazije ju hi angatr? Hapeu angatre kö a nango hace pine laka isapengöi angatre kö memine la itre sine ce elo i angatr? Haawe, ange keme me thine fe, hnëqa i epuni lai troa xatua angatr. (Deut. 6:6, 7) Maine tro epuni a kuca hnyawa la hnëqa i epun, ke atreine hi tro epuni a xatua angatre troa hune ngöne la aja i angatre troa isigöline la lapaune i angatr.​—Ite Edo. 22:6.