Epuni Fe, Ijiji Epuni Troa Hane Madrine La Itre Hna Melëne Ka Loi!

Ame itre xaa ka cainöj, ke, hetre hnei angatre palahi hna melëne ka ithuecatre nyine porotrikën, maine ketre taane mekune ka tru aliene hna ithahnataan, maine ketre iwaihmaca ka amadrinë angatr. Tha ka traqa xane kö la itre hna melëne cili. Celëhi la itre thangane la hna catre huliwa lapa. Tha thene hmekuje kö la itretre cainöje ka maca troa ithahnata, me ka atrein.

Hanawange la itre xaa ewekë hna öhne thene la itre ka öhnyi thangane palahi la hnei angatre hna huliwa: (1) Angatr’a cainöje lapa, nyimu ijine ngöne la wiik, matre nyimutre la itre ijine ka aijijë angatre troa ithahnata memine la itre atr ka ajan; (2) angatr’a thupëne matre loi la aqane ujë i angatre kowe la itre atr, ene laka tha tro kö a canga mekuhnine la hna troa sa hnene la atr; (3) loi la aqane ujë i angatr, ene laka angatr’a nyipiine la itre ka drei angatr, nge keukawa fe la aqane ithahnata i angatr; (4) angatr’a catre troa iwaihmaca, me traqa lapa ngacama paatre kö la itre atr hnei angatre hna troa wang; nge (5) hetre mekune hnei angatre hna ajane troa aeatrën, ene la troa nyiqaane inine la Tusi Hmitrötre memine la itre atr.

Thupene la hnei epuni hna ketre waipengöne la huliwa ne cainöje i epun, ke, ma öhne hnyawa ha epuni la aqane troa akökötrene la madrine i epuni hna jëne la itre hnei epuni hna melën, nge celëhi itre ewekë ka troa hamë wene ne la huliwa i epuni, me amadrinë epun.