Hamëne Jë La Itre Zonale Ka Nyipiewekë, Ngöne La Fene Hnengödrai
1 Ame la aliene la La Tour de Garde, ke, nyine “troa atrunyi Iehova Akötresie, la Joxu ka tru ngöne la fene me hnengödrai asë.” Ame la Réveillez-vous!, ke, “thatraqane la nöjei atrene la fami. . . Ej’a xupe the së la mejiune kowe la atre xupi së, ene laka tro Nyidrëti a aeatrëne la itre hnei Nyidrë hna thingehnaeane thatraqane la fene matre tingetinge me mele loi nöj.” Ame la itre hna qaja celë, ke, hna xome kö qa hnine la itre zonale. Hnene la itre milio lao atr ka kapa la itre ewekë celë hna hane hetrenyi la ixatua.
2 Tro së a amamane hnyawane la lue zonale celë ngöne la huliwa ne cainöj e treu eipereme me mei. Loi tro së a atrepengöne hnyawa la aliene la itre zonale matre maca koi së troa amaman. Loi e troa e la nöjei zonal, göi troa atrehmekune la itre mekune hnei epuni hna troa amamane ngöne la epuni a trofë itr’ej. Mekune ju fe la itre mekune ka ketr la itre atr.
3 Qejepengöne ju lo zonale ne 1 eiperem: Alanyimu la itre atr ka ajane catrëne la fene ga tingeting, ga pë akötre ngön, nge ka tha tro kö a xometrije la madrine qathei angatr.
Thupene la hne së hna qaja la eje së, hape jë:
◼ “Eni a pi hane amamai nyipë la ketre ithahnata hna cinyihane ngöne la taane ‘Un monde meilleur: n’est-ce qu’un rêve?’ kola qaja ka hape: ‘Ame la fene celë, la fene së, ke, tha hnë mele ka loi kö. . . Tha mama kö la pune la itre akötre enehila. Ame la nyipëti a hane mekune, ke, tro kö la itre ewekë enehila a thue mejiune kowe la itre drai hnapin? Ngo loipe, eni a pi amamai nyipë la hna qaja hnei Salamo 37:11 göne la itre drai hnapin.” Thupene la hna e, ke, hnyingëne ju lai atr la hnei nyidrëti hna mekune göne la hna thingehnaeane celë. Maine kolo hi a nang, ke, fe pi kowe la hna cinyihane ka hape “Un monde meilleur est proche!,” götrane 4, nge qaja ju ka hape: “Nyimutre la itre mekene tusi hna cinyihan, tune lo ketre hne së hna xome ngöne la tusi Salamo 37:11. Eni a mekune laka tro nyipëti a kapa madrine la itre taane celë memine la itre mekene tusi tro nyipëti a e ngöne la sipu Tusi Hmitrötre i nyipë. Tru la madrinenge tro nyipëti a kapa luej, hanawange 100 F. hi la thupen.”
4 Qejepengöne ju lo zonale ne 15 eiperem: Kola hnyinge ngöne la götrane 4 ne lai taane ka hape: “Où trouver des conseils dignes de confiance?”
Thupene la hne së hna qaja la eje së, hape jë:
◼ “Tru catre la itre hace ngöne la fene hnengödrai enehila, tune la [qaja ju la ketre ewekë ka ketr la itre atr ne la götrane së maine pena ketre nuvel ka tru.] Easë a isa hnyinge ka hape hetre atr kö ka atreine troa apatrene la fene celë memine la itre ejolen. Loi pe, 2 Timoteo 3:16, 17 a amamai së ka hape, Tusi Hmitrötre hmekujehi la ka tro xomi së kowe la mele ka loi me ka tingeting.” Thupene la hna e la itre xötre celë, ke, amamane jë la aqane xatua së hnene la La Tour de Garde troa trotrohnine la kepine matre Tusi Hmitrötre la qeqene la itre ihaji tro së a mejiune kow.
5 Maine easë a pi amamane la Réveillez-vous!, ke, ijije tro së a huliwaane lo zonale ne treu mei drai 8, ene lo taane kola hape “Un espoir sûr pour les enfants”. Nyipici laka, tro epuni a öhne la itre keme me thine ka canga ujë la mekune troa wange la itre ewekë ka loi thatraqane la itre nekö i angatr, nge tro së a wange laka, itre keme me thine lai ka thele pengöne la aqane troa xatuane la itre nekö i angatr.
6 Maine öhnyi loi së qathene la itre zonale hne së hna kapa madrin, ceitu me ewekë ka sisitria hune la itre xaa ewekë ju kö, loi e tro fe së a trofë koi itre xaane matre hane fe angatre kapa la mejiune kowe la Baselaia me troa atrunyi Iehova, Joxu ne la fene hnengödrai asëjëihë. — Sal. 83:18.