Loi e Tro Së a Nuapexejenyi Së Ngöne La Hnëqa Së Koi Iehova
1 Tuune la angetre drei Iesu, hna upi së troa cainöjëne la Maca ka Loi ne la Baselaia i Akötresie, me troa kuca matre tro fe la itre atr a hane itretre drei Iesu keriso (Mat. 24:14; 28:19, 20). Pëkö ketre huliwa nyine tro së a aceitunëne memin e celë fen, pine laka, nyipi ewekë ej, nge huliwa ka sasaqe. Nge hnene laka, jëne mele hi lai kowe la nöjei atr, nyipi ewekë tro së a wangatrune hnyawa ej. Celë hi matre Paulo a upi së troa hmekëne me hape: “Nge ame la nöjei ewekë hnei epuni hna kuca, kuca hniine ju kösë koi Iehova nge tha koi atre kö.” (Kol. 3:23) ame la troa “kuca hnine” (nuapexejen) ke, ene la troa “hetre hni ka madrin, maine troa pexeje la mekun.” Hapeu, epuni kö a nuapexejenyi epun, ngöne la huliwa cili?
2 Nemene la aqane tro së a nuapexejenyi së ngöne la huliwa së? Öni Iehova ka hape, aja i Nyidrëti la hotr maine itre hnaaluepin (Mal. 3:10). Eje hi laka, pëkö hna athipe göi etrune eje ngöne la hnaaluepin, casi hi laka, troa eje ngöne la traem, maine trenge catre hne së hna nu’asë kowe la huliwa i Iehova, nge kolo hi lo hatrene la ihnimi së lai koi Nyidrë, memine fe la aja së troa nyi hlue i Nyidrë (w92 1/12 p. 15). Tro la hna huliwa hne së a ketre amamane la ejuine la ihnimi së memine la aja së troa nyi hlue i Nyidrë. Ame la atr ka nuapexejenyi angeic, ke, angeic’a thele troa huliwa catre koi Iehova thenge la egöcatre i angeice maine thenge la aqane mele i angeic.
3 Celë hi matre hna qaja aloine la itre xaa keresiano hnei Paulo, hnene laka, angatr’a “huliwa me catr” pine lo hna thingehnaean (1 Tim. 4:10). Iehova a amanathithi angatre me ‘atrenamo angatr.’ (Itre Edromë 10:22) Ngo eje hi laka, tha tro jë kö a hane atre la nyipi madrine qa ngöne la kola hamën, hnene la atr ka xomehnöthe me wangacone la aqane troa hamëne la traeme me trengecatre i angeic (Itre Hu. 20:35). Eje hi laka, ame la troa xenicipa maine wangacone pena la aqane troa ham, ke, kösë lo kola atrekëno la “hnaaluepine” hna troa hamëne koi Iehova ke sipu ewekë i Nyidrëti kö lai. — Mal. 3:8.
4 Hamëne jë së la nyipi mo hne së hna hetreny: Hapeu, easë kö a nyipici ngöne la easë a nyialiene la rapore së? Hna cinyihane ngöne itus Notre ministère, götrane 104: “Ame la hawa hna troa xom, ke, kola nyiqaane (...) ngöne la epuni a nyiqaane la huliwa ne cainöje trootro nge troa nyipune ngöne la atr hna tixenuën. Tha tro kö a hane e lo itre hawa ne epuni a pane xeni maine iji pena, ngöne la ijine kola cainöje trootro.” Eje hi laka loi e troa hetrenyi la caa porogaram ka loi me trengecatre fe matre atreine troa huliwaane hnyawa la traeme së ngöne la hna cainöje trootro.
5 Ame la troa hamëne la hne së hna atrein, ke, ene la tro së a huliwa atrunyi hune la hne së hna majemine kuca ngöne la easë a cainöje trootro. Celë hi matre, tha loi kö tro la ketre a huliwa caasine hi la cainöje ngöne la nöjei ijine ka ijij, nge wangacone pëhë la ketre cainöje ngöne ketre uma me ketre uma. Ketre, tha angeice kö a nuapexejenyi angeice ngöne la huliwa ne cainöje trootro la ketre thöthi ka tha xome pala kö la bapataiso, e maine ageic’a cainöje trootro pine laka hna upi angeice hnei keme me thine i angeic, kola amamane e cili laka co hi la aja ne troa cainöje ngöne la ketre uma me ketre uma, maine troa ce kapa me itre xane la itre aqane nyiqaane ithahnata.
6 Paulo a upi së troa isa akötrehnine la hnëqa së, ngo tha tro kö së a hunyinyi (Heb. 6:11, 12). Eje hi laka, pë kö hmahma së ngo madrine pe troa isa goeëne la isa hna huliwa — pine laka, pexeje la huliwa së ngöne la hna cainöj! (2 Tim. 2:15) Ketre, tro ha atraqatre la madrine së ngöne la easë a troa öhne thene la itre ka lö pi qa ngöne la akötr atraqatr, lo itre atr hne së hna xatuan. Easë a mejiune laka, tro Iehova a amanathithin’atrune la itre ka nyi hlue i Nyidrë hnene la hni ka pexej.