Thöthi Fe — Inine Jë Troa Amekötine La Itre Jë i Epun
1 Eje hi laka, Iehova lo keme së a wangatrune fe la hna huliwa hnene la nöjei thöthi ngöne la götrane ne la ua. Nge tha kolo hmekuje kö a amadrinëne la hni Iehova, ngo angatr’a öhne fe la hna mano thatraqane la itre u i angatr (Itre Edomë 27:11; Mat. 11:28-30). Angatr’a sipo Iehova troa amekötine la itre jë i angatr. — Itre Edomë 16:9.
2 Hna amamai tulu hnei Iesu keriso ngöne la ijine Nyidrëti a thöth, ene laka hna xajawa Nyidrë hnei Akötresie memine la itre atr, pine la aqane ujë i Nyidrë (Luka 2:52). Ijije fe hi tro la itre thöthi ne la hnedrai së a xötrethenge lai tulu cili. Troa mama hnyawa la hna feke ca kow, hnene la ketre thöth, ngöne la aqane thele i angeice la itre ewekë ne la ua. Ame Iesu, ke, ngöne la hna 12 ne macatre i Nyidrë, ke, atre nyidrëti hë hnene la itre atr, hnene la treng’aja i Nyidrë troa qeje Iehova kowe la itre xaa atr (Luka 2:46, 47). Ngöne la hne ijine së, ke, alanyimu la itre thöthi ka amamane lai aja cili, ene la troa qejepengöne la lapaune i angatre kowe la itre xaa atr. — w90 7/1 pp. 29-30; w87 12/1 p. 21.
3 Itre thöth, nemene la nyine tro epuni a kuca matre “atrunyi Iehova hnene la itre nyi epun”? (Itre Edromë 3:9.) Hapeu matre, aelëne la hawa ne cainöje trootro, maine troa atrune la itre ini Tusi Hmitrötre pena, maine kowe pena la huliwa ne pionie ka ixatua? Tro hë epuni elanyi a öhne la itre madrine me itre xaa manathithi qa ngöne laka epuni a catre cainöj. Ketre madrine atraqatre troa ce cainöje trootro memine la itretre cainöje ka alanyim, nge ka isa pengön. Ame la pane ewekë nyine tro epuni a kuca, ke, sipone ju la itretre cainöje ka majem, casi maine luetre, matre ce tro me epuni e mecixeni me sabath.
4 Nyipi ewekë tro la itre keme me thine a hamëne la ixatua ka ijije me ceme angatr, me ini angatre la aqane troa trofë la Wesiula, nge thupene lai troa cetro me angatre troa trofë la Maca ka Loi. Ketre tro la itre xane ka wangatrehmekune hnyawa hë la nyipici ngöne la Ekalesia, a troa sipone la itre thöthi troa ce cainöje me angatr, maine troa ce iwai hmaca, maine troa ce ini tusi pena. Eje hi laka, tro la ajane troa cetro memine la itretre cainöje ka catre ngöne la götrane ne la ua, a ketre ixatua atraqatre kowe la itre thöthi matre “canga nyipi atre la mekun.” — Heb. 6:1.
5 Tro asë hi la itre keresiano a hetre ajan, troa kökötre ngöne la aqane troa inine la itre atr; ketre tune la itre thöth. Hapeu, epuni kö a hnëkë hnyawa kowe la ini qathei Akötresie, e hetre hnëqa i epuni ngöne la ijine cili? Tuneka, hane kö epuni lapa e la Tusi Hmitrötr, me isa ini casi kö matre hetre wangatrehmekun? ketre, trongëne kö epuni la itre ewekë hnei epuni hna inine me öhn? Hapeu, lapa hnëkë hnyawa kö epuni kowe la itre reinio matre trotrohnine hnyawa la itre hna troa ithahnatane me sasaqe troa sa la itre hnyinge ngöne la ijine icasikeu? Hane fe kö epuni fejane la itre mekune hnei epuni hna tha trotrohnine hnyawa, hna hamëne ngöne la itre ijine reinio, itre nyine xatua epun. Tupathe kö epuni troa hane huliwaane la itre ixatua qa hnine la Huliwa ne Baselaia?
6 The tro fe kö së a wangahmaloeëne la itre xaa hnëqa së, ene la troa nyidrawane la Uma ne Baselaia me xatuane la itre qatre me qatre föe, maine itre trejine me easë ka kucakuca ngöne la itre hnepe jole i angatre maine troa nyidrawane la itre hnalapa i angatr. Ketre troa wangatrune la ixatua hne së hna troa isa kuca kowe la xupi Uma ne Baselaia memine la huliwa i Sasaiatri e cailo fene hnengödrai, hnene la troa isa hamëne palahi la hna hetreny.
7 Maine hne së hna ‘thupëne la jë së thenge la Wesiula i Iehova’ me nyidrawan’ej, ke, tro hë Nyidrëti a ea trongë së ngöne la gojenyi ne mel, me hamëne palahi koi së la itre xaa hnëqa ka sisitria. — Sal. 119:9.