Nyitipu Iesu Jë Troa. . .

UTIPIN

Pine laka ka pexeje Iesu, tha hna traqa kö koi nyidrë la itre xa jol, me akötr ne la itre atr. Ngo tru la ihnimi nyidrë koi angatr. Matre hnei nyidrëti hna sikusiku angatr, me hamën la ka ijij, me nyixane hmaca kö. Eje hi, utipine la ka upi Iesu troa ixatua. Wange ju la itre xa aqane kuca i nyidrë, ngöne la itre mekene 32, 37, 57, 99.

ATREINE CE MEL

Aja ne la nöjei atr, qaane la itre nekönatr uti hë itre qatr, troa easenyi Iesu, ke tha ka pi draië kö nyidrë, maine ka xele ma iwai. Nge pine laka, nyidrëti a sikusikune la itre atr, pi tro catr angatr a ithanata me nyidrë. Wange ju la aqane kuca i Iesu ngöne la itre mekene 25, 27, 95.

CATRE THITH

Tha mano kö Iesu fe la hni nyidrë koi Keme i nyidrë. Hnei nyidrëti hna thithi cas, me qëmekene la itretre dreng. Anyimua thithi nyidrë, ngo tha göi tro hi a amanathithi xen. Hnei Iesu fe hna thith troa olene la Keme i nyidrë, me atrunyi Kem, me thele ixatua qëmekene troa axecië mekune ka tru. Wange ju la aqane kuca i Iesu ngöne la itre mekene 24, 34, 91, 122, 123.

IMEKU

Ame itre xa ijin, hetre traeme i Iesu troa pane mano, ngo hnei nyidrëti pala hi hna pane thele la loi koi itre xan. Ka imeku pala hi Iesu. Haawe, tulu lai nyine tro sa nyitipune hnyawa. Wange ju la aqane kuca i Iesu ngöne la itre mekene 19, 41, 52.

INUE NGAZO

Tha hnei Iesu kö hna iupe troa inue ngazo, ngo hnei nyidrëti hna qaja kuca. Kola mama lai ngöne la aqane ujë i nyidrë koi itretre dreng, me koi itre xan. Wange ju la aqane kuca i Iesu ngöne la itre mekene 26, 40, 64, 85, 131.

CATRE HULIWA

Hna qaja ha ka hape, tro la angetre Iudra a xelene la Mesia, nge tro la itre ka imethinë a humuthi nyidrë. Matre maine ju, tro Iesu a hape, nga tha nyipiewekë kö troa huliwa catre koi angatr. Ngo hnei nyidrëti pe hna nu asë troa isigöline la nyipi hmi. Aqane catre huliwa lai ka xatuane la itretre dreng, ka qëmeke kowe la icilekeu. Wange ju la itre mekene 16, 72, 103.

IPIË

Draië catre kö Iesu hui nöjei atr, sisitria kö la inamacan me trotrohnine i nyidrë. Nge pine laka, atre ka pexeje nyidrë, tru catre kö la itre hnei nyidrëti hna atreine mekun me kuca. Ngo hnei nyidrëti pe hna ipië, me huliwa koi itre xan. Wange ju la aqane kuca i Iesu ngöne la itre mekene 10, 62, 66, 94, 116.

XOMIHNI

Hnei Iesu pala hi hna xomihni itre aposetolo me itre xan. Ame itre xa ijin, tha trongëne hë angatr la tulu i Iesu, me itre hna amekötin. Ngo hnei nyidrëti hna anyimua ini angatr, matre tro pala hi angatr a easenyi Iehova. Wange ju la aqane kuca i Iesu ngöne la itre mekene 74, 98, 118, 135.