Nemene La Aja i Akötresie?
Aja i Akötresie tro sa mele madrine me mele tingetinge ngöne la paradraiso e celë fen, uti hë epine palua!
Maine jë tro nyipunieti a hnyinge ka hape, ‘Troa eatre tune kaa lai?’ Kola sa hnene la Tusi Hmitrötr ka hape, tro la Baselaia i Akötresie a aejëne lai, nge aja i Nyidrë tro la nöjei atr a atrepengöne hnyawa la Baselaia, memine la hnene eje hna troa kuca koi së.—Salamo 37:11, 29; Isaia 9:7.
Aja i Akötresie tro sa mele ka loi.
Ceitune hi la Tretretro së memine la ketre keme ka ajane la mele ka loi kowe la kuku; ke aja i Nyidrëti tro sa mele madrine uti hë epine palua. (Isaia 48:17, 18) Hnei Nyidrëti hë hna ahnithe ka hape “troa cile huti epine palua la ate kuca la aja i Akötesie.”—1 Ioane 2:17.
Aja i Akötresie tro sa trongëne la itre jë i Nyidrë.
Tusi Hmitrötre a qaja ka hape aja ne la Atre Xup troa “ini shë la ite jë i nyidë” matre atreine së troa “trongëne la ite gojenyi qa thei nyidë.” (Isaia 2:2, 3) Hnei Akötresieti hna eköthe “la nöje thatraqane la atesiwa i nyidë” matre troa atre hnene la nöjei atr e cailo fen asë la aja i Nyidrë.—Ite Huliwa 15:14.
Aja i Akötresie tro sa casi ngöne la hmi.
Tha ka thi lapa kö la nyipi hmi, ngo jëne la nyipi ihnimi ka eje e hnin, kolo pe lai a acasine la itre atr. (Ioane 13:35) Drei enehila la itre atr ka inine la itre trahmanyi me föe e cailo fene troa nyihlue i Akötresie? Celë hi la hna troa sa hnene la i boroshüre celë, nge eahuni a ithuecatre koi nyipunie troa e.