Eue La Troa Acile Hmaca La Paradraiso?

Kola anyipicine hnene la emanane la itre hulö ka traqa kowe la fen, laka easenyi catre hë matre paatre pi itre ej hnene la Baselaia i Akötresie. Luka 21:10, 11; 2 Timoteo 3:1-5

Nyimutre la itre ewekë hna perofetane hë hnei Tusi Hmitrötr ka eatr enehila. Hna ahnithe hë, ka hape, tro la itre atr a aja mani, nge troa thaa idrei la itre nekönatr kowe la itre keme me thin, me pi mama me ajane la itre nyine iamadrinë.

Tro ha ketr la fen asë hnene la itre sa ka tru, me itre isi, nge troa jiinë xen me tith la itre atr hnene la nöjei pengöne mec. Kola eatre hnyawa la itre ewekë cili ngöne la hneijine së.

Ketre, hnei lesu hna qaja, ka hape, tro ha cainöjëne la maca ka loi ne la Baselaia e cailo fen asë.—Mataio 24:14.

Tro la Baselaia elanyi a apaatrene la iakötrë. 2 Peteru 3:13

Easenyi catre hë matre lepe apaatrene asë pi hnei Iehova la nöjei atr ka ngazo.

Tro ha nyithupene koi Satana me itre dremoni angeic lo itre ngazo i angatr.

Tro la itre ka drengethenge Akötresie a mele pe ngöne la ketre fene ka hnyipixe me ka meköt; thaa tro hmaca kö angatr a xou, nge tro hë angatr a ihnimikeu me itö imejiunekeu.