Maʼarlauhanat hainumunoro alinuralauhe ana upe?

INAIT BÍBLIA EM AFI ACITAʼA?

“Maʼarlauhanat hainumunoro ere . . . non alinuralauhe.”​—Apóstolu 24:15, Liafuan diak ba imi​—segunda edisaun.

AFA SENTI TEVAʼANE?

Afa kam wasinicakapare tarut afi maʼarlauhana umu.​—2 Korinto 1:3, 4.

Afa kam umun mahanen tali ara-arahe.​—Ebreu 2:15.

Afa fiare maʼarlauhanat hainumunoro kois afa on alifanuhene.​—João 5:28, 29.

INAIT BÍBLIA TAʼA AFA TAPI FIARE ANA UPE?

Tapi, irazaun utue:

• Ocava it lauhana ere naunuku fai. Bíblia taʼa har Ocava it “lauhana ho naim” maʼarlauhana ere naet lauhe. (Salmo 36:9; Apóstolu 17:24, 25) Ocava it lauhanam lauhanaere ina, ivihinta Ocava ta eluhen maʼarlauhanat hainumunoro alim uralauhepai.

• Ratane Ocava maʼarlauhanat hainumunorom urahlauhepai. Bíblia exemplu kafa taʼa, laʼan maʼarlauhat eret ratan mundu micanen urahlauhe konta. Tawar tupurara, namirara, kausila i lafai. Ica umun akaon rata mais un umun hailaʼan waci fate ta alinuralauhe.​—João 11:39-44.

• Ocava tapi neluhen afim uralauhepai. Ocava umuni nau tuʼu-tuʼukelu, umunit Ocava i inimigu. (1 Korinto 15:26) Ocava hala iheren inimigu molu pai no Ocava eluhen umunoronim alim lauhepai. Ocava tapi neluhen umunoronim lauhpai i Ocava eluhet afa mundu micanen ali lauhe.​—Job 14:14, 15.