Nop-tatun afi lauhana laʼan tevaʼane?

INAIT BÍBLIA EM AFI ACITAʼA?

“Ocava . . . on kois inawaia tarupaha naunuku fere, umuno hainupe, maʼar akam hainarure, i hainicakapare i hainicakaile, ina-inait ratan afa tahane hainupe.”—Apokalipse 21:3, 4, Tradusaun Mundu Foun.

AFA ECEREMU TEVAʼANE?

Siriwesi iraun lafan fai iwiit fait afa icarau-rau.—Isaias 65:21-23.

Pootina, tahanana rehun hainaunupe.—Isaias 25:8; 33:24.

Afa afi familia ho afi lanura apur warilau-lauhen icaurau-rau.—Salmo 37:11, 29.

INAIT BÍBLIA TAʼA AFA TAPI FIARE ANA UPE?

Tapi, irazaun ece:

• Ocava iforsa anet uhulen inait Tawa hai promete iwi fai. Bíblia naen taʼa har Ocava Jeova it “forsa torunaunukutali”, iforsa hula pali. (Apokalipse 15:3) Iwi hinta inait hai taʼa Tawa on kois naunukufain mundu e masupai. Bíblia taʼa har: “Laʼan Ocava nanate nacun un akam heʼe, Tawa uhulen nacun naunukufai.”​—Mateus 19:26.

• Ocava tapi neluhen inait Tawa hai promete iwifai. Exemplu uni, Ocava Jeova haitapi iheren maʼarlauhanat hainumunoro ere alim muralauhepai.​—Job 14:14, 15.

  Bíblia o taʼa Ocava imoco Jesus ratan maʼarlauhanat pootina erem humerenpai. Tevaʼane hinta tawa ta iwi fai? Tawa iicatutunit fai. (Marcos 1:40, 41) Tawa hin pal Ocava vaʼane eluhen maʼarit tahanana fai tulune.​—João 14:9.

  Iwihinta afita fiare Ocava Jeová ho Jesus eluhet afilauhana nop-tatun afa laʼan icarau-rau.​—Salmo 72:12-14; 145:16; 2 Pedro 3:9.