Сегъуна хайри леба хІед Иса вебкІниличи?

Иса вебкІиб нуша хІердирули калахъес багьандан. Иоанна 3:16

Иса вебкІили хІябал бархІи дикили гІергъи, ца чумал хьунул адам бакІиб илила хІябличи ва ихила духІнав чилра хІеваргиб. Иеговали вебкІибси Иса мицІирвариб.

Замана арбякьи гІергъи, Иса дакІуухъун сунела багьуди дедибси юлдашунас.

Аллагьли Иса чарвариб гІямруличи ва ветаахъур убкІхІебкІуси, цІакьси малайк. Исачил гІергъи башантани их чеваиб цурбачи ахъвирули.

Аллагьли Иса мицІирвариб ва Пачали катур Аллагьла Пачалихълияв. Даниил 7:13, 14

Исани сунела жан дедиб адамти берцахъес (Матфея 20:28). Ил багьандан нушаб Аллагьли лугули сай имкан мурталра хІердиахъес.

Иеговали лебил ванзаличив пачали катур Иса. Исачил барх бекІдеш дирули сари 144 000 марти адамти, мицІирбарибти цурбачиб хІербиахъес. Иса ва 144 000 цалабирхъули саб бархьси цурбачибси пачалихъ — Аллагьла Пачалихъ (Откровение 14:1—3).

Аллагьла Пачалихъли лебил ванза алжаналичи чарбиру. ХІедирар дявти, вайнукьаби, мискиндеш ва гаша. Лебил адамти бирар разити ва талихІчебти (Псалом 145:16).