Nu le Pate Aw—Na Tate’ Upna A Kip Nadingin Na Huh Un

1-2. Upna tawh kisai tate’n dotna a neih uh ciang koi bangin i ngaihsut ding kisam a hiam?

သားသမီး ပြုစုပျိုးထောင်ရတာ တာဝန်​ကြီးတယ်ဆိုတာ လူ​တော်တော်​များများ သဘောတူကြမှာ​ပါ။ သင်ဟာ သားငယ်​သမီးငယ် ရှိတဲ့ မိဘ​ဆိုရင် ဘုရားကို သူတို့ အခိုင်အမာ ယုံကြည်​လာအောင် ကြိုးစား​ကူညီပေးနေ​မှာ​ပဲ။ (တရား. ၆:၆၊ ၇) ဒါပေမဲ့ သူတို့ အရွယ်​ရောက်လာတာနဲ့အမျှ ကျမ်းစာ​စံနှုန်းတွေ၊ ယုံကြည်ချက်တွေ​အကြောင်း မေးခွန်းထုတ်​လာနိုင်တယ်။

^၂ သားသမီးတွေ မေးခွန်းထုတ်​လာတဲ့အခါ ယုံကြည်ခြင်း မခိုင်ခံ့​လို့​များ​လား​ဆိုပြီး သင် စိုးရိမ်မိနိုင်တယ်။ တကယ်တော့ မေးခွန်းထုတ်​တာ ကောင်းတယ်။ သူတို့ကို ယုံကြည်ခြင်း ပိုခိုင်ခံ့လာ​စေ​နိုင်လို့ပဲ။ (၁ ကော. ၁၃:၁၁) ဒါကြောင့် သားသမီးတွေ မေးခွန်းထုတ်​လာတဲ့အခါ စိတ်မပူပါနဲ့။ သူတို့ စဉ်းစား​တွေးခေါ်​တတ်လာအောင် ကူညီပေးနိုင်တဲ့ အခွင့်အရေး​လို့ သဘောထားပါ။

3. Hih thulu-ah bang thu kikum ding i hiam?

^၃ (၁) ယုံကြည်ခြင်း ခိုင်ခံ့လာ​အောင်၊ (၂) ကျမ်းစာ​စံနှုန်းတွေ အကျိုးရှိတယ်​ဆိုတာ သဘောပေါက်​လာအောင်၊ (၃) ယုံကြည်ချက်​အကြောင်း ရှင်းပြတတ်အောင် သားသမီးတွေကို မိဘတွေ ဘယ်လို ကူညီပေးနိုင်ကြောင်း ဒီဆောင်းပါးမှာ သုံးသပ်​သွားပါမယ်။ ဒါ့အပြင် သားသမီးတွေ မေးခွန်း​မေးတာ ဘာကြောင့် ကောင်းသလဲ၊ ယုံကြည်ချက်​အကြောင်း သူတို့နဲ့ ပြောဆို​ခွင့်​ရဖို့ ဘာတွေ လုပ်နိုင်သလဲဆိုတာ​ကိုလည်း ဆွေးနွေး​သွားပါမယ်။

UPNA KIP A NEIH NADINGUN NA HUH UN

4. Tate’n koi bangin ngaihsun khathei a hiam? Ba’hang hiam?

^၄ ယုံကြည်ခြင်း​ဆိုတာ လက်ဆင့်ကမ်း​အမွေ​ပေးလို့ ရတဲ့​အရာ မဟုတ်မှန်း ခရစ်ယာန်​မိဘတွေ အသိအမှတ်ပြုကြတယ်။ မွေးကတည်းက ယေဟောဝါကို သင် ယုံကြည်​နေတာ မဟုတ်ဘူး။ သင့်​သား​သမီးလည်း ယေဟောဝါကို အလိုလို ယုံကြည်​နေ​မှာ မဟုတ်ဘူး။ ဒါကြောင့် ‘ဘုရား ရှိတယ်ဆိုတာ ငါ ဘယ်လိုလုပ်​ပြီး သိသလဲ။ ကျမ်းစာအဆိုကို ငါ တကယ် ယုံလို့​ရ​သလား’ စသဖြင့် စဉ်းစား​လာနိုင်တယ်။ အဲဒီလို​စဉ်းစားတာ ကောင်းတယ်။ “စဉ်းစား​ဆင်ခြင်​နိုင်စွမ်း​ကို သုံး” ဖို့၊ “အရာရာကို မှန်မမှန် အသေအချာ စစ်ဆေး” ဖို့ ကျမ်းစာမှာ အား​ပေးထားလို့ပဲ။ (ရော. ၁၂:၁။ ၁ သက်. ၅:၂၁) ဒါဆိုရင် သင့်​သားသမီး ယုံကြည်ခြင်း ခိုင်ခံ့လာ​အောင် ဘယ်လို ကူညီပေးနိုင်သလဲ။

5. Nu le pate’n a tate uh Lai Siangtho a muan semsem theih nadingun koi bangin huh thei a hiam? (Rom 12:2)

^၅ ကျမ်းစာအဆို မှန်ကန်ကြောင်း အထောက်အထားတွေ ရှာဖို့ သားသမီးတွေကို အားပေးပါ။ (ရောမ ၁၂:၂ ကို ဖတ်ပါ။) သင့်​သားသမီး မေးခွန်း​မေးလာတဲ့အခါ ယေဟောဝါ​သက်သေတွေ​အတွက် ကျမ်းစာ​လေ့လာမှု​လမ်းညွှန် လို​မျိုး လေ့လာမှု ကိရိယာတွေ သုံးပြီး အဖြေ​ရှာနိုင်ပုံကို ပြပေးပါ။ ကျမ်းစာ​လေ့လာမှု​လမ်းညွှန် ရဲ့ “သမ္မာကျမ်းစာ” ဆိုတဲ့ အကြောင်းအရာ​အောက်မှာ “စွမ်းအားတော်​လမ်းညွှန်မှုနဲ့ ရေးထား” ဆိုတဲ့ အပိုင်း ရှိတယ်။ ကျမ်းစာဟာ လူတွေ ရေးထားတဲ့ စာကောင်း​ပေကောင်း​သက်သက် မဟုတ်ကြောင်း၊ “ဘုရားသခင်ရဲ့ တရားစကား” ဖြစ်ကြောင်း အထောက်အထားတွေကို အဲဒီမှာ ရှာ​ခိုင်းပါ။ (၁ သက်. ၂:၁၃) ဥပမာ၊ နိနဝေ​ဆိုတဲ့ ရှေး​အဆီးရီးယား​မြို့​အကြောင်း လေ့လာ​ခိုင်း​နိုင်တယ်။ နိနဝေ​မြို့ မရှိခဲ့​ပါ​ဘူး​လို့ ကျမ်းစာ​ဝေဖန်ရေးသမားတချို့ ပြောကြတယ်။ ဒါပေမဲ့ ၁၈၅၀ ခုနှစ်လောက်​မှာ နိနဝေ​မြို့ အပျက်အယွင်း​တွေ တူးဖော်​တွေ့ရှိခဲ့တယ်။ ကျမ်းစာအဆို မှန်ကန်ကြောင်း အထောက်အထားပါပဲ။ (ဇေ. ၂:၁၃-၁၅) နိနဝေ​မြို့ ပျက်စီး​တာ​ဟာ ကျမ်းစာ​ကြိုဟောချက် ပြည့်စုံ​တာ ဖြစ်ကြောင်း သိဖို့ ၂၀၂၁၊ နိုဝင်ဘာ ကင်းမျှော်စင် မှာ ပါတဲ့ “သင် သိပါသလား” ဆောင်းပါးကို ကြည့်​ခိုင်း​နိုင်တယ်။ အဖွဲ့အစည်း​စာပေတွေမှာ ဖော်ပြထားတာနဲ့ စွယ်စုံ​ကျမ်းတွေ၊ စိတ်ချ​ရတဲ့ သမိုင်း​စာပေတွေမှာ ဖော်ပြထားတာကို နှိုင်းယှဉ်​ကြည့်​ခိုင်းပါ။ ဒါဆိုရင် ကျမ်းစာအဆို မှန်ကန်တယ်ဆိုတာ သင့်​သားသမီး ပိုယုံကြည်စိတ်ချ​လာမယ်။

6. Tate’n thu ngaihsut siamna a neih theih nadingun nu le pate’n koi bangin huh thei a hiam? Gentehna pia in. (Lim zong en in.)

^၆ သားသမီးတွေ စဉ်းစား​ဆင်ခြင်​တတ်လာဖို့ ကူညီပေးပါ။ ဘုရားအကြောင်း၊ ကျမ်းစာ​အကြောင်း သင့်​သားသမီးနဲ့ ပြောဆိုဖို့ အခွင့်အရေး ရှာပါ။ ပြတိုက်၊ ပန်းခြံ ဒါမှမဟုတ် ယေဟောဝါသက်သေတွေရဲ့ ဌာနခွဲရုံးကို သွား​လည်ပတ်တဲ့အခါ အဲဒီလို​ပြောဆိုဖို့ အခွင့်အရေး ရလာနိုင်တယ်။ ကျမ်းစာအဆို မှန်ကန်တယ်ဆိုတာ ပိုယုံကြည်စိတ်ချ​လာ​စေနိုင်​တဲ့ ရှေးဟောင်း​ပစ္စည်းတွေ​အကြောင်း စာအုပ်​စာပေတွေ၊ ဗီဒီယိုတွေ ပြနိုင်တယ်။ နှစ် ၃,၀၀၀ သက်တမ်း ရှိတဲ့ မောဘ​ကျောက်စာမှာ ဘုရား​နာမည် ပါတယ်ဆိုတာ သူ သိသလား။ ပြင်သစ်​နိုင်ငံ၊ ပါရီ​မြို့၊ လူဗားပြတိုက်​မှာ မူရင်း​မောဘ​ကျောက်စာ ပြသထားတယ်။ နယူးယောက်၊ ဝေါဝစ်​မှာ ရှိတဲ့ ယေဟောဝါသက်သေတွေရဲ့ ကမ္ဘာ့ဌာနချုပ်ကို သွားလည်​နိုင်တယ်​ဆိုရင် “ကျမ်းစာနဲ့ မြင့်မြတ်သော​နာမတော်” ဆိုတဲ့ ပြခန်း​မှာ မောဘ​ကျောက်စာ​ပုံတူ တွေ့နိုင်တယ်။ အစ္စရေး​ဘုရင်​ကို မောဘ​ဘုရင် မေရှာ ပုန်ကန်​တဲ့​အကြောင်း အဲဒီ​ကျောက်စာမှာ ဖော်ပြထားတယ်။ ဒါ ကျမ်းစာ​ဖော်ပြချက်​နဲ့ ကိုက်ညီတယ်။ (၂ ဘု. ၃:၄၊ ၅) ကျမ်းစာအဆို မှန်ကန်ကြောင်း အထောက်အထားတွေကို သင့်​သားသမီး ကိုယ်တိုင် မြင်တဲ့အခါ ယုံကြည်ခြင်း ပိုခိုင်ခံ့လာ​မယ်။—၂ ရာဇဝင်ချုပ် ၉:၆ နဲ့ နှိုင်းယှဉ်ပါ။

7-8. (a) A piangsa nate laka a kimu thei a lamdang mahmah design-te pan bang theikhia i hiam? Gentehna pia in. (Lim zong en in.) (b) Na tate’n Piangsak pa a up semsem theih nadingun koi bang dotnate dong thei na hiam?

^၇ သဘာဝတရား​အကြောင်း စဉ်းစား​ကြည့်ဖို့ သားသမီးတွေကို အားပေးပါ။ သင့်​သားသမီးနဲ့ ကျေးလက်​ဒေသ ဒါမှမဟုတ် ပန်းခြံ သွားလည်​တဲ့အခါ သဘာဝတရား​မှာ တွေ့ရတဲ့ ဆန်းကြယ်​တဲ့ ဒီဇိုင်း​ပုံစံတွေကို အာရုံစိုက်​ခိုင်းပါ။ ဆန်းကြယ်​လှတဲ့ ဒီဇိုင်း​ပုံစံတွေ​ဟာ ဉာဏ်ပညာ ကြီးမားတဲ့ ပုံစံ​ပြုရှင် ရှိကြောင်း သက်သေပါပဲ။ ဥပမာ၊ သိပ္ပံပညာရှင်တွေ လေ့လာတာ နှစ်​တော်တော် ကြာပြီ ဖြစ်တဲ့ ခရုပတ်​ပုံစံ​အကြောင်း စဉ်းစားကြည့်ပါ။ သဘာဝတရား​မှာ တွေ့ရတဲ့ သက်ရှိ​သက်မဲ့ တစ်မျိုး​မျိုး​ရဲ့ ခရုပတ်​အရေအတွက်ကို ရေတွက်​ကြည့်တဲ့အခါ ဖီဘိုနာချီ​လို့ ခေါ်တဲ့ ကိန်းစဉ်တန်း​ထဲက ကိန်းဂဏန်း​တစ်ခုခုနဲ့ အမြဲ ကိုက်တယ်​လို့ သိပ္ပံပညာ​ရှင် နီကိုလာ ဖာမယ်လီ ရှင်းပြတယ်။ ဂလက်ဆီ​တချို့၊ ပင်လယ်​ခရု၊ သစ်ရွက်၊ နေ​ကြာ​အူတိုင်​ဟာ​လည်း ခရုပတ်​ပုံစံ ရှိတယ်။a

^၈ သဘာဝတရား​မှာ တွေ့ရတဲ့ ဒီဇိုင်း​ပုံစံတွေကို ဖြစ်ပေါ်စေတဲ့ နိယာမတွေ​အကြောင်းလည်း သင့်​သားသမီး ကျောင်းမှာ သင်ယူရနိုင်တယ်။ ဥပမာ၊ ပုံစံ​တူ အရွယ်အစား​မျိုးစုံ ဆင့်ကာဆင့်ကာ ထွက်လာတဲ့ နိယာမ (fractal) ကို သဘာဝတရား​မှာ အများကြီး တွေ့ရတယ်။ အပင်​အများစုမှာ​ဆိုရင် ပင်စည်​ကနေ အကိုင်း၊ အကိုင်း​ကနေ အခက်​အလက် ဖြစ်လာတယ်။ ဒီလို​စည်းစနစ်ကျ​တဲ့ နိယာမ​ကို ဘယ်သူ ပုံစံပြုထား​သလဲ။ ဒီလို​မေးခွန်းတွေကို သင့်​သားသမီး စဉ်းစား​လေ အရာအားလုံးကို ဘုရားသခင် ဖန်ဆင်းထားတယ်​ဆိုတာ ပိုယုံကြည်စိတ်ချလေ ဖြစ်လာနိုင်တယ်။ (ဟီ. ၃:၄) သင့်​သားသမီး ကြီးပြင်းလာတာ​နဲ့အမျှ ဘုရား​စံနှုန်းတွေ လိုက်နာဖို့ ဘာကြောင့် အရေးကြီးသလဲ​ဆိုတာ​လည်း သင်​ပေးရနိုင်တယ်။ “အမေတို့ အဖေ​တို့ကို ဘုရား ဖန်ဆင်းထားတာ​ဆိုတော့ ဘယ်လို နေထိုင်​ပြုမူ​ရင် ပျော်​မယ်​ဆိုတာ​လည်း ဘုရား အသိဆုံး ဖြစ်မယ် မဟုတ်လား” လို့ မေးနိုင်တယ်။ အဲဒီနောက် ဘယ်လို နေထိုင်​ရင် ပျော်ရွှင်​မယ်​ဆိုတာ ကျမ်းစာမှာ ဘုရား ဖော်ပြထား​ကြောင်း ရှင်းပြနိုင်တယ်။

NASA, ESA, and the Hubble Heritage (STScl/AURA)-ESA/Hubble Collaboration

LAI SIANGTHO TEHNATE IN HAMPHATNA NGAHSAK AHIHLAM A TEL NADINGUN HUH IN

9. Lai Siangtho tehnate tawh kisai-in Tate’n dotnate ba’hang hong dong khathei a hiam?

^၉ ကျမ်းစာ​စံနှုန်းတွေ​နဲ့ပတ်သက်ပြီး သားသမီးတွေ မေးခွန်းထုတ်​လာနိုင်တယ်။ ဘာကြောင့် မေးခွန်း​မေးတယ်​ဆိုတာ သိအောင် လုပ်ပါ။ ကျမ်းစာ​စံနှုန်းတွေ အကျိုးရှိ​မရှိ မယုံ​လို့ မေးတာ​လား ဒါမှမဟုတ် တခြားသူတွေကို ရှင်း​မပြတတ်​လို့ မေးတာ​လား။ ဘာကြောင့်​မေးမေး ကျမ်းစာ​စံနှုန်းတွေ အကျိုးရှိတယ်​ဆိုတာ သဘောပေါက်​လာအောင် ပျော်စရာဘဝ ထာဝရ စံစားကြ စာအုပ် သုံးပြီး သင်ပေးပါ။b

10. Jehovah’ lawm a suah theihna uh na tate’n manpha a sak theih nadingun koi bangin huh thei na hiam?

^၁၀ ယေဟောဝါနဲ့ မိတ်ဆွေ​ဖြစ်ခွင့်​ကို သားသမီးတွေ တန်ဖိုးထားတတ်ဖို့ ကူညီပေးပါ။ သင့်​သားသမီးကို ကျမ်းစာ​သင်ပေးတဲ့အခါ သဘောထား သိရအောင် ပျော်စရာဘဝ ထာဝရ စံစားကြ စာအုပ်​ထဲက မေးခွန်းတွေ မေးပါ။ ပုံဥပမာတွေ သုံးပါ။ (ပညာ. ၂၀:၅) ဥပမာ၊ ကျွန်တော်တို့ရဲ့ ဘေးကင်းရေး​အတွက်၊ ကောင်းကျိုး​အတွက် သတိပေး​တတ်တဲ့ မိတ်ဆွေကောင်း​နဲ့ ယေဟောဝါကို သင်ခန်းစာ ၈ မှာ ခိုင်းနှိုင်းထားတယ်။ ၁ ယောဟန် ၅:၃ ကို ဆွေးနွေးပြီးနောက် “ယေဟောဝါဟာ မိတ်ဆွေကောင်း ဖြစ်တယ်ဆိုတာ သိပြီ​ဆိုတော့ ယေဟောဝါရဲ့ သတိပေးချက်တွေကို ဘယ်လို သဘော​ထားသင့်သလဲ” လို့ မေးနိုင်တယ်။ မေးခွန်း​က ရိုးရိုးလေး ဆိုပေမဲ့ ကျွန်တော်တို့ကို ချစ်လို့ ယေဟောဝါ ပညတ်တွေ ပေးထားတယ်ဆိုတာ သင့်​သားသမီး သဘောပေါက်​လာနိုင်တယ်။—ဟေရှာ. ၄၈:၁၇၊ ၁၈။

11. Lai Siangtho thubulte hamphatna om ahihlam na tate’n a tel nadingun koi bangin huh thei na hiam? (Paunak 2:10,11)

^၁၁ ကျမ်းစာမူတွေ လိုက်နာရင် ဘာ​အကျိုးရတယ်​ဆိုတာ ဆွေးနွေးပါ။ သင့်​သားသမီးနဲ့ ကျမ်းစာ ဒါမှမဟုတ် နေ့စဉ်​ကျမ်းချက် အတူတူ​ဖတ်တဲ့အခါ ကျမ်းစာမူတွေ​ကြောင့် ကိုယ့်​မိသားစု ဘယ်လို အကျိုး​ရခဲ့တယ်ဆိုတာ ဆွေးနွေးပါ။ ဥပမာ၊ ရိုးသား​ကြိုးစားတဲ့အခါ ဘာ​အကျိုးရတယ်​ဆိုတာ သူ သဘောပေါက်​သလား။ (ဟီ. ၁၃:၁၈) ကျမ်းစာမူတွေ လိုက်နာတဲ့အခါ ဘယ်လိုနည်းနဲ့ စိတ်​ချမ်းသာရ​တယ်၊ ကိုယ်​ကျန်းမာ​ရတယ်ဆိုတာ​လည်း ရှင်းပြနိုင်တယ်။ (ပညာ. ၁၄:၂၉၊ ၃၀) ဒီလို​ဆွေးနွေးတဲ့အခါ ကျမ်းစာမူတွေ အကျိုးရှိတယ်​ဆိုတာ သူ သဘောပေါက်​ပြီး လိုက်နာချင်​လာမယ်။—ပညာအလိမ္မာ ၂:၁၀၊ ၁၁ ကို ဖတ်ပါ။

12. Lai Siangtho thubulte hamphatna om ahihlam a tatpa’n a theih nadingin Steve-te nupa in koi bangin na huh a hiam?

^၁၂ ပြင်သစ်​နိုင်ငံက စတိဗ်တို့​မောင်နှံ​မှာ အီသန်​လို့ ခေါ်တဲ့ ဆယ်ကျော်သက် သားတစ်ယောက် ရှိတယ်။ လူတွေကို ချစ်လို့ ယေဟောဝါ ပညတ်တွေ ပေးထားတယ်ဆိုတာ အီသန် နားလည်လာအောင် စတိဗ်​တို့ ကူညီပေးကြတယ်။ “‘ဒီ​ကျမ်းစာမူကို ယေဟောဝါ ဘာကြောင့် လိုက်နာ​စေချင်​သလဲ၊ အဖေ​တို့ကို ယေဟောဝါ ချစ်တယ်ဆိုတာ ဒီကနေ ဘယ်လို သိရသလဲ၊ ဒီ​ကျမ်းစာမူကို​သာ သား မလိုက်နာ​ခဲ့ရင် ဘာဖြစ်​သွား​နိုင်သလဲ’ စသဖြင့် သူ့ကို မေးတယ်” လို့ စတိဗ် ပြောတယ်။ ဒီလိုနဲ့ ယေဟောဝါရဲ့ စံနှုန်းတွေ မှန်ကန်တယ်ဆိုတာ အီသန် အခိုင်အမာ ယုံကြည်​စိတ်ချလာတယ်။ “ကျမ်းစာမှာ ပါတဲ့ ဉာဏ်ပညာဟာ လူ့​ဉာဏ်ပညာ​ထက် အဆ​မတန် သာလွန်တယ်​ဆိုတာ အီသန် သဘောပေါက်​လာဖို့​က ကျွန်တော်တို့​ပန်းတိုင်​ပဲ” လို့လည်း စတိဗ် ပြောတယ်။

13. Tate’n Lai Siangtho thubulte a zuih nadingun nu le pate’n koi bangin sinsak thei a hiam? Gentehna pia in.

^၁၃ ကျမ်းစာမူတွေ လိုက်နာဖို့ သားသမီးတွေကို လေ့ကျင့်ပေးပါ။ တချို့​ကျောင်းတွေ​မှာ ကျောင်းသားတစ်ယောက် အတန်း​ရှေ့ ထွက်​ပြီး စာအုပ် ဖတ်ပြ​ရ​တတ်တယ်။ သင့်​သားသမီး အဲဒီလို​တာဝန် ရလာပြီး ဖတ်ပြ​ရမယ့် စာအုပ်မှာ အကျင့်ပျက်​သူ​တွေ၊ ဒေါသကြီးသူ​တွေ​အကြောင်း အကောင်းဘက်ကနေ ပုံဖော်​ထားတယ်ဆိုပါစို့။ ဒါ သူ့ကို လေ့ကျင့်ပေးဖို့ အခွင့်အရေးပဲ။ စာအုပ်မှာ ပုံဖော်​ထားတဲ့ လူတွေရဲ့ အပြုအမူ​နဲ့ပတ်သက်ပြီး ယေဟောဝါ ဘယ်လို ခံစားရမယ်ဆိုတာ သူ့ကို စဉ်းစား​ကြည့်​ခိုင်း​နိုင်တယ်။ (ပညာ. ၂၂:၂၄၊ ၂၅။ ၁ ကော. ၁၅:၃၃။ ဖိ. ၄:၈) ဒီလို​လေ့ကျင့်ပေးတဲ့အခါ ယေဟောဝါကို နာခံတာ အကျိုးရှိ​မှန်း သူ သိလာမယ်။ စာအုပ်​နဲ့ပတ်သက်ပြီး အတန်း​မှာ ဆွေးနွေး​ကြ​တဲ့အခါ ဆရာ/မ၊ အတန်းဖော်တွေကို ကောင်းကောင်း သက်သေခံနိုင်​မယ်။

UPNA THU A HILHCIAN SIAM NADINGUN NA HUH UN

14. Koi bang thute mite kiangah hilhcian dingin tate ading haksa khathei a hiam? Ba’hang hiam?

^၁၄ ယုံကြည်ချက်​အကြောင်း တခြားသူတွေကို ရှင်းပြဖို့ သားသမီးတွေ တစ်ခါတလေ ကြောက်​နိုင်တယ်။ ဥပမာ၊ ဆင့်ကဲအယူဝါဒ​ကို ဘာကြောင့် မယုံသလဲ​ဆိုတာ အတန်း​ထဲ​မှာ ရှင်း​မပြ​ရဲ​တာ ဖြစ်နိုင်တယ်။ ဘာကြောင့်လဲ။ ဆင့်ကဲအယူဝါဒ​ဟာ ထင်ကြေး မဟုတ်ဘဲ အမှန်တရား​ဆိုပြီး ဆရာ/မတွေ သင်ပေးလို့ ဖြစ်နိုင်တယ်။ ဒါဆိုရင် ကိုယ့်​ယုံကြည်ချက် မှန်ကန်တယ်ဆိုတာ သားသမီးတွေ အခိုင်အမာ စိတ်ချ​နေဖို့ မိဘတွေ ဘယ်လို ကူညီပေးနိုင်သလဲ။

15. Tate’n a upna uh man takpi ahihlam kip taka a muan theih nadingun koi bangin huh thei i hiam?

^၁၅ ကိုယ့်​ယုံကြည်ချက် မှန်ကန်တယ်ဆိုတာ သားသမီးတွေ အခိုင်အမာ စိတ်ချ​နေဖို့ ကူညီပေးပါ။ ဖန်ဆင်းရှင်ကို ယုံတာ ရှက်စရာ မဟုတ်ဘူး။ (၂ တိ. ၁:၈) ဘာကြောင့်လဲ။ အသက်ဟာ အလိုလို ဖြစ်လာတာ မဟုတ်မှန်း သိပ္ပံပညာ​ရှင် တော်တော်​များများ လက်ခံကြတယ်။ ရှုပ်ထွေးဆန်းကြယ်တဲ့ သက်ရှိတွေ​ကို ကြည့်လိုက်ရင် ဉာဏ်ကြီးရှင်​တစ်ပါး ပုံစံပြုထား​တာ​ပဲ ဖြစ်ရမယ်​ဆိုပြီး ကောက်ချက်ချကြတယ်။ ဒါကြောင့် ကမ္ဘာတစ်ဝန်းက ကျောင်းတွေ​မှာ သင်ပေးနေ​တဲ့ ဆင့်ကဲအယူဝါဒ​ကို လက်မခံကြဘူး။ ယုံကြည်ခြင်း ခိုင်ခံ့​ဖို့ သင့်​သားသမီး ဘာ​လုပ်နိုင်​သေးသလဲ။ သက်ရှိတွေ ဖန်ဆင်းခံရ​တယ်​ဆိုတာ ညီအစ်ကို/မတွေ ယုံ​သွား​ရတဲ့ အကြောင်းရင်းကို အဖြေ​ရှာနိုင်တယ်။c

16. Tate’n Piangsak pa a upna uh a hang mite kiangah a hilhcian siam nadingun nu le pate’n koi bangin huh thei a hiam? (1 Peter 3:15) (Lim zong en in.)

^၁၆ ဖန်ဆင်းရှင်ကို ယုံရတဲ့ အကြောင်းရင်း သားသမီးတွေ ရှင်းပြတတ်ဖို့ ကူညီပေးပါ။ (၁ ပေတရု ၃:၁၅ ကို ဖတ်ပါ။) jw.org မှာ ရှိတဲ့ “လူငယ်များအမေး—ဖန်ဆင်းခြင်း​လား၊ ဆင့်ကဲဖြစ်စဉ်​လား” ဆိုတဲ့ ဆောင်းပါးတွေကို အတူတူ​လေ့လာနိုင်​တယ်။ ဖန်ဆင်းရှင် ရှိတယ်ဆိုတာ ရှင်းပြဖို့ ဆောင်းပါး​ထဲက ဘယ်အချက်ကို သုံးချင်​သလဲ ရွေး​ခိုင်းပါ။ အစမ်း​လေ့ကျင့်​ခိုင်းပါ။ အတန်းဖော်တွေ​နဲ့ မငြင်းခုံ​ဖို့ မှာထားပါ။ သဘောရိုးနဲ့ မေး​သူတွေကိုတော့ ရိုးရိုးရှင်းရှင်း ကျိုးကြောင်း​ဆင်ခြင်​ပြဖို့ ပြောပါ။ “ငါ​က မြင်ရတာ​ကို​မှ ယုံတာ။ ဘုရားကို တစ်ခါမှ မမြင်ဖူး​လို့ မယုံဘူး” ဆိုပြီး အတန်းဖော် ပြော​လာတယ်​ဆိုပါစို့။ “လူ​သူ​ကင်းဝေးတဲ့ တောနက်ကြီး​ထဲ လမ်းလျှောက်​နေတုန်း ရေတွင်း​တစ်တွင်း တွေ့တယ်​ဆိုရင် ဘယ်လို ကောက်ချက်ချ​မလဲ။ တစ်ယောက်ယောက် တူး​ထားတာ ဖြစ်ရမယ်လို့ ကောက်ချက်ချ​မယ် မဟုတ်လား။ ကမ္ဘာနဲ့ သက်ရှိ​အားလုံး ရှိ​လာတာလည်း တစ်ယောက်ယောက် ဖန်ဆင်းထားလို့​ပဲ​ပေါ့” ဆိုပြီး သင့်​သားသမီး ပြော​နိုင်တယ်။

17. Tate’n hunpha zonga teci a pan siam nadingun nu le pate’n koi bangin tha pia thei a hiam? Gentehna pia in.

^၁၇ အခွင့်အရေး ရှာပြီး သက်သေခံဖို့ သားသမီးတွေကို အားပေးပါ။ (ရော. ၁၀:၁၀) သက်သေခံဖို့ ကြိုးစားတာ​ဟာ တူရိယာ​တစ်မျိုး တီးတတ်ဖို့ ကြိုးစားတာ​နဲ့ တူတယ်။ စ​စ​ချင်း​မှာတော့ လွယ်တဲ့ သီချင်းတွေနဲ့ လေ့ကျင့်​မှာ ဖြစ်တယ်။ အချိန်ကြာတာနဲ့​အမျှ တီးခတ်​ရတာ စိတ်​ပေါ့ပါး​လာမယ်။ အဲဒီလိုပဲ တခြားသူတွေကို သင့်​သားသမီး သက်သေခံတဲ့အခါ အစပိုင်းမှာ ရိုးရှင်း​လွယ်ကူတဲ့​နည်း​တွေ သုံးနိုင်တယ်။ ဥပမာ၊ “သဘာဝတရား​မှာ တွေ့ရတဲ့​အရာတွေကို အတုခိုး​ပြီး လူတွေ တီထွင်လေ့ရှိတယ်​ဆိုတာ သိသလား။ စိတ်ဝင်စားစရာ ဗီဒီယို​တစ်ခု ပြမယ်​နော်” ဆိုပြီး အတန်းဖော်​ကို ပြော​နိုင်တယ်။ အလိုလို ဖြစ်လာတာ​လား ကဏ္ဍ​ထဲက ဗီဒီယို​တစ်ခု ပြပြီးနောက် “သဘာဝတရား​မှာ ရှိပြီး​သား​အရာတွေကို တုပြီး ဖန်တီး​လို့ လူတွေ ချီးမွမ်း​ခံရတယ်​ဆိုရင် သဘာဝတရား​ကြီး​အတွက် ဘယ်သူ့ကို ချီးမွမ်းသင့်သလဲ” လို့ မေးနိုင်တယ်။ ရိုးရိုးလေး မေးလိုက်တာ ဖြစ်ပေမဲ့ ယေဟောဝါအကြောင်း အတန်းဖော် ပို​သိချင်​လာနိုင်တယ်။

NA TATE’ UPNA A KIP SEMSEM NADINGIN HUHSUAK UN

18. Tate’n Pasian a upna uh a kip semsem nadingin nu le pate’n koi bangin huhsuak thei a hiam?

^၁၈ လောက​မှာ ယေဟောဝါကို မယုံကြည်သူတွေ ပြည့်နေတယ်။ (၂ ပေ. ၃:၃) ဒါကြောင့် မိဘတို့၊ သင့်​သားသမီးကို ကျမ်းစာ​သင်ပေးတဲ့အခါ ကျမ်းစာကို၊ ဘုရား​စံနှုန်းတွေကို ပို​လေးမြတ်​လာ​စေ​မယ့် အကြောင်းအရာတွေ ရှာဖွေ​ခိုင်းပါ။ စဉ်းစား​ဆင်ခြင်​တတ်လာ​စေဖို့ ဖန်ဆင်းခြင်း​လက်ရာတွေကို ထောက်ပြပါ။ ပြည့်စုံပြီး​သား ကျမ်းစာ​ကြိုဟောချက်တွေကို သဘောပေါက်ဖို့ ကူညီပေးပါ။ အရေးကြီးဆုံးကတော့ သူနဲ့အတူ ဆုတောင်းပါ။ သူ့အတွက် ဆုတောင်းပေးပါ။ ဒါဆိုရင် သင့်​သားသမီး ယုံကြည်ခြင်း ခိုင်ခံ့နေဖို့ သင် ကြိုးစား​သမျှ​အတွက် ယေဟောဝါ ကောင်းချီးပေးမယ်ဆိုတာ စိတ်ချနိုင်ပါတယ်။—၂ ရာ. ၁၅:၇။