Bang Hangin Jehovah I Kihtak Ding Kisam A Hiam?

1-2. Late 25:14-a a gen bangin, Jehovah tawh i kilawmtat nop leh bang i sep ding kisam a hiam?

တစ်ယောက်ယောက်​နဲ့ အခင်အမင် မပျက်ချင်ရင် ဘာအရည်အသွေးတွေ ရှိဖို့ အရေးကြီးသလဲ။ မေတ္တာနဲ့ ထောက်မမှု​လို့ ဖြေကြပါလိမ့်မယ်။ ကြောက်ရွံ့ခြင်းဆိုတာကိုတော့ စဉ်းစားမိ​ကြ​မှာ မဟုတ်ဘူး။ ဒါပေမဲ့ ဒီဆောင်းပါးရဲ့ အဓိက ကျမ်းချက်မှာ ဖော်ပြသလို ယေဟောဝါဘုရားနဲ့ ခင်မင်​ရင်းနှီးချင်သူတွေဟာ ဘုရားကို “ကြောက်ရွံ့” ရမယ်။—ဆာလံ ၂၅:၁၄ ကို ဖတ်ပါ။

^၂ အမှန်တရား သက်တမ်း ဘယ်လောက်ပဲ ရှိနေပါစေ ကျွန်တော်တို့​အားလုံး ယေဟောဝါကို အမြဲ ချစ်​ကြောက်​ရိုသေ​ကြရမယ်။ ဘုရားကို ကြောက်ရွံ့​တယ်ဆိုတာ ဘာကို ဆိုလိုသလဲ။ ဘယ်လိုနည်းနဲ့ ကြောက်ရွံ့တတ်လာမလဲ။ နန်းတော်အုပ် ဩဗဒိ၊ ပုရောဟိတ်မင်း ယောယဒ၊ ဘုရင် ယောရှ​တို့​ဆီကနေ ဘာသင်ယူနိုင်သလဲ။

PASIAN KIHTA CIH IN BANG A CIHNOPNA HIAM?

3. Kihtakna in koi bang danin kidalna hisak a hiam? Hilhcian in.

^၃ အန္တရာယ် ရှိနိုင်​မှန်း သိထားရင် ကျွန်တော်တို့ ကြောက်​တတ်​ကြတယ်။ အဲဒီလို ကြောက်​တတ်​တာ ကောင်းတယ်။ ဒါမှ လုပ်စရာ ရှိတာ လုပ်၊ ရှောင်​စ​ရာ ရှိတာ ရှောင်နိုင်​မှာ။ ဥပမာ၊ အမြင့်​ကနေ ပြုတ်ကျ​မှာ ကြောက်တဲ့ စိတ်​က အစွန်အဖျား​တွေ​မှာ ကပ်မလျှောက်ဖို့၊ ဒဏ်ရာ ရမှာ ကြောက်တဲ့ စိတ်​က အန္တရာယ် မဖြစ်အောင် ရှောင်ဖို့၊ ချစ်ရသူ တစ်ယောက်ယောက်​နဲ့ ဆက်ဆံရေး ပြတ်တောက်​သွားမှာ ကြောက်တဲ့ စိတ်​က သူ မကြိုက်တာ မပြောမိ၊ မလုပ်မိဖို့ ကူညီပေးတယ်။

4. Mite’n koi banga Jehovah a kihtak ding uh Satan in deih a hiam?

^၄ ယေဟောဝါ​လို့ ပြောလိုက်တာနဲ့ လူတွေ ဖိမ့်ဖိမ့်တုန် ထိတ်လန့်​နေတာမျိုး စာတန် ဖြစ်စေချင်တယ်။ တစ်ချိန်လုံး ဒေါသ​ထွက်၊ အပြစ်ရှာ၊ အလိုမကျ​နိုင်​တဲ့ ဘုရား​လို့ ထင်စေချင်တယ်။ (ယောဘ ၄:၁၈၊ ၁၉) ကြောက်လွန်းလို့ ဝတ်မပြုရဲတော့တဲ့အထိ ဖြစ်သွားစေချင်တယ်။ ဒီလို​မဖြစ်ဖို့ ဘုရားအပေါ် တော်မှန်တဲ့ ကြောက်ရွံ့ခြင်း​မျိုး ရှိရမယ်။

5. Pasian kihta cih in bang a cihnopna hiam?

^၅ ဘုရားအပေါ် တော်မှန်တဲ့ ကြောက်ရွံ့ခြင်း​မျိုး ရှိသူဟာ ဘုရားကို ချစ်တယ်။ ဘုရားနဲ့ ဆက်ဆံရေး ထိခိုက်​သွား​စေ​မယ့် ဘယ်အရာကိုမှ မလုပ်ဘူး။ ဥပမာ၊ ယေရှုဟာ “ဘုရားသခင်ကို ကြောက်ရွံ့​ရိုသေ” တယ်။ (ဟီ. ၅:၇) လန့်​နေတာမျိုး မဟုတ်ဘူး။ (ဟေရှာ. ၁၁:၂၊ ၃) ဘုရားကို ချစ်လို့​ကို နာခံချင်နေတာ။ (ယော. ၁၄:၂၁၊ ၃၁) ဒါဆိုရင် ကျွန်တော်တို့​ကော ယေဟောဝါကို ဘာကြောင့် ချစ်​ကြောက်​ရိုသေ​ကြသလဲ။ ယေဟောဝါဟာ မေတ္တာရှင်၊ ဉာဏ်ပညာရှင်၊ တရား​မျှတ​ရှင်၊ တန်ခိုးရှင် ဖြစ်နေလို့ပဲ။ ဒါ့အပြင် ကျွန်တော်တို့ကို သိပ်ချစ်တယ်။ လမ်းညွှန်​ပေးတဲ့အခါ ကျွန်တော်တို့ ဘယ်လို တုံ့ပြန်မလဲ စိတ်ဝင်စားတယ်။ ကျွန်တော်တို့သာ မနာခံ​ရင် ဘုရား စိတ်ထိခိုက်​သွားမှာ။ ဒါကြောင့် ဘုရား စိတ်ထိခိုက်​မှာ ကြောက်လို့၊ ဘုရားကို ချစ်လို့ နာခံကြ​တာ။—ဆာ. ၇၈:၄၁။ ပညာ. ၂၇:၁၁။

KOI BANGIN PASIAN KIHTA THEI DING I HIAM?

6. Pasian i kihtak theih nading thu khat in bang a hiam? (Late 34:11)

^၆ ယေဟောဝါကို ကြောက်ရွံ့​တဲ့ စိတ်ဟာ မွေးရာပါ မဟုတ်ဘူး။ ကြောက်တတ်လာအောင် သင်ယူ​ရတာ​မျိုး။ (ဆာလံ ၃၄:၁၁ ကို ဖတ်ပါ။) သင်ယူ​နိုင်​တဲ့ တစ်နည်းကတော့ ဖန်ဆင်းရာတွေ​အကြောင်း တွေးတောခြင်း​ပါ။ “ဖန်ဆင်းထား​ရာ​တွေ” မှာ ပေါ်လွင်​နေတဲ့ ဘုရားရဲ့ ဉာဏ်ပညာ၊ တန်ခိုး၊ မေတ္တာကို မြင်လာ​လေ ဘုရားကို ပို​ချစ်၊ ပို​လေးစား​လာ​လေ​ပဲ။ (ရော. ၁:၂၀) “ဖန်ဆင်းရာတွေ​မှာ ယေဟောဝါရဲ့ ဉာဏ်ပညာကို တွေ့ရလို့ အံ့ဩ​မိတယ်။ ကျွန်မ​အတွက် ဘာ​အကောင်းဆုံးလဲ​ဆိုတာ ယေဟောဝါ သိကြောင်း စဉ်းစားမိ​လာတယ်။ အဲဒီလို စဉ်းစား​လိုက်တော့ အသက်ပေး​ရှင် ယေဟောဝါနဲ့ ဆက်ဆံရေး ထိခိုက်စေမယ့် ဘယ်အရာကိုမှ မ​လုပ်ချင်တော့​ဘူး” လို့ ညီအစ်မ အေဒရီယန် ပြောတယ်။ သင်လည်း ဒီအပတ်အတွင်း ဖန်ဆင်း​ရာ တစ်ခုခု​အကြောင်း တွေးတော​ဖို့ အချိန် ဖယ်​ထားနိုင်မလား။ ဒါဆိုရင် ယေဟောဝါကို ပို​ချစ်၊ ပို​လေးစား​လာမယ်။—ဆာ. ၁၁၁:၂၊ ၃။

7. Thungetna in Jehovah i kihtak nadingin koi bangin hong huh thei a hiam?

^၇ ဘုရားကို ကြောက်ရွံ့တတ်လာဖို့ ကူညီပေးမယ့် နောက်တစ်နည်းကတော့ မှန်မှန် ဆုတောင်းခြင်း​ပါ။ ဆုတောင်း​လေ ယေဟောဝါကို တကယ့် ပုဂ္ဂိုလ်​အဖြစ် မြင်လာ​လေ​ပဲ။ ဥပမာ၊ အခက်အခဲတွေ ခံရပ်နိုင်အောင် ခွန်အားပေးပါလို့ ဆုတောင်းတာ​ဟာ ယေဟောဝါ သိပ်​တန်ခိုးကြီး​ကြောင်း ကိုယ့်ကိုယ်ကိုယ် သတိပေး​ရာ ရောက်တယ်။ ရွေးဖိုး လက်ဆောင်​အတွက် ကျေးဇူးတင်ကြောင်း ဆုတောင်းတာက ကိုယ့်ကို ယေဟောဝါ သိပ်ချစ်တယ်ဆိုတာ အမှတ်ရစေတယ်။ ပြဿနာ ဖြေရှင်းနိုင်ဖို့ ကူညီပေးပါ​လို့ ဆုတောင်းတာ​ဟာ ယေဟောဝါ ဉာဏ်ပညာ ကြီးမားကြောင်း အသိအမှတ်ပြု​ရာ ရောက်တယ်။ ဒီလို​ဆုတောင်းချက်တွေ​က ယေဟောဝါကို ပို​လေးစား​လာ​စေတယ်။ ဘုရားနဲ့ ဆက်ဆံရေး ထိခိုက်စေမယ့် ဘယ်အရာ​မ​ဆို ရှောင်ဖို့ ဆုံးဖြတ်ချက် ပို​ခိုင်မာလာစေတယ်။

8. Pasian kihtakna lungsim i neihsuak nadingin bang sem thei i hiam?

^၈ ကျမ်းစာ လေ့လာခြင်းကလည်း ဘုရားကို ကြောက်ရွံ့​တဲ့​စိတ် အမြဲ ရှိနေ​အောင် ကူညီပေးနိုင်တယ်။ လေ့လာတဲ့အခါ စံနမူနာကောင်းသူ၊ မကောင်းသူတွေဆီကနေ သင်ခန်းစာ ယူမယ်​ဆိုတဲ့ ရည်ရွယ်ချက်နဲ့ လေ့လာ​ပါ။ အခု၊ စံနမူနာကောင်းသူ နှစ်ယောက် ဖြစ်တဲ့ ဘုရင် အာဟပ်ရဲ့ နန်းတော်အုပ် ဩဗဒိနဲ့ ပုရောဟိတ်မင်း ယောယဒ​အကြောင်း လေ့လာ​ကြည့်ကြစို့။ အစပိုင်းမှာ ယေဟောဝါကို ဝတ်ပြုပေမဲ့ နောက်ပိုင်း၊ လမ်းလွဲ​သွားတဲ့ ယုဒဘုရင် ယောရှ​အကြောင်းလည်း လေ့လာကြပါမယ်။

OBADIAH BANGIN HANGSAN IN

9. Jehovah a kihtakna in Obadiah koici huh a hiam? (1 Kumpi 18:3, 12)

^၉ “ဩဗဒိဟာ ယေဟောဝါကို အလွန် ကြောက်ရွံ့​ရိုသေတဲ့သူပဲ” ဆိုပြီး ကျမ်းစာမှာ ဖော်ပြထားတယ်။ (၁ ဘုရင်များ ၁၈:၃၊ ၁၂ ကို ဖတ်ပါ။) ယေဟောဝါကို ကြောက်ရွံ့​လို့ ဩဗဒိb ရိုးသားသူ၊ ယုံကြည်​စိတ်ချထိုက်သူ ဖြစ်​နေတာ။ ဒါကြောင့် ဘုရင်​က တော်ဝင်​နန်းတော်ရဲ့ ကိစ္စ အဝဝ​ကို​တောင် အပ်​ထားတယ်။ (နေဟမိ ၇:၂ နဲ့ နှိုင်းယှဉ်ပါ။) ဒါ့အပြင် ဘုရားကို ကြောက်ရွံ့​လို့ ဩဗဒိ ထူးထူးခြားခြား သတ္တိ ရှိခဲ့တယ်။ ‘ယေဟောဝါရှေ့မှာ မကောင်းတာတွေ ဆက်လုပ်တဲ့၊ အရင်က ဘုရင်တွေ​ထက် ပိုဆိုးတဲ့’ မင်းဆိုး အာဟပ် အုပ်ချုပ်ချိန်မှာ အသက်ရှင်​ရလို့ အဲဒီလို​သတ္တိ​မျိုး သိပ်​လိုမှာ။ (၁ ဘု. ၁၆:၃၀) အာဟပ်ရဲ့ မိဖုရား၊ ဗာလ ဝတ်ပြု​ကိုးကွယ်​သူ ယေဇဗေလ​ကလည်း ယေဟောဝါကို မုန်းလွန်းလို့ မြောက်ပိုင်း​နိုင်ငံကနေ စစ်မှန်တဲ့ ဝတ်ပြုရေးကို ဖယ်ရှားပစ်ချင်နေတယ်။ ယေဟောဝါရဲ့ ပရောဖက်တွေ​ကို သတ်ပစ်တယ်။ (၁ ဘု. ၁၈:၄) သိပ်ခက်ခဲတဲ့​အချိန်မှာ ယေဟောဝါကို ဩဗဒိ ဝတ်ပြု​ခဲ့​ရတာ။

10. Koi bang danin Obadiah in hangsanna lakkhia a hiam?

^၁၀ ဘယ်လိုနည်းနဲ့ ဩဗဒိ ထူးခြားတဲ့ ရဲစွမ်းသတ္တိ ပြသလဲ။ ဘုရားရဲ့ ပရောဖက်တွေ​ကို သတ်ပစ်ဖို့ ယေဇဗေလ သဲကြီးမဲကြီး လိုက်ရှာ​နေချိန် ဩဗဒိဟာ ပရောဖက် ၁၀၀ ကို ‘၅၀ စီ ခွဲပြီး လိုဏ်ဂူ​ထဲ​မှာ ဝှက်ထားပေးတယ်၊ အစာရေစာ ကျွေးမွေးတယ်။’ (၁ ဘု. ၁၈:၁၃၊ ၁၄) ဒီလို​ဝှက်ထား​တာ​သာ ယေဇဗေလ သိသွား​ရင် သတ္တိခဲ ဩဗဒိ အသတ်ခံရမှာ သေချာတယ်။ ဩဗဒိ​လည်း လူ​ပဲ။ ဘယ်သေချင်ပါ့မလဲ။ ဒါပေမဲ့ ကိုယ့်ကိုယ်ကိုယ် ချစ်တာ​ထက် ယေဟောဝါကို၊ ဝတ်ပြုသူချင်း​တွေ​ကို ပိုချစ်တယ်။

11. Tu huna Pasian mite’n Obadaih koici etteh uh a hiam? (Lim zong en in.)

^၁၁ ဒီနေ့၊ ပိတ်ပင်​ခံထားရတဲ့ ဒေသ​တွေ​မှာ ဘုရား​ကျေးကျွန် တော်တော်​များများ ရှိတယ်။ အာဏာပိုင်တွေကို ထိုက်သင့်သလောက် လေးစားပေမဲ့ ဩဗဒိလို​ပဲ ယေဟောဝါ ရထိုက်​တာကို ယေဟောဝါကိုပဲ ပေးကြတယ်။ အဲဒါကတော့ အကြွင်းမဲ့ ဆည်းကပ်​ဝတ်ပြုမှု​ပါ။ (မ. ၂၂:၂၁) ဘုရားကို ကြောက်ရွံ့​လို့ လူ့​စကား​ထက် ဘုရား​စကားကို နားထောင်​ကြတယ်။ (တ. ၅:၂၉) သတင်းကောင်း ဆက်​ဟော​ကြတယ်။ သိုသိုသိပ်သိပ် အစည်းအဝေး ကျင်းပကြတယ်။ (မ. ၁၀:၁၆၊ ၂၈) လိုအပ်တဲ့ ကျမ်းစာ စာပေတွေ ညီအစ်ကို/မတွေ ရဖို့ စီစဉ်ပေးကြတယ်။ အာဖရိကမှာ နေတဲ့ ညီအစ်ကို ဟင်နရီ​အကြောင်း စဉ်းစားကြည့်ပါ။ အာဖရိကမှာ အချိန်​အတိုင်းအတာ တစ်ခုအထိ အဖွဲ့အစည်း​လုပ်ငန်း ပိတ်ပင်​ခံရ​ချိန် ညီအစ်ကို/မတွေ​ဆီ ကျမ်းစာ စာပေတွေ ဖြန့်ဝေ​ပေးတယ်။ “ကျွန်တော်က နဂို​က လူ​ကြောက်။ ဒါပေမဲ့ ဘုရားကို ကြောက်လို့ အခုလို သတ္တိ ရှိတာ” လို့ ပြောတယ်။ သင်​ကော ဟင်နရီ​လို သတ္တိ ရှိ​နိုင်မလား။ ဘုရားကို​သာ ကြောက်ရွံ့​မယ်​ဆိုရင် သတ္တိ ရှိနိုင်ပါတယ်။

SIAMPI LIAN JEHOIADA BANGIN CITAK IN

12. Siampi Lian Jehoiada le a zi in Jehovah tung a cihtaklam uh koici lakkhia uh a hiam?

^၁၂ ယေဟောဝါဘုရားကို ကြောက်ရွံ့ခြင်းက ဘုရားအပေါ် သစ္စာရှိဖို့၊ စစ်မှန်တဲ့ ဝတ်ပြုရေး ထွန်းကား​အောင် လုပ်ဖို့ ပုရောဟိတ်မင်း ယောယဒ​ကို လှုံ့ဆော်ပေးတယ်။ ယုဒပြည်မှာ ယေဇဗေလ​ရဲ့ သမီးတော် အာသလိ ထီးနန်း မတရား သိမ်းပိုက်ချိန် ဘုရားအပေါ် ယောယဒရဲ့ သစ္စာရှိမှု ပို​ထင်ရှား​လာတယ်။ အာသလိ​ကို လူတွေ သိပ်​ကြောက်ကြတယ်။ အာဏာမက်​လွန်းလို့ တော်ဝင်​မျိုးဆက် မြေး​အားလုံးကို သတ်ပစ်​တဲ့​အထိ ရက်စက်ကြမ်းကြုတ်သူ ဖြစ်လို့ပဲ။ (၂ ရာ. ၂၂:၁၀၊ ၁၁) မြေး​တစ်ယောက် ဖြစ်တဲ့ ယောရှ​ကတော့ လွတ်သွား​တယ်။ ယောယဒ​နဲ့ ဇနီး ယောရှေဘတ်​တို့ ဝှက်ထား​ပြီး ပြုစု​စောင့်ရှောက်​ပေးလို့​ပါ။ ဒါကြောင့်​လည်း ဒါဝိဒ်​မင်းဆက် ပြတ်မသွားတာ။ တကယ်ဆိုရင် အဲဒီအချိန်မှာ ယောယဒ အသက် တော်တော် ကြီး​နေပြီ။ ဒါပေမဲ့ ယေဟောဝါအပေါ် သစ္စာရှိလို့ အာသလိ​ကို မကြောက်ဘဲ မှန်ရာ လုပ်နိုင်​ခဲ့​တာ။—ပညာ. ၂၉:၂၅။

13. Joash kum sagih a phak lai-in Jehoiada in cihtaklam koi bangin lakkhia a hiam?

^၁၃ ယေဟောဝါအပေါ် သစ္စာ​ရှိကြောင်း ယောရှ ခုနစ်နှစ် အရွယ်မှာ ယောယဒ ထပ်​ပြတယ်။ ယောယဒ အစီအစဉ်​တစ်ခု ဆွဲတယ်။ အစီအစဉ်​သာ အောင်မြင်ရင် ဒါဝိဒ်​မင်းဆက် ဆက်ခံသူ​အနေနဲ့ ယောရှ ဘုရင် ဖြစ်လာမယ်။ မအောင်မြင်ရင်တော့ ယောယဒ အသက်​အန္တရာယ်​တောင် ရှိနိုင်တယ်။ ဒါပေမဲ့ ယေဟောဝါရဲ့ အကူအညီကြောင့် အစီအစဉ် အောင်မြင်​သွားတယ်။ လေဝိ​အမျိုးသားတွေ၊ ဆွေမျိုး​စု ခေါင်းဆောင်တွေ​လည်း ကူညီ​ကြ​လို့ ယောရှ​ကို ဘုရင် မြှောက်နိုင်ခဲ့တယ်။ အာသလိ​ကို ကွပ်မျက်​နိုင်ခဲ့တယ်။ (၂ ရာ. ၂၃:၁-၅၊ ၁၁၊ ၁၂၊ ၁၅။ ၂၄:၁) အဲဒီနောက် ယောယဒ​က “ဘုရင်​နဲ့ လူတွေကို ယေဟောဝါရဲ့ လူမျိုး အမြဲ ဖြစ်​နေ​စေဖို့ ယေဟောဝါနဲ့ ကတိ​သစ္စာပြုခိုင်းတယ်။” (၂ ဘု. ၁၁:၁၇) “တစ်ခုခု​ကြောင့် မသန့်မရှင်း ဖြစ်​နေ​သူ​တွေ ယေဟောဝါရဲ့ အိမ်တော်​ထဲ မဝင်နိုင်အောင် တံခါးစောင့်တွေ​ကိုလည်း ချထားတယ်။”—၂ ရာ. ၂၃:၁၉။

14. Jehovah a pahtawi manin Jehoiada koi bangin kipahtawi a hiam?

^၁၄ “ငါ့ကို ချီးမြှောက်​သူတွေကို ငါ ချီးမြှောက်​မယ်” လို့ ယေဟောဝါ ပြောထားတယ်။ တကယ်လည်း ယောယဒ​ကို ယေဟောဝါ ချီးမြှောက်​တယ်။ (၁ ရှ. ၂:၃၀) ကျွန်တော်တို့ သင်ယူနိုင်ဖို့ ယောယဒရဲ့ လုပ်ရပ်တွေ​အကြောင်း ကျမ်းစာမှာ မှတ်တမ်းတင်​စေတယ်။ (ရော. ၁၅:၄) ယောယဒ သေဆုံးတော့ “ဒါဝိဒ်​မြို့မှာ ဘုရင်တွေ​နဲ့​အတူ သင်္ဂြိုဟ်” ခံခွင့် ပေးတယ်။ “အစ္စရေး​ပြည်မှာ ဘုရားသခင်​အတွက်၊ ဘုရားသခင့်​အိမ်တော်​အတွက် ကောင်းမှုတွေ လုပ်” ခဲ့​လို့ ဒီလို​ချီးမြှောက်ခံရတာ။—၂ ရာ. ၂၄:၁၅၊ ၁၆။

15. Jehoiada tungtang pan bang sin thei i hiam? (Lim zong en in.)

^၁၅ ဘုရားကို ကြောက်ရွံ့တတ်လာဖို့ ယောယဒ မှတ်တမ်းက ကျွန်တော်တို့​အားလုံးကို ကူညီပေးနိုင်တယ်။ ယောယဒ​လို​ပဲ အကြီးအကဲတွေဟာ သိုးတော်စုကို ကာကွယ်ရာမှာ လိမ္မာပါးနပ်မှု ရှိရမယ်၊ သစ္စာရှိရမယ်။ (တ. ၂၀:၂၈) အသက်ကြီးသူတွေ​လည်း ယောယဒ​ဆီကနေ သင်ယူနိုင်တယ်။ အသက်​ကြီးသွားပေမဲ့ ယေဟောဝါဘုရားကို ကြောက်ရွံ့​မယ်၊ သစ္စာ​ရှိမယ်ဆိုရင် အလိုတော် ပြီးမြောက်​ဖို့ ဘုရား အသုံးပြုပါလိမ့်မယ်။ ချောင်​ထိုး​ထား​မှာ မဟုတ်ဘူး။ ယောယဒ​ကို ယေဟောဝါ ဆက်ဆံပုံ​ကနေ လူငယ်တွေ သင်ယူနိုင်တယ်။ အထူးသဖြင့်၊ ဘုရားကို နှစ်ပေါင်းများစွာ သစ္စာရှိရှိ ဝတ်ပြု​နေတဲ့ ညီအစ်ကို/မ​ကြီး​တွေ​ကို ရိုရိုသေသေ၊ လေးလေးစားစား ဆက်ဆံ​နိုင်တယ်။ (ပညာ. ၁၆:၃၁) ကျွန်တော်တို့​အားလုံး “ဦးဆောင်တဲ့သူတွေ” ကို နာခံခြင်းအားဖြင့် ယောယဒ​ကို သစ္စာရှိရှိ ထောက်မခဲ့​ကြ​တဲ့ ဆွေမျိုး​စု ခေါင်းဆောင်တွေ၊ လေဝိ​အမျိုးသားတွေကို အတုယူနိုင်တယ်။—ဟီ. ၁၃:၁၇။

JUDAH KUMPI JOASH TAWH KIBANG KEI IN

16. Kumpi Joash a lungsim gina lo ahihlam bang in lakkhia a hiam?

^၁၆ ယောယဒ ကောင်းကောင်း လေ့ကျင့်​သွန်သင်ပေးလို့ ဘုရင် ယောရှ လူကောင်းသူကောင်းလေး ဖြစ်လာတယ်။ (၂ ဘု. ၁၂:၂) ငယ်ငယ်ရွယ်ရွယ်နဲ့ ဘုရင် ဖြစ်​လာချိန် ယေဟောဝါ နှစ်သက်တာတွေ လုပ်တယ်။ ဒါပေမဲ့ ယောယဒ သေဆုံးပြီးနောက် အယူဖောက်ပြန်တဲ့ ယုဒ​မှူးမတ်​တွေ​ရဲ့ စကား နားယောင်သွားတယ်။ ဘာဆက်​ဖြစ်သလဲ။ ယောရှ​နဲ့ ပြည်သူ​ပြည်သား​အားလုံး “ကိုးကွယ်ရာ​သစ်တိုင်​တွေ၊ ရုပ်တုတွေ​ကို ဝတ်ပြု​လာကြတယ်။” (၂ ရာ. ၂၄:၄၊ ၁၇၊ ၁၈) ယေဟောဝါ သိပ်​စိတ်ထိခိုက်​တယ်။ ‘သူတို့ကို မိမိဆီ ပြန်လှည့်လာအောင် ပရောဖက်တွေ စေလွှတ်မြဲ စေလွှတ်ပေမဲ့ သူတို့ နားမထောင်ကြဘူး။’ ယေဟောဝါရဲ့ ပရောဖက်​လည်း ဖြစ်၊ ပုရောဟိတ်​လည်း ဖြစ်တဲ့ ဇာခရိ​ရဲ့ စကားကိုတောင် နားမထောင်ကြဘူး။ တကယ်ဆိုရင် ဇာခရိ​ဟာ ယောယဒရဲ့​သား။c ယောရှ​နဲ့ တစ်ဝမ်းကွဲ တော်တယ်။ ဇာခရိ​တို့ မိသားစု​အပေါ် တင်နေတဲ့ ကျေးဇူးကို​မှ မထောက် ဇာခရိ​ကို ယောရှ သတ်​လိုက်တယ်။—၂ ရာ. ၂၂:၁၁။ ၂၄:၁၉-၂၂။

17. Joash tungah bang hong piang a hiam?

^၁၇ နောက်ပိုင်း၊ ယေဟောဝါကို ယောရှ မ​ကြောက်တော့​ဘူး။ ဒါကြောင့် အဖြစ်ဆိုးတွေ ကြုံရတယ်။ ‘ငါ့ကို မထီလေးစား လုပ်​သူ​တွေ မထီလေးစား ဆက်ဆံခံရ​လိမ့်မယ်’ လို့ ယေဟောဝါ ပြောထားတယ်။ (၁ ရှ. ၂:၃၀) အင်အားနည်းတဲ့ ဆီးရီးယား​တပ်​လေး လာတိုက်​လို့ ယောရှရဲ့ “အင်အား​ကြီးမားတဲ့ ယုဒ​တပ်” ရှုံးသွား​တယ်။ ယောရှ “အကြီးအကျယ် ဒဏ်ရာ ရ” သွားတယ်။ ဆီးရီးယား​တွေ ထွက်ခွာ​ပြီးနောက် ယောရှ​ကို သူ့​အမှုထမ်းတွေ လုပ်ကြံ​သတ်ဖြတ်လိုက်တယ်။ ဇာခရိ​ကို သတ်​တဲ့ အပြစ်ကြောင့် အဲဒီလို ခံရတာ။ မင်းကောင်း မဟုတ်လို့​ဆိုပြီး “ဘုရင့်​သင်္ချိုင်း​မှာ” တောင် သင်္ဂြိုဟ်​မပေးကြဘူး။—၂ ရာ. ၂၄:၂၃-၂၅။

18. Jeremiah 17:7, 8-a a gen bangin, Joash tawh kibat loh nadingin bang i sep ding kisam a hiam?

^၁၈ ယောရှ​ဆီကနေ ဘာသင်ယူနိုင်သလဲ။ ယောရှ​ဟာ အမြစ် မစွဲ​လို့ ဒေါက်တိုင်ကို မှီနေရတဲ့ အပင်နဲ့ တူတယ်။ ဒေါက်တိုင် ယောယဒ သေဆုံးပြီးနောက် အယူမှား​လေ တိုက်ခတ်​တဲ့အခါ ယောရှ ပြိုလဲ​သွားတော့တယ်။ သင်ခန်းစာ​က ဘာလဲ။ မိသားစုဝင်တွေ၊ ညီအစ်ကို/မတွေ စံနမူနာကောင်း ပြတာ တစ်ခုတည်း​ကြောင့် ဘုရားကို ကြောက်ရွံ့​တာ​မျိုး မဖြစ်သင့်ဘူး။ ဘုရားကို ချစ်​ကြောက်​ရိုသေ​စိတ် အမြဲ ရှိနေ​အောင် မှန်မှန် ကျမ်းစာ လေ့လာ၊ တွေးတော​ဆင်ခြင်၊ ဆုတောင်းရမယ်။ ဒါမှ ဘုရားနဲ့ နှစ်ကိုယ်ကြား ဆက်ဆံရေး ခိုင်မြဲ​နေ​မှာ။—ယေရမိ ၁၇:၇၊ ၈ ကို ဖတ်ပါ။ ကော. ၂:၆၊ ၇။

19. Jehovah in bang hong ngen a hiam?

^၁၉ ကျွန်တော်တို့​ဆီ​က ယေဟောဝါ များများစားစား မတောင်းဆိုဘူး။ တောင်းဆို​ထားတာကို ဒေသနာ ၁၂:၁၃ မှာ ဒီလို အနှစ်ချုပ် ဖော်ပြထားတယ်– “စစ်မှန်တဲ့ ဘုရားသခင်ကို ကြောက်ရွံ့​ရိုသေပြီး ပညတ်ချက်တွေကို လိုက်နာပါ။ ဒါဟာ လူတွေ မပျက်မကွက် လိုက်နာ​ရမယ့် တာဝန်​ပဲ။” မှန်ပါတယ်၊ ဘုရားကို​သာ ကြောက်ရွံ့​မယ်​ဆိုရင် အနာဂတ်မှာ ဘာတွေ​ပဲ ရင်ဆိုင်​ရ​ပါ​စေ ဩဗဒိနဲ့ ယောယဒ​လို​ပဲ ဆက်​ခံရပ်နိုင်မယ်၊ ဆက်သစ္စာ​ရှိနိုင်မယ်။ ဘာအကြောင်း​ကြောင့်​မှ ယေဟောဝါနဲ့ ဆက်ဆံရေး ပျက်စီး​မှာ မဟုတ်ဘူး။